Comedian: నడిరోడ్డుపై బట్టలు ఉతికి.. భక్తులతో కలిసి నేలపైనే నిద్రపోయిన స్టార్ కమెడియన్.. వైరల్ వీడియో వెనుక అసలు స్టోరీ

Comedian: స్టార్ కమెడియన్ సునీల్ గ్రోవర్ గంగా ఘాట్ లోనే అందరితో కలిసి నేలపై పడుకున్న ఫొటోలు, వీడియోలు వైరల్ అవుతున్నాయి. రిషికేష్ లో అతడు ఇలా కనిపించేసరికి అభిమానులు షాక్ తిన్నారు. వీటి వెనుక కారణమేంటో చూడండి.

Comedian: బాలీవుడ్ స్టార్ కమెడియన్ కమ్ యాక్టర్ సునీల్ గ్రోవర్ తన అద్భుతమైన టైమింగ్, సెలబ్రిటీ ఇమిటేషన్లతో కోట్ల మంది ప్రేక్షకులను నవ్వించాడు. 'కపిల్ శర్మ షో'లో డాక్టర్ మషూర్ గులాటిగా లేదా రింకూ భాబీగా ఆయన చేసిన హంగామా బుల్లితెర చరిత్రలోనే ఒక మైల్‌స్టోన్.

Comedian: నడిరోడ్డుపై బట్టలు ఉతికి.. భక్తులతో కలిసి నేలపైనే నిద్రపోయిన స్టార్ కమెడియన్.. వైరల్ వీడియో వెనుక అసలు స్టోరీ

అయితే ఎప్పుడూ స్క్రీన్ మీద నవ్వులు పూయించే ఈ స్టార్ సెలబ్రిటీ.. తాజాగా సోషల్ మీడియాలో ఒక డిఫరెంట్ వీడియోతో అందరి హృదయాలను గెలుచుకుంటున్నాడు. కోట్లు సంపాదిస్తున్నా కూడా ఎలాంటి అహంకారం లేకుండా, అత్యంత సాధారణ వ్యక్తిలా ఆయన ప్రవర్తించిన తీరు ఇప్పుడు నెటిజన్లను విపరీతంగా ఆకర్షిస్తోంది.

భక్తుల మధ్యే గంగా ఘాట్‌లో నిద్ర

సునీల్ గ్రోవర్ తన అఫీషియల్ ఇన్‌స్టాగ్రామ్ అకౌంట్‌లో ఒక ఆసక్తికరమైన వీడియోను షేర్ చేశాడు. ఆ వీడియోలో ఆయన ఒక గంగా ఘాట్ దగ్గర, రోడ్డు పక్కనే ఇతర సాధారణ భక్తులతో కలిసి నేలపై ఒక సింపుల్ బెడ్‌షీట్ వేసుకుని ప్రశాంతంగా నిద్రపోతూ కనిపించాడు. ఎవరో తనను రికార్డ్ చేస్తున్నారనే విషయం కూడా తెలియకుండా ఆయన అంత సామాన్యుడిలా పడుకోవడం విశేషం. ఈ వీడియోకు బ్యాక్‌గ్రౌండ్‌లో 'జై కాల్ మహాకాల్' అనే భక్తిరస గీతాన్ని జోడించిన సునీల్ గ్రోవర్.. దీనికి "తారే జమీన్ పర్" (నేలపై నక్షత్రాలు) అంటూ ఒక అందమైన క్యాప్షన్ ఇచ్చాడు.

ఈ వీడియో ఎక్కడిది అనే విషయాన్ని సునీల్ గ్రోవర్ అధికారికంగా ప్రకటించనప్పటికీ, కామెంట్ సెక్షన్‌లో ఫ్యాన్స్ దీనిని క్లియర్ గా గుర్తుపట్టారు. ఇది ఉత్తరాఖండ్‌లోని రిషికేష్‌లో ఉన్న ప్రసిద్ధ 'త్రివేణి ఘాట్' అని నెటిజన్లు కామెంట్లు పెడుతున్నారు.

21 గంటల్లోనే 4.7 మిలియన్ వ్యూస్.. నెటిజన్ల కామెంట్ల వర్షం

ఈ వీడియో సోషల్ మీడియాలో సెన్సేషన్‌గా మారింది. అప్‌లోడ్ చేసిన కేవలం 21 గంటల్లోనే ఈ క్లిప్ ఏకంగా 4.7 మిలియన్ల వ్యూస్ సాధించి గ్లోబల్ వైడ్‌గా ట్రెండ్ అవుతోంది. సునీల్ గ్రోవర్ సింప్లిసిటీని చూసి ఫ్యాన్స్ కామెంట్ల వర్షం కురిపిస్తున్నారు.

