26 ఏళ్లకే వర్జినిటీ కోల్పోయాను.. మీ ఫ్యామిలీలో ఒకరితోనే అలా చేశాను: జాన్వీ కపూర్‌కు షాకిచ్చిన డైరెక్టర్

జాన్వీ కపూర్‌కు గట్టి షాకే ఇచ్చాడు బాలీవుడ్ డైరెక్టర్, ప్రొడ్యూసర్ కరణ్ జోహార్. తాను 26 ఏళ్ల వయసులోనే వర్జినిటీ కోల్పోయానని, అది కూడా మీ కుటుంబంలో ఒకరితో ఇంటిమేట్ అయ్యానని అతడు అనడంతో జాన్వీ బిత్తరపోయింది.

బాలీవుడ్ డైరెక్టర్, ప్రొడ్యూసర్ అయిన కరణ్ జోహార్ కు తరచూ నోరు జారడం అలవాటే. తన కాఫీ విత్ కరణ్ షో అయినా, ఇతర టీవీ షోలలో చేయకూడని కామెంట్స్ చేస్తుంటాడు. తాజాగా ప్రైమ్ వీడియోలో స్ట్రీమింగ్ అవుతున్న టూ మచ్ షోలో జాన్వీ కపూర్ బిత్తరపోయేలా అతడు చేసిన కామెంట్స్ వైరల్ అవుతున్నాయి.

26 ఏళ్లకే వర్జినిటీ కోల్పోయాను.. మీ ఫ్యామిలీలో ఒకరితోనే అలా చేశాను: జాన్వీ కపూర్‌కు షాకిచ్చిన డైరెక్టర్

కరణ్ జోహార్ ఏమన్నాడంటే?

అమెజాన్ ప్రైమ్ వీడియోలో కాజోల్, ట్వింకిల్ ఖన్నా కలిసి టూ మచ్ అనే టాక్ షో చేస్తున్న విషయం తెలుసు కదా. దీనికి తాజాగా కరణ్ జోహార్, జాన్వీ కపూర్ గెస్టులుగా వచ్చారు. అయితే ఈ ఎపిసోడ్ లో ప్రశ్నలు, జవాబులు కాస్త హద్దు మీరినట్లుగా ఉన్నాయంటూ ప్రేక్షకులు విమర్శిస్తున్నారు. ఇందులో భాగంగా మీ ప్రతిష్టకు భంగం కలిగించేలా ఉన్న ఓ నిజం, మరొక అబద్ధం చెప్పండి.. అందులో ఏది నిజమో, ఏది కాదో మేము చెబుతాం అని జాన్వీ కపూర్ అడుగుతుంది.

దీనికి కరణ్ జోహార్ స్పందిస్తూ.. “నేను 26 ఏళ్ల వయసులోనే నా వర్జినిటీ కోల్పోయాను. మీ ఇంట్లోనే ఒకరితో చాలా ఇంటిమేట్ అయ్యాను” అని అన్నాడు. దీంతో జాన్వీ ఏమనాలో తెలియక షాక్ తిన్నట్లుగా కూర్చుంది. అది విని పక్కనే ఉన్న ట్వింకిల్ ఖన్నా స్పందిస్తూ.. అది బోనీ అయితే కాదు కదా అని అనడంతో జాన్వీ నెత్తిన చేతులు పెట్టుకుంది.

అయితే దీనిపై వెంటనే స్పందించిన కరణ్ జోహార్.. “ఆ పార్టీకి నేను ఆలస్యంగా వెళ్లాను. మీ ఫ్యామిలీలో ఎవరితోనూ అలా ఇంటిమేట్ కాలేదు. అయితే ఆ ఆలోచన మాత్రం నాకు కొన్నిసార్లు వచ్చింది” అని క్లారిటీ ఇచ్చాడు.

జాన్వీ కపూర్ ప్లాస్టిక్ సర్జరీ

ఇక ఇదే షోలో తాను అందంగా కనిపించడానికి సర్జరీలు చేసుకున్నానన్న విమర్శలపైనా జాన్వీ స్పందించింది. "నేను ఒక వీడియో చూశాను. అందులో డాక్టర్ అని చెప్పుకుంటున్న వ్యక్తి మాట్లాడుతూ.. 'ఈ వ్యక్తి తన ముఖానికి ఏమి చేశారో ఒకసారి చూద్దాం' అని అన్నారు. అతను 'బఫెలో ప్లాస్టీ' లాంటి ఒక పదాన్ని కూడా వాడాడు" అని జాన్వీ చెప్పింది.

జాన్వీ కపూర్ ఇంకా మాట్లాడుతూ.. "నేను ఏమైనా చేసి ఉంటే అది చాలా ఆలోచనాత్మకంగా, సందర్భోచితంగా జరిగిందని నేను అనుకుంటున్నాను. స్పష్టంగా మా అమ్మ (శ్రీదేవి) నాకు మార్గనిర్దేశం చేసింది. ఈ వీడియోలను చూసి, మేము బఫెలో ప్లాస్టీ చేయించుకోవాలి అని నిర్ణయించుకునే యువతులకు నేను ఒకటే చెప్పాలనుకుంటున్నాను. ఒకవేళ అది తప్పుగా జరిగితే, దాని కంటే దారుణమైనది మరొకటి ఉండదు. పారదర్శకత చాలా ముఖ్యం" అని జాన్వీ గట్టిగా చెప్పింది.