Vishnupriya: ఇన్‌స్టాగ్రామ్‌లో అర్ధ‌న‌గ్న ఫొటోలు-స‌బ్‌స్క్రిప్ష‌న్‌తో బోల్డ్ షో-విష్ణుప్రియ‌కు షాక్‌- పోలీసులకు ఫిర్యాదు

Vishnupriya: హాట్ యాంకర్, బిగ్ బాస్ ఫేమ్ విష్ణుప్రియ భీమినేనికి బిగ్ షాక్ తగిలింది. ఇన్‌స్టాగ్రామ్‌లో అర్ధ‌న‌గ్న ఫొటోలు పోస్తు చేస్తుందని, స‌బ్‌స్క్రిప్ష‌న్‌ పేరుతో బోల్డ్ షో చేస్తుందని ఆమెపై పోలీసులకు ఫిర్యాదు చేశారు.

Vishnupriya: బోల్డ్ ఫొటోలతో ఇన్‌స్టాగ్రామ్‌ను షేక్ చేస్తున్న హాట్ యాంకర్, బిగ్ బాస్ ఫేమ్ విష్ణుప్రియ భీమినేనికి బిగ్ షాక్ తగిలింది. అర్ధనగ్న ఫొటోలతో యువతను పెడదారి పట్టిస్తుందంటూ ఆమెపై పోలీసులకు ఫిర్యాదు అందింది. స‌బ్‌స్క్రిప్ష‌న్‌ పేరుతో బోల్డ్ షో చేస్తుందని విష్ణుప్రియపై ఫైర్ అవుతున్నారు.

విష్ణుప్రియ

విష్ణుప్రియపై పోలీస్ ఫిర్యాదు

ఇన్‌స్టాగ్రామ్‌ లో హాట్ షోతో రెచ్చిపోతున్న విష్ణుప్రియ ఇప్పుడు చిక్కుల్లో పడింది. ఆమెపై క్రిమినల్ కేసు నమోదు చేయాలని ఏఐఎస్ఎఫ్ నాయకులు సైబర్ క్రైం పోలీసులకు కంప్లైంట్ ఇచ్చారు. విజయవాడలోని సూర్యారావుపేటలోని సైబర్ క్రైం పోలీసులకు ఏఐఎస్ఎఫ్ రాష్ట్ర ఉపాధ్యక్షుడు ఎం.సాయికుమార్ తదితరులు ఫిర్యాదు చేశారు.

అర్ధనగ్న ఫొటోలు

ఇన్‌స్టాగ్రామ్‌లో విష్ణుప్రియ అర్ధనగ్న ఫొటోలు, వీడియోలు పోస్టు చేస్తుందని ఏఐఎస్ఎఫ్ నాయకులు ఆరోపించారు. అంతే కాకుండా తను ఎక్స్ పోజ్ చేస్తున్న ఫొటోలు, వీడియోలు చూడాలంటే స‌బ్‌స్క్రిప్ష‌న్‌ చేసుకోవాలని ప్రచారం చేసుకుంటుందని పేర్కొన్నారు. డబ్బులకు ఆశపడి అర్ధనగ్న వీడియోలు చేస్తుందని విమర్శించారు.

బ్లాక్ చేయాలని

విష్ణుప్రియపై వెంటనే చర్యలు తీసుకోవాలని ఏఐఎస్ఎఫ్ లీడర్లు పోలీసులను కోరారు. ఆమె ఇన్‌స్టాగ్రామ్‌ అకౌంట్ ను బ్లాక్ చేయాలని, తనపై క్రిమినల్ కేసు బుక్ చేయాలని ఫిర్యాదు చేశారు. షోలో నవ్వించే విష్ణుప్రియ, ఇలా డబ్బు కోసం దిగజారడం కరెక్ట్ కాదని విమర్శిస్తున్నారు.

స‌బ్‌స్క్రిప్ష‌న్‌ పేరుతో

గతంలో ఇన్ స్టాగ్రామ్ లో సెలబ్రిటీలు ఫొటోలు, వీడియోలు పోస్టు చేసేవాళ్లు. అయితే స‌బ్‌స్క్రిప్ష‌న్‌ అనే ఆప్షన్ రావడంతో కొంతమంది డబ్బుల కోసం ఎక్స్ క్లూజివ్ ఫొటోలు, వీడియోలు పోస్టు చేస్తారు. వీటిని కేవలం సబ్ స్క్రైబర్లు మాత్రమే చూడొచ్చు. విష్ణుప్రియ అకౌంట్ కు 1892 మంది సబ్ స్క్రైబర్లు ఉన్నారు. స‌బ్‌స్క్రిప్ష‌న్‌ కోసం నెలకు రూ.399 కట్టాల్సి ఉంటుంది.

ఇలా డబ్బులు సంపాదించడం కోసం విష్ణుప్రియ అర్ధనగ్న ఫొటోలు, వీడియోలు ఎక్స్ క్లూజివ్ గా షేర్ చేస్తుందని తీవ్రమైన విమర్శలు వస్తున్నాయి. ఇప్పుడు పోలీస్ స్టేషన్లో కంప్లైంట్ కూడా చేశారు. ఈ ఫిర్యాదు విషయం ఇప్పుడు హాట్ టాపిక్ గా మారింది.

యాంకర్ గా మొదలెట్టి

విష్ణుప్రియ యాంకర్ గా తన కెరీర్ స్టార్ట్ చేసింది. ‘పోవే పోరా’ షోతో పాపులర్ అయింది. ఆ తర్వాత యూట్యూబ్ లో డ్యాన్స్ వీడియోలతో మరింత క్రేజ్ దక్కించుకుంది. అనంతరం బిగ్ బాస్ షోలోనూ పార్టిసిపేట్ చేసింది. ఇందులో పృథ్వీ శెట్టితో లవ్ ట్రాక్ నడిపింది. బయటకు వచ్చిన తర్వాత కూడా విష్ణుప్రియ, పృథ్వీ శెట్టి క్లోజ్ గానే ఉంటున్నారు.