జాన్వీ కపూర్ అందంగా కనిపించడానికి బఫేలో ప్లాస్టీ చేయించుకుందా? ఓ డాక్టర్ వీడియోపై స్పందించిన బాలీవుడ్ బ్యూటీ

జాన్వీ కపూర్ అందంగా కనిపించడానికి ఎన్నో సర్జరీలు చేయించుకుందంటూ చాలా రోజులుగా వార్తలు వస్తూనే ఉన్నాయి. తాజాగా ఓ డాక్టర్ ఆమె బఫేలో ప్లాస్టీ చేయించుకుందని అనడంపై ఆమె స్పందించింది. టూ మచ్ షోలో పాల్గొన్న జాన్వీ ఈ కామెంట్స్ ను తిప్పికొట్టింది.

నటి జాన్వీ కపూర్ సినీ పరిశ్రమలో అడుగుపెట్టినప్పటి నుంచి ఆమె లిప్ సర్జరీ చేయించుకుందని, ఇతర సర్జరీలు కూడా జరిగాయని లెక్కలేనన్ని పుకార్లు వచ్చాయి. ఈ విషయంపై జాన్వీ ఎప్పుడూ బహిరంగంగా మాట్లాడలేదు. అయితే ఇప్పుడు ఆమె తన మౌనాన్ని వీడింది. ఆ పుకార్లన్నీ నిరాధారమైనవి అని స్పష్టం చేసింది. ముఖ్యంగా, ఒక డాక్టర్ తన ముఖానికి ‘బఫెలో ప్లాస్టీ’తో సహా చెప్పుకోదగ్గ ఫేషియల్ సర్జరీ జరిగిందని పేర్కొంటూ చేసిన వీడియోపై జాన్వీ ఘాటుగా స్పందించింది.

జాన్వీ కపూర్ అందంగా కనిపించడానికి బఫేలో ప్లాస్టీ చేయించుకుందా? ఓ డాక్టర్ వీడియోపై స్పందించిన బాలీవుడ్ బ్యూటీ

జాన్వీ కపూర్ ఏమన్నదంటే?

జాన్వీ కపూర్.. బాలీవుడ్ దర్శక నిర్మాత కరణ్ జోహార్‌తో కలిసి ట్వింకిల్ ఖన్నా, కాజోల్ షో 'టూ మచ్' లో పాల్గొంది. ఈ సందర్భంగా జాన్వీ మాట్లాడుతూ.. "నేను ఒక వీడియో చూశాను. అందులో డాక్టర్ అని చెప్పుకుంటున్న వ్యక్తి మాట్లాడుతూ.. 'ఈ వ్యక్తి తన ముఖానికి ఏమి చేశారో ఒకసారి చూద్దాం' అని అన్నారు. అతను 'బఫెలో ప్లాస్టీ' లాంటి ఒక పదాన్ని కూడా వాడాడు" అని జాన్వీ చెప్పింది.

అమ్మాయిలకు జాన్వీ సూచన

జాన్వీ కపూర్ ఇంకా మాట్లాడుతూ.. "నేను ఏమైనా చేసి ఉంటే అది చాలా ఆలోచనాత్మకంగా, సందర్భోచితంగా జరిగిందని నేను అనుకుంటున్నాను. స్పష్టంగా మా అమ్మ (శ్రీదేవి) నాకు మార్గనిర్దేశం చేసింది. ఈ వీడియోలను చూసి, మేము బఫెలో ప్లాస్టీ చేయించుకోవాలి అని నిర్ణయించుకునే యువతులకు నేను ఒకటే చెప్పాలనుకుంటున్నాను. ఒకవేళ అది తప్పుగా జరిగితే, దాని కంటే దారుణమైనది మరొకటి ఉండదు. పారదర్శకత చాలా ముఖ్యం" అని జాన్వీ గట్టిగా చెప్పింది.

బాడీ ఇమేజ్, సోషల్ మీడియా ఒత్తిళ్ల గురించి కూడా జాన్వీ మాట్లాడింది. "జనరేషన్ జీ (Gen Z)లోని యువతుల్లో నేను కూడా ఒకదాన్ని. నేను సోషల్ మీడియా ద్వారా బాగా ప్రభావితమయ్యాను. అందుకే యువతులు దీని ప్రభావానికి గురికావాలని నేను కోరుకోవడం లేదు. మీరు ఏది ఇష్టపడతారో, మీకు ఏది సంతోషాన్ని ఇస్తుందో అదే చేయాలని నేను గట్టిగా నమ్ముతాను" అని జాన్వీ స్పష్టం చేసింది. జాన్వీ కపూర్ చేయించుకుంది అని చెబుతున్న బఫెలో ప్లాస్టీ అనేది పై పెదవిని కొద్దిగా పైకి ఎత్తే ఒక కాస్మెటిక్ సర్జరీ అని చెబుతారు.

జాన్వీ రీసెంట్ మూవీస్

ఇక జాన్వీ కపూర్ సినిమాల విషయానికి వస్తే.. ఆమె చివరిగా సన్నీ సంస్కారి కీ తులసి కుమారి చిత్రంలో కనిపించింది. ఈ సినిమాకు మిశ్రమ స్పందన వచ్చింది. తదుపరి ఆమె రామ్ చరణ్, త్రిష కృష్ణన్‌తో కలిసి నటించబోయే పెద్ది చిత్రంలో కనిపించనుంది. అంతకుముందు వచ్చిన పరమ్ సుందరి కూడా జాన్వీకి నిరాశనే మిగిల్చింది. ఇక తెలుగులో తీసిన తొలి సినిమా దేవర కూడా దారుణంగా బోల్తా పడింది. ఈ నేపథ్యంలో జాన్వీ ఓ పెద్ద బ్రేక్ కోసం చూస్తోంది.