ఈవారం ఓటీటీలోకి మనసుకు హత్తుకునే తెలుగు ఎమోషనల్ డ్రామా.. ట్రైలర్‌తోనే కంటతడి పెట్టిస్తూ..

ఓటీటీలోకి ఈ వారం తెలుగులో ఓ మంచి ఎమోషనల్ డ్రామా రాబోతోంది. ఇది థియేటర్లలో కాకుండా నేరుగా డిజిటల్ ప్రీమియర్ కానుంది. ఈమధ్యే రిలీజైన ట్రైలర్ మనసును హత్తుకునేలా ఎమోషనల్ గా సాగిపోయింది.

ఓటీటీలో ఓ మంచి ఎమోషనల్ డ్రామా చూడాలని అనుకుంటున్నారా? అయితే ఈవారం మీకోసం అలాంటి సినిమా ఒకటి ఈటీవీ విన్ ఓటీటీలోకి రాబోతోంది. ఈ సినిమా పేరు ఒక మంచి ప్రేమ కథ. టైటిల్ లో ఉన్నట్లుగా ఇది లవ్ స్టోరీయే. కానీ ప్రేమికుల మధ్య కాదు.. ఓ తల్లీకూతుళ్ల మధ్య సాగే ప్రేమ కథ ఇది.

ఒక మంచి ప్రేమ కథ ఓటీటీ రిలీజ్ డేట్

ఈవారం ఓటీటీలోకి మనసుకు హత్తుకునే తెలుగు ఎమోషనల్ డ్రామా.. ట్రైలర్‌తోనే కంటతడి పెట్టిస్తూ..

ఒక మంచి ప్రేమ కథ మూవీ ట్రైలర్ ను గత శనివారం (అక్టోబర్ 11) రిలీజ్ చేశారు. ఈ ట్రైలర్ ను మంగళవారం (అక్టోబర్ 14) ఈటీవీ విన్ షేర్ చేస్తూ సినిమాను అక్టోబర్ 16 నుంచి స్ట్రీమింగ్ చేయనున్నట్లు తెలిపింది. “కలలు ఆమెను ఇంటికి దూరం చేస్తే.. విధి ఆమెను మళ్లీ ప్రేమకు దగ్గర చేసింది. ఒక మంచి ప్రేమ కథ ట్రైలర్ వచ్చేసింది.

అక్టోబర్ 16 నుంచి కేవలం ఈటీవీ విన్ లో ఈ ఎమోషనల్ జర్నీని చూడండి” అనే క్యాప్షన్ తో ట్రైలర్ షేర్ చేసింది. ఈ ట్రైలర్ చూస్తే సినిమా మొత్తం తల్లీకూతుళ్ల మధ్య బంధం, ఉద్యోగాలు, కెరీర్ అంటూ ఇంట్లో పెద్దవాళ్లను పట్టించుకోకుండా తిరిగే పిల్లల చుట్టూ తిరిగే స్టోరీగా కనిపిస్తోంది.

ఒక మంచి ప్రేమ కథ మూవీ గురించి..

ఒక మంచి ప్రేమ కథ మూవీ గతేడాది షూటింగ్ ప్రారంభించింది. ఈ సినిమాను అక్కినేని కుటుంబ రావు డైరెక్ట్ చేశాడు. ఇందులో రోహిణి హట్టంగడి, రోహిణి మొల్లేటి, సముద్రఖని, హిమాన్షు పోపూరి, సౌమ్య, అనన్య నన్నపనేనిలాంటి వాళ్లు లీడ్ రోల్స్ లో నటించారు. వోల్గా కథ అందించారు. పిల్లలను కని, పెంచి, ప్రయోజకులను చేసి, వాళ్ల కలలను తీర్చే తల్లిదండ్రులకు వాళ్లు అవసరమైన సమయంలో ఉద్యోగాలు, కెరీర్ పేరుతో దూరమవడం ఎలాంటి క్షోభకు గురి చేస్తుందో ఈ సినిమాలో చూపించారు.