ఒక యూజర్ స్పందిస్తూ.. "నువ్వు ఇంతలా సాధారణంగా ఉంటావు కాబట్టే జనం నిన్ను అంతలా ప్రేమిస్తారు గులాటి సార్" అని రాయగా.. మరొకరు ఆమిర్ ఖాన్ సినిమా పేరును వాడుకుంటూ "తారే జమీన్ పర్ కాదు గురు.. సితారే జమీన్ పర్ (భూమిపైకి వచ్చిన స్టార్)" అంటూ ప్రశంసించారు.

"మాకు ఉన్నది ఒకటే గుండె.. దాన్ని ఇంకెన్ని సార్లు గెలుచుకుంటావు గురు? ఆ మహాదేవుడు నీకు మరిన్ని అపారమైన విజయాలు ఇవ్వాలి" అంటూ నెటిజన్లు ఎమోషనల్ అవుతున్నారు.

రోడ్డు పక్కన బట్టలు ఉతుకుతూ.. కట్టెల పొయ్యిపై రొట్టెలు చేస్తూ..

సునీల్ గ్రోవర్ ఇలాంటి రియలిస్టిక్ వీడియోలు పెట్టడం ఇదే మొదటిసారి కాదు. గతంలో కూడా ఆయన రోడ్డు పక్కన ఉండే ఒక హ్యాండ్ పంప్ దగ్గర కూర్చుని స్వయంగా తన బట్టలు తనే ఉతుక్కుంటూ ఉన్న వీడియోను షేర్ చేసి షాక్ ఇచ్చాడు.

అంతేకాదు మరో వీడియోలో ఒక పల్లెటూరి వాతావరణంలో నేలపై కూర్చుని, సాంప్రదాయ కట్టెల పొయ్యి మీద పిండి కలుపుతూ, రొట్టెలు మంటపై కాలుస్తూ కనిపించాడు. ఆ వీడియోను షేర్ చేస్తూ "ఫ్రెండ్స్, రోటీ ఖా లో" (ఫ్రెండ్స్ రొట్టె తినండి) అంటూ సాదాసీదాగా క్యాప్షన్ పెట్టాడు.

సునీల్ గ్రోవర్ లేటెస్ట్, అప్‌కమింగ్ ప్రాజెక్ట్స్

సునీల్ గ్రోవర్ రీసెంట్‌గా నెట్‌ఫ్లిక్స్ (Netflix) లో గ్రాండ్‌గా స్ట్రీమింగ్ అయిన 'ది గ్రేట్ ఇండియన్ కపిల్ షో'లో కనిపించి అలరించాడు. చాలా కాలం తర్వాత కపిల్ శర్మ, కీకు శారదా, కృష్ణ అభిషేక్, అర్చన పూరన్ సింగ్, నవజ్యోత్ సింగ్ సిద్ధూలతో కలిసి ఆయన చేసిన కామెడీ డిజిటల్ ఆడియన్స్‌ను విపరీతంగా ఆకట్టుకుంది.

ఇక వెండితెరపై సునీల్ గ్రోవర్ త్వరలోనే ఒక భారీ ప్రాజెక్ట్‌తో ప్రేక్షకుల ముందుకు రాబోతున్నాడు. ఏక్తా కపూర్, శోభా కపూర్ నిర్మాణంలో, డైరెక్టర్లు అరుణభ్ కుమార్, దీపక్ కుమార్ మిశ్రా తెరకెక్కిస్తున్న హై-వోల్టేజ్ డ్రామా 'వ్వాన్: ఫోర్స్ ఆఫ్ ది ఫారెస్ట్' (Vvan: Force of the Forest) లో ఆయన ఒక కీలక పాత్ర పోషిస్తున్నాడు.

ఈ క్రేజీ మూవీలో సిద్ధార్థ్ మల్హోత్రా, తమన్నా భాటియా లీడ్ రోల్స్ లో నటిస్తుండగా అనూప్ సోని, దుర్గేష్ కుమార్, శ్వేతా తివారీ ఇతర ముఖ్య పాత్రల్లో కనిపిస్తున్నారు. ఈ సినిమా ఈ ఏడాది ఆగస్ట్ 28న ప్రపంచవ్యాప్తంగా థియేటర్లలో విడుదల కానుంది. అదే రోజు బాలీవుడ్ స్టార్ బ్యూటీ శ్రద్ధా కపూర్ నటిస్తున్న 'ఈత' (Eetha) సినిమా కూడా రిలీజ్ అవుతుండటంతో బాక్సాఫీస్ వద్ద ఒక సాలిడ్ క్లాష్ జరగబోతోంది.