ఒకే రోజు ఓటీటీలోకి రెండు బిగ్గెస్ట్ బ్లాక్‌బస్టర్ సినిమాలు.. మలయాళం సూపర్ హీరో మూవీ.. కన్నడ యాక్షన్ థ్రిల్లర్

ఓటీటీలోకి ఈవారం ఒకే రోజు రెండు బిగ్గెస్ట్ బ్లాక్‌బస్టర్ సినిమాలు స్ట్రీమింగ్ కు రాబోతున్నాయి. ఒకటి మలయాళం సూపర్ హీరో సినిమా కాగా.. మరొకటి కన్నడ మైథలాజికల్ యాక్షన్ థ్రిల్లర్. మరి వీటిని ఎక్కడ చూడాలో తెలుసుకోండి.

ఈవారం ఓటీటీ అభిమానులకు పండగే. ఎందుకంటే ఈ ఏడాది ఇండియన్ సినిమాలో రెండు అతిపెద్ద బ్లాక్‌బస్టర్ సినిమాలు ఒకే రోజు డిజిటల్ ప్రీమియర్ కాబోతున్నాయి. వీటిలో ఒకటి కాంతార ఛాప్టర్ 1 కాగా.. మరొకటి మలయాళం మూవీ లోకా: ఛాప్టర్ 1. ఈ రెండు మూవీస్ వేర్వేరు ఓటీటీల్లోకి అడుగుపెట్టనున్నాయి.

ఒకే రోజు ఓటీటీలోకి రెండు బిగ్గెస్ట్ బ్లాక్‌బస్టర్ సినిమాలు.. మలయాళం సూపర్ హీరో మూవీ.. కన్నడ యాక్షన్ థ్రిల్లర్

ఒక్క రోజు.. రెండు బ్లాక్‌బస్టర్లు..

ఈవారం ఓటీటీ రిలీజెస్ విషయానికి వస్తే ఈ శుక్రవారం అంటే అక్టోబర్ 31న చాలా సినిమాలే రాబోతున్నాయి. అయితే వీటిలో అందరి దృష్టి మాత్రం రెండు సినిమాలపైనే ఉంది. వీటిలో ఒకటి కాంతార ఛాప్టర్ 1. ఈ నెల 2న థియేటర్లలో రిలీజైన ఈ మూవీ.. నెల రోజుల్లోపే ఓటీటీలోకి వస్తోంది. అది కూడా బాక్సాఫీస్ దగ్గర ఏకంగా రూ.800 కోట్లకుపైగా వసూళ్లతో ఈ ఏడాది అత్యధిక వసూళ్ల ఇండియన్ సినిమాగా నిలిచినా.. అప్పుడే డిజిటల్ ప్రీమియర్ కానుంది. ఈ సినిమా అక్టోబర్ 31 నుంచి అమెజాన్ ప్రైమ్ వీడియోలో నాలుగు భాషల్లో స్ట్రీమింగ్ కాబోతోంది.

ఇక మరొకటి మలయాళం ఇండస్ట్రీలోనే అత్యధిక వసూళ్ల సూపర్ హీరో మూవీ లోకా: ఛాప్టర్ 1. తెలుగులో కొత్త లోక పేరుతో రిలీజైంది. కల్యాణి ప్రియదర్శన్ ఫిమేల్ సూపర్ హీరో పాత్ర పోషించింది. దుల్కర్ సల్మాన్ నిర్మించిన ఈ సినిమా బాక్సాఫీస్ దగ్గర రూ.300 కోట్లకుపైగా వసూలు చేసి.. ఈ ఘనత సాధించిన తొలి మలయాళం మూవీగా నిలిచింది. ఇప్పుడీ సినిమా శుక్రవారం (అక్టోబర్ 31) నుంచే జియోహాట్‌స్టార్ లో ఏడు భాషల్లో స్ట్రీమింగ్ కానుంది.

కాంతార, లోకా.. రెండూ రెండే

కాంతార ఛాప్టర్ 1, లోకా ఛాప్టర్ 1.. ఈ