Jo Jo Glimpse: మనోభావాల బ్యాచ్ దూరంగా ఉండండి.. చాలా బోల్డ్‌గా జో జో గ్లింప్స్ వీడియో.. వర్షం పడితే వజ్రాలు.. బూతులు

Jo Jo Glimpse: తెలుగులో మరో బోల్డ్ మూవీ వస్తోంది. జో జో పేరుతో వస్తున్న ఈ సినిమా గ్లింప్స్ వీడియో తాజాగా రిలీజైంది. కిరణ్ జై కుమార్ డైరెక్ట్ చేసిన ఈ మూవీ జొన్నగిరి అనే ఊళ్లో వర్షాలు పడితే వజ్రాలు దొరుకుతాయన్న కాన్సెప్ట్ తోపాటు బూతు డైలాగులతో షాక్‌కు గురి చేస్తోంది.

Jo Jo Glimpse: మనోభావాల బ్యాచ్ దూరంగా ఉండండి అనే గమనికతో గ్లింప్స్ వీడియోతోనే సంచలనం రేపుతోంది జో జో మూవీ. టాలీవుడ్ క్రియేటివ్ డైరెక్టర్ దేవా కట్టా సమర్పణలో వస్తోన్న సరికొత్త రస్టిక్ రూరల్ కామెడీ డ్రామా 'జో జో' (Jo Jo). తాజాగా ఈ సినిమా నుంచి 'కాషన్ 1' (Caution 1) పేరుతో విడుదలైన టీజర్ సోషల్ మీడియాలో విపరీతంగా ట్రెండ్ అవుతోంది.

జొన్నగిరిలో వర్షం పడితే వజ్రాలు

Jo Jo Glimpse: మనోభావాల బ్యాచ్ దూరంగా ఉండండి.. చాలా బోల్డ్‌గా జో జో గ్లింప్స్ వీడియో.. వర్షం పడితే వజ్రాలు.. బూతులు

రాయలసీమలోని ప్రసిద్ధ జొన్నగిరి ప్రాంతంలో వర్షాకాలం తర్వాత వజ్రాలు వెతికే విచిత్రమైన ఆచారం, అక్కడి స్థానిక వాతావరణం నేపథ్యంలో ఈ చిత్రాన్ని తెరకెక్కిస్తున్నారు.

కిరణ్ జై కుమార్ దర్శకత్వంలో తెరకెక్కుతున్న ఈ ప్రాజెక్ట్‌ను విజయం బ్యానర్‌పై విజయ్ కృష్ణ లింగమనేని నిర్మిస్తున్నారు. ఎలాంటి హంగులకు పోకుండా చాలా సహజమైన సంభాషణలు, ముతక హాస్యంతో కట్ చేసిన ఈ టీజర్ సినిమాపై విపరీతమైన అంచనాలను పెంచేసింది.

వజ్రాల వేటలో ఊహించని ట్విస్టులు.. ఫుల్ రన్ టీజర్

టీజర్ ప్రారంభంలోనే 'మనోభావాల బ్యాచ్ దూరంగా ఉండండి' అనే క్యాప్షన్‌తో రస్టిక్ టోన్‌ను సెట్ చేశారు. వర్షం కురిసిన తర్వాత పొలాల్లో వజ్రాల కోసం వెతుకులాడే యువకుల బృందం చుట్టూ కథ నడుస్తుంది. హీరో హీరోయిన్‌తో పాటు మరికొందరు పొలంలో రాళ్లను వజ్రాలంటూ వెతుకుతుంటారు. అయితే అక్కడ ఒక వ్యక్తి ఆ రాళ్లను పరిశీలిస్తూ అవన్నీ సాధారణ రాళ్లేనని తేల్చి చెబుతాడు.

అయినా సరే ఒక యువకుడు మాత్రం తమ అదృష్టం ఎప్పటికైనా మారుతుందని ధైర్యంగా చెబుతుంటాడు. ఆ సమయంలో హీరో.. హీరోయిన్ దగ్గరికి వెళ్లి రొమాంటిక్ డైలాగ్స్‌తో ఫ్లర్ట్ చేయడానికి ప్రయత్నిస్తాడు. దానికి ఆమె నోటి వెంట వచ్చే బూతు షాక్ కు గురి చేస్తుంది. నీ గు.. నువ్వు కడుక్కో అనే డైలాగు సీమ యాసలో చెప్పే సీన్ మూవీ ఎలా ఉండనుందో ఓ హింట్ ఇచ్చేసింది. రా రస్టిక్ రొమాంటిక్ అంటూ వీడియో చివర్లో ఈ జో జో ఎండ్ కార్డ్ పడుతుంది. త్వరలోనే రిలీజ్ కానున్నట్లు మేకర్స్ వెల్లడించారు.

తరుణ్ భాస్కర్ ప్రశంసలు.. త్వరలోనే థియేటర్లలోకి..

మహేష్ శంకర్ సంగీతం, రోహిత్ కుమార్ సినిమాటోగ్రఫీ ఈ టీజర్‌కు మరింత హైలైట్‌గా నిలిచాయి. వజ్రాలు కోసం జరిగే అన్వేషణ, రూరల్ బ్యాక్‌డ్రాప్, ఊహించని మలుపులతో తెరకెక్కుతున్న ఈ రొమాంటిక్ కామెడీ సినిమా త్వరలోనే ప్రేక్షకుల ముందుకు రానుంది. అయితే ఈ చిన్న వీడియోతోనే రా అండ్ రస్టిక్ ఫీల్ కలిగించిన మేకర్స్.. రానున్న రోజుల్లో ప్రమోషనల్ వీడియోలతో ఇంకా ఏం చేస్తారో చూడాలి.