అల్లు అయాన్‌కు క్రికెటర్ వెంకటేశ్ అయ్యర్ సర్ ప్రైజ్ గిఫ్ట్ - ఫొటోలు షేర్ చేసిన బన్నీ

Allu arjun meets Venkatesh iyer : యువ క్రికెటర్ వెంకటేష్ అయ్యర్ ను ఐకాన్ స్టార్ అల్లు అర్జున్‌ కలిశారు. ఈ సందర్భంగా అల్లు అయాన్‌కు తన సంతకంతో కూడిన ప్రత్యేకమైన జెర్సీని వెంకటేష్ అయ్యర్ గిఫ్ట్ గా ఇచ్చాడు. దీనికి సంబంధించిన ఫొటోలను బన్నీ పోస్ట్ చేశారు.

Allu arjun meets Crickter Venkatesh Iyer : భారత యువ క్రికెటర్, ఐపీఎల్ స్టార్ వెంకటేష్ అయ్యర్ ను టాలీవుడ్ ఐకాన్ స్టార్ అల్లు అర్జున్‌ కలిశారు. అల్లు అర్జున్ స్వయంగా ఈ విషయాన్ని తన అధికారిక సోషల్ మీడియా ఖాతాల ద్వారా అభిమానులతో పంచుకున్నారు. టాలెంటెడ్ యంగ్ ఇండియన్ క్రికెటర్ వెంకటేష్ అయ్యర్ గారిని ఈరోజు కలవడం ఎంతో సంతోషాన్ని ఇచ్చిందని పేర్కొన్నారు. వెంకటేష్ అయ్యర్‌తో దిగిన ఫోటోలను షేర్ చేశారు.

క్రికెటర్ వెంకటేష్ అయ్యర్ తో అల్లు అర్జున్ కుమారుడు అయాన్‌

అల్లు అయాన్‌కు స్పెషల్ గిఫ్ట్…

ఈ సందర్బంగా క్రికెటర్ వెంకటేష్ అయ్యర్ సర్ప్రైజ్ ఇచ్చారు. అల్లు అర్జున్ కుమారుడు అల్లు అయాన్ కోసం తన సంతకంతో కూడిన ఒక ప్రత్యేకమైన క్రికెట్ జెర్సీని (Signed Jersey) అందించాడు. అయాన్‌కు ఈ అరుదైన గిఫ్ట్ ఇచ్చినందుకగాను అల్లు అర్జున్ ఆయనకు ప్రత్యేకంగా కృతజ్ఞతలు (Special Thanks) తెలియజేశారు.

"ప్రతిభావంతుడైన యువ భారత క్రికెటర్ వెంకటేష్ అయ్యర్ గారిని ఈరోజు కలవడం చాలా ఆనందంగా ఉంది. అల్లు అయాన్‌కు తన సంతకంతో కూడిన ప్రత్యేకమైన జెర్సీని గిఫ్ట్‌గా ఇచ్చినందుకు ఆయనకు నా ప్రత్యేక కృతజ్ఞతలు. మీ భవిష్యత్తు ప్రయత్నాలన్నింటికీ నా హృదయపూర్వక శుభాకాంక్షలు. వార్మ్ రిగార్డ్స్" అని అల్లు అర్జున్ సోషల్ మీడియా ఎక్స్(X) వేదికగా రాసుకొచ్చారు.

సినీ, క్రికెట్ రంగాలకు చెందిన ఇద్దరు ప్రముఖులు ఇలా ఒకే ఫ్రేమ్‌లో కనిపించడంతో అటు అభిమానులు, ఇటు క్రికెట్ ప్రేమికులు తమదైన స్టైల్ లో రియాక్ట్ అవుతున్నారు. మీమ్స్ తో తమ అభిప్రాయాలను వ్యక్తం చేస్తున్నారు.

ప్రస్తుతం వెంకటేశ్ అయ్యర్… ఐపీఎల్ టోర్నీలో భాగంగా బెంగళూరు జట్టు తరుపున ఆడుతున్నాడు. శుక్రవారం హైదరాబాద్ తో జరిగిన మ్యాచ్ లో ఓపెనర్ గా వచ్చిన అయ్యర్… భారీ సిక్సర్లతో మెరుపు ఇన్నింగ్స్ ఆడాడు. 19 బంతుల్లోనే 44 పరుగులు రాబట్టాడు. ఈ మ్యాచ్ లో బెంగళూరు ఓడిపోగా… హైదరాబాద్ విక్టరీ కొట్టింది.