Gunde Ninda Gudi Gantalu: గుండె నిండా గుడి గంటలు మీనాను చంపేస్తానన్న శ్రీముఖి.. బాలు తనకు కావాలంటూ సత్యం కాళ్లపై పడి..

Gunde Ninda Gudi Gantalu: గుండె నిండా గుడి గంటలు సీరియల్ బాలుపై మనసు పారేసుకుంది శ్రీముఖి. అతని కోసం మీనాను చంపడానికి కూడా వెనుకాడటం లేదు. తాజాగా వచ్చిన ఆదివారం విత్ స్టార్ మా పరివారం ప్రోమోలో శ్రీముఖి.. చంద్రముఖిలా మారిపోవడం చూడొచ్చు.

Gunde Ninda Gudi Gantalu: గుండె నిండా గుడి గంటలు సీరియల్ తో ప్రతి తెలుగు ఇంటికి బాలు, మీనా పేర్లతో దగ్గరైన జోడీ విష్ణుకాంత్, అమూల్య గౌడ. అయితే ఈ సీరియల్లో బాలు పాత్రపై యాంకర్ శ్రీముఖి మనసు పారేసుకుంది. ఈ మధ్య బాలు ఎక్కడ కనిపించినా తన ప్రేమను పబ్లిగ్గానే కురిపించేస్తోంది. అంతేకాదు అతని తండ్రి పాత్ర అయిన సత్యం కాళ్లపై కూడా పడింది.

Gunde Ninda Gudi Gantalu: గుండె నిండా గుడి గంటలు మీనాను చంపేస్తానన్న శ్రీముఖి.. బాలు తనకు కావాలంటూ సత్యం కాళ్లపై పడి..

ఆదివారం విత్ స్టార్ మా పరివారం ప్రోమో

స్టార్ మా ఛానెల్లో ప్రతి సండే వచ్చే ఆదివారం విత్ స్టార్ మా పరివారం ప్రోగ్రామ్ తెలుసు కదా. తాజాగా కొత్త ఎపిసోడ్ ప్రోమో రిలీజైంది. ఇందులో గుండె నిండా గుడి గంటలు సీరియల్లో సత్యం పాత్ర పోషిస్తున్న శ్రీకాంత్ హెబ్లిగర్ స్టైల్ గా సూటు, బూటు వేసుకొని వచ్చాడు. తన డ్యాన్స్ తో ఇరగదీశాడు. కమెడియన్ అవినాష్ తో కలిసి అదిరిపోయే స్టెప్పులు వేశాడు.

మామయ్య అంటూ శ్రీముఖి

అతన్ని చూడగానే మామయ్య అంటూ శ్రీముఖి మెలికలు తిరిగిపోయింది. వెంటనే అతనికి ఓ పువ్వు ఇచ్చి కాళ్లపై పడుతుంది. అతడు దీర్ఘ సుమంగళీ భవ అని ఆశీర్వదిస్తాడు. బాలు సుమంగళీ భవ అని ఆశీర్వదించమని శ్రీముఖి అడుగుతుంది. తనకు బాలు కావాలని అడుగుతుంది. మరి మీనా అక్కడే ఉంది కదా అని అంటే.. మీనాను చంపేస్తానని అంటుంది.

తనకు ఏ అభ్యంతరం లేదని సత్యం అనడంతో ఐలవ్యూ మామయ్య అని శ్రీముఖి అంటుంది. అప్పటికే ఈ సీరియల్లో అత్త ప్రభావతి పాత్ర పోషిస్తున్న అనిలా శ్రీకుమార్ కూడా అక్కడే ఉంటుంది. వాళ్లిద్దరితో కలిసి శ్రీముఖి ఫ్యామిలీ ఫొటో అంటూ కెమెరాకు పోజులిస్తుంది. ఈ ప్రోమో తెగ వైరల్ అవుతోంది.

బాలుపై మనసు పారేసుకున్న శ్రీముఖి

ప్రస్తుతం ఆదివారం విత్ స్టార్ మా పరివారంలో సక్సెస్ పార్టీ జరుగుతోంది. కొన్నాళ్ల కిందట స్టార్ మాలో బెస్ట్ షోస్, సీరియల్స్ కు అవార్డులు ప్రకటించిన విషయం తెలిసిందే. ఇందులో గుండె నిండా గుడి గంటలు సీరియల్ టీమ్ కు కూడా చాలానే అవార్డులు వచ్చాయి.

ఇప్పటికే బాలు కూడా తన అవార్డుతో ఈ షోకి వచ్చాడు. అతడు వచ్చినప్పుడు కూడా శ్రీముఖి ఇలాగే సిగ్గుతో మెలికలు తిరిగిపోయింది. అతనితో కలిసి సెల్ఫీలు దిగింది. తాజాగా సత్యం, ప్రభావతితో కలిసి చేసిన సందడి కూడా మామూలుగా లేదు. ఈ తాజా ఎపిసోడ్ ఈ ఆదివారం (ఏప్రిల్ 19) ఉదయం 11 గంటలకు స్టార్ మాలో టెలికాస్ట్ కానుంది.