E-Paper
OTT Horror Thriller: అమరత్వం కోసం గర్భవతి నరబలి.. ఓటీటీలోకి సైలెంట్గా వచ్చేసిన వరలక్ష్మి శరత్కుమార్ హారర్ థ్రిల్లర్
OTT Horror Thriller: ఓటీటీలోకి వరలక్ష్మి శరత్కుమార్, నవీన్ చంద్ర నటించిన హారర్ థ్రిల్లర్ మూవీ స్ట్రీమింగ్ కు వచ్చింది. అమెజాన్ ప్రైమ్ వీడియోలో ప్రస్తుతం పోలీస్ కంప్లైంట్ అనే ఈ సినిమా స్ట్రీమింగ్ అవుతోంది.
OTT Horror Thriller: వరలక్ష్మి శరత్కుమార్, వర్సటైల్ యాక్టర్ నవీన్ చంద్ర కాంబినేషన్లో తెరకెక్కిన సస్పెన్స్ హారర్ థ్రిల్లర్ 'పోలీస్ కంప్లైంట్' (Police Complaint) డిజిటల్ లవర్స్ని ఆకట్టుకునేందుకు ఓటీటీ ప్లాట్ఫామ్లోకి వచ్చేసింది. జులై 31 నుంచి ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియో (Amazon Prime Video) వేదికగా ఈ సినిమా స్ట్రీమింగ్ అవుతోంది.
క్షుద్రపూజలు, పొలిటికల్ కరప్షన్, డార్క్ మాజిక్ నేపథ్యంతో సాగే ఈ ఇన్వెస్టిగేటివ్ డ్రామా మొదటి ఫ్రేమ్ నుంచే వీక్షకులను సీట్ ఎడ్జ్లో కూర్చోబెడుతోంది.
అమరత్వం కోసం నరబలి.. కోల్డ్ కేస్ వెనుక దిగ్భ్రాంతికర నిజాలు
ఈ సినిమా కథాంశం అత్యంత భయంకరమైన, మైండ్ బ్లోయింగ్ ట్విస్టులతో సాగుతుంది. మహంకాళి అనే ఒక ప్రమాదకరమైన మాంత్రికుడు అమరత్వం (Immortality) సాధించడం కోసం ఒక గర్భవతిని అత్యంత దారుణంగా హత్య చేస్తాడు.
ఈ ఘోరమైన నరబలిని కప్పిపుచ్చేందుకు ఒక అవినీతి డాక్టర్, లంచగొండి పోలీస్ ఆఫీసర్తో కలిసి దానిని పరువు హత్యగా చిత్రీకరిస్తారు. ఏళ్ల తరబడి మూసివేసిన ఈ డార్క్ కోల్డ్ కేస్ను ఒక పవర్ ఫుల్ పోలీస్ ఆఫీసర్ తిరిగి రీ-ఓపెన్ చేయడంతో అసలు విచారణ మొదలవుతుంది.
సూపర్ కాప్గా వరలక్ష్మి శరత్కుమార్ విలక్షణ నటన
సస్పెన్స్ డ్రామాలు, పవర్ ఫుల్ క్యారెక్టర్లు చేయడంలో వరలక్ష్మి శరత్కుమార్ స్టైలే వేరు. 'క్రాక్', 'వీరసింహారెడ్డి', 'హనుమాన్' సినిమాల్లో తన పవర్ఫుల్ యాక్టింగ్తో అలరించిన వరలక్ష్మి.. ఈ సినిమాలో నేరస్థుల గుండెల్లో నిద్రపోయే ఇంటెన్స్ సూపర్కాప్గా అద్భుతమైన పెర్ఫార్మెన్స్ ఇచ్చారు.
వ్యవస్థలో ఉన్న లంచగొండితనం, పొలిటికల్ ప్రెజర్, డార్క్ పవర్ ను తట్టుకుంటూ ఆమె చేసే ఇన్వెస్టిగేషన్ సీన్స్ థ్రిల్ కలిగిస్తాయి. మరోవైపు నాచురల్ స్టార్గా పేరొందిన నవీన్ చంద్ర తన ఇంటెన్స్ యాక్టింగ్తో కథకు పెద్ద అసెట్గా నిలిచారు.
హాలీవుడ్ రేంజ్ బీజీఎమ్.. నెక్స్ట్ లెవెల్ హారర్ ఎలిమెంట్స్
డైరెక్టర్ ఎంచుకున్న డార్క్ థీమ్, క్షుద్ర పూజల సీక్వెన్స్కి తగ్గట్టుగా సాగే సినిమాటోగ్రఫీ, మైండ్ బ్లాకింగ్ బ్యాక్గ్రౌండ్ స్కోర్ ఈ హారర్ థ్రిల్లర్కు ప్రాణం పోశాయి. ప్రతి సన్నివేశంలోనూ విజువల్స్ చాలా నేచురల్గా, భయం కలిగించేలా డిజైన్ చేశారు.
ఈ వీకెండ్ లో డిజిటల్ స్క్రీన్లపై మంచి థ్రిల్లింగ్ ఎక్స్పీరియన్స్ కోరుకునే థ్రిల్లర్ లవర్స్కి 'పోలీస్ కంప్లైంట్' బెస్ట్ ఛాయిస్గా మారనుంది. ప్రస్తుతం అమెజాన్ ప్రైమ్ వీడియో ట్రెండింగ్ లిస్ట్లో ఈ సినిమా టాప్లో దూసుకుపోతోంది.
జూన్ 12న థియేటర్లలో ఈ మూవీ రిలీజైంది. అయితే బాక్సాఫీస్ దగ్గర పెద్దగా రెస్పాన్స్ రాలేదు. ఇప్పుడు సైలెంట్ గా ఓటీటీలోకి రావడంతో ఈ వీకెంట్ ఇంట్లో కూర్చొనే ఈ మూవీని ఎంజాయ్ చేయొచ్చు.
