E-Paper
ఇవాళ ఓటీటీలో ధనుష్ లేటెస్ట్ సూపర్ హిట్ మూవీ స్ట్రీమింగ్.. డైరెక్టర్ కూడా అతనే.. సోషల్ మీడియా ట్రెండింగ్.. తెలుగులోనూ
ఇవాళ ఓటీటీలోకి తమిళ స్టార్ హీరో ధనుష్ లేటెస్ట్ సూపర్ హిట్ మూవీ దూసుకొచ్చింది. చాలా కాలంగా ఎదురు చూస్తున్న ఓటీటీ ఫ్యాన్స్ కు ట్రీట్ ఇచ్చేలా ఈ సినిమా స్ట్రీమింగ్ అవుతోంది. ఈ చిత్రం ఏ ఓటీటీలో ఉందో చూసేయండి.
డిఫరెంట్ సబ్జెక్ట్స్ ఎంచుకుంటూ, వైవిధ్యమైన యాక్టింగ్ తో అదరగొడుతున్నాడు హీరో ధనుష్. వరుసగా సక్సెస్ లు అందుకుంటున్నాడు. ఇప్పుడు తన సొంత డైరెక్షన్ లో హీరోగా చేసి మరో హిట్ సొంతం చేసుకున్నాడు. ఆ సినిమానే ‘ఇడ్లీ కడై’. తెలుగులో ఇడ్లీ కొట్టు పేరుతో రిలీజైంది. థియేటర్లలో సత్తాచాటిన ఈ హార్ట్ టచింగ్ మూవీ ఇవాళ (అక్టోబర్ 29) ఓటీటీలో రిలీజైంది.
ఇడ్లీ కడై ఓటీటీ
ధనుష్ లేటెస్ట్ సూపర్ హిట్ మూవీ ఇడ్లీ కడై ఓటీటీలోకి వచ్చేసింది. ఈ మూవీ తెలుగులో ఇడ్లీ కొట్టు పేరుతో రిలీజైంది. ఈ సినిమా బుధవారం నుంచే డిజిటల్ స్ట్రీమింగ్ అవుతోంది. ప్రముఖ ఓటీటీ ప్లాట్ ఫామ్ నెట్ఫ్లిక్స్ లోకి ఇడ్లీ కొట్టు రిలీజైంది. ఈ సినిమాకు ధనుష్ స్వీయ దర్శకత్వం వహించాడు. ప్రొడ్యూసర్ గానూ వ్యవహరించాడు.
థియేటర్ రిలీజ్
ధనుష్ స్వీయ దర్శకత్వంలో తెరకెక్కిన ఇడ్లీ కడై మూవీ అక్టోబర్ 1, 2025లో థియేటర్లలో రిలీజైంది. మంచి ఫీల్ గుడ్ మూవీ ఆడియన్స్ మనసులను తాకింది. ఈ సినిమాలో ధనుష్ తో పాటు అరుణ్ విజయ్, సత్యరాజ్, సముద్ర ఖని, నిత్యా మీనన్, శాలిని పాండే, రాజ్ కిరణ్ తదితరులు నటించారు. ఈ మూవీకి జీవీ ప్రకాష్ కుమార్ మ్యూజిక్ డైరెక్టర్.
నెల రోజుల్లోపే ఓటీటీలో
ధనుష్ హీరోగా చేయడంతో పాటు దర్శకత్వం వహించిన మూవీ ఇడ్లీ కొట్టు. ఈ సినిమాకు ఆకాష్ భాస్కరన్ తో కలిసి నిర్మాతగానూ వ్యవహరించాడు. ఈ సినిమా ఇప్పుడు నెల రోజుల్లోపే ఓటీటీలోకి వచ్చేసింది. తమిళం, తెలుగుతో పాటు కన్నడ, మలయాళం, హిందీ భాషల్లో నెట్ఫ్లిక్స్ లో స్ట్రీమింగ్ అవుతోంది ఇడ్లీ కడై.
ఇడ్లీ కొట్టు కథ
గ్రామంలోని ఇడ్లీ కొట్టు, దాని చుట్టూ అల్లుకున్న మానవ సంబంధాల నేపథ్యంలో సాగే మనసుకు హత్తుకునే సినిమా ఇడ్లీ కొట్టు. శివ కేశవులు (రాజ్ కిరణ్) ఊర్లో ఇడ్లీ కొట్టు నడుపుతుంటాడు. ఆ హోటల్ ఎంతో ఫేమస్. రుచి సూపర్ గా ఉంటాయి. దీంతో తండ్రి నడుపుతున్న ఇడ్లీ కొట్టును ఫ్రాంఛైజీలా మార్చాలని మురళి (ధనుష్) అనుకుంటాడు.
కానీ అందుకు శివకేశవులు ఒప్పుకోడు. దీంతో తన జీవితం కోసం బ్యాంకాక్ వెళ్తాడు. అక్కడ బిజినెస్ పార్ట్ నర్ విష్ణు వర్ధన్ (సత్యరాజ్) కూతురు మీరా (షాలిని పాండే)తో పెళ్లికి సిద్ధమవుతాడు. కానీ మురళి తండ్రి చనిపోవడంతో తిరిగి గ్రామానికి వస్తాడు. మళ్లీ మురళీ విదేశాలకు వెళ్లాడా? తండ్రి ఇడ్లీ కొట్టును ఏం చేశాడన్నది మిగతా కథ.
