E-Paper
ఈవారం ఓటీటీలోకి రాబోతున్న ఈ 3 మలయాళం సినిమాలు మిస్ కావద్దు.. రూ.300 కోట్ల బ్లాక్బస్టర్ కూడా..
ఓటీటీలోకి ఈవారం కొన్ని ఇంట్రెస్టింగ్ మలయాళం సినిమాలు స్ట్రీమింగ్ కు వచ్చాయి. వీటిని ప్రైమ్ వీడియో, జియోహాట్స్టార్ లాంటి ఓటీటీ ప్లాట్ఫామ్స్ లో చూడొచ్చు. వీటిలో రూ.300 కోట్ల బ్లాక్బస్టర్ సినిమా కూడా ఉంది.
ఓటీటీలోకి ప్రతివారం లాగే ఈవారం కూడా కొన్ని మంచి మలయాళం సినిమాలు వస్తున్నాయి. వీటిలో తొలి ఫిమేల్ సూపర్ హీరో మూవీ లోకా: ఛాప్టర్ 1తోపాటు మరో రెండు మూవీస్ కూడా ఉన్నాయి. మరి వీటిని ఎక్కడ, ఎప్పుడు చూడాలన్న వివరాలు ఇక్కడ తెలుసుకోండి.
లోకా ఛాప్టర్ 1 చంద్ర - జియోహాట్స్టార్
మలయాళం ఇండస్ట్రీలో అత్యధిక వసూళ్లు సాధించిన మూవీ లోకా ఛాప్టర్ 1 చంద్ర ఈవారమే ఓటీటీలోకి వస్తోంది. ప్రపంచవ్యాప్తంగా రూ.300 కోట్లకుపైగా వసూళ్లు సాధించిన ఈ సినిమా.. ఇప్పుడు జియోహాట్స్టార్ లోకి వస్తోంది. ఈ శుక్రవారం అంటే అక్టోబర్ 31 నుంచి ఏడు భాషల్లో ఈ మూవీని చూడొచ్చు.
కల్యాణి ప్రియదర్శన్, నస్లేన్ లీడ్ రోల్స్ లో నటించారు. మలయాళం ఇండస్ట్రీలో రూ.300 కోట్ల మార్క్ దాటిన తొలి సినిమాగా నిలిచిన ఈ లోకా మూవీ కోసం ఓటీటీ ప్రేక్షకులు ఆసక్తిగా ఎదురు చూస్తున్నారు. తెలుగులో కొత్త లోక పేరుతో ఈ సినిమా వచ్చింది.
తలవర - ప్రైమ్ వీడియో
ప్రముఖ మలయాళ నటుడు అర్జున్ అశోకన్ నటించిన మూవీ తలవర. థియేటర్లలో రిలీజైన రెండు నెలల తర్వాత ఇప్పుడు ప్రైమ్ వీడియోలోకి వస్తోంది. బుధవారం (అక్టోబర్ 29) నుంచే ఈ సినిమా స్ట్రీమింగ్ కానుంది. అర్జున్ అశోకన్ తోపాటు అభిరామ్ రాధాకృష్ణన్, దేవదర్శిని చేతన్, అశ్వత్ లాల్, రేవతి శర్మలాంటి వాళ్లు నటించారు. విటిలిగో అనే చర్మ సమస్యతో బాధపడే ఓ యువకుడి చుట్టూ తిరిగే కథ ఇది.
మధురం జీవామృత బిందు - సైనా ప్లే
మరో మలయాళం సినిమా మధురం జీవామృత బిందు అక్టోబర్ 31న సైనా ప్లే ఓటీటీలోకి వస్తోంది. ప్రముఖ నటుడు బేసిల్ జోసెఫ్ తోపాటు సుహాసిని, సైజు కురుప్, లాల్, వినయ్ ఫోర్ట్, జాఫర్ ఇడుక్కిలాంటి వాళ్లు నటించిన సినిమా ఇది. వివిధ కథల సమాహారంగా ఈ సినిమా ప్రేక్షకుల ముందుకు వస్తోంది.
ఈ మూడు సినిమాలే కాకుండా అంజామ్ వేదమ్ అనే సినిమా ఇప్పటికే ఓటీటీలోకి వచ్చేసింది. ఈ మూవీని మనోరమ మ్యాక్స్ ఓటీటీలో చూడొచ్చు. ఇక వీటితోపాటు కాంతార ఛాప్టర్ 1, ఇడ్లీ కడాయ్ లాంటి హిట్ సినిమాలు కూడా మలయాళంలో స్ట్రీమింగ్ కాబోతున్నాయి.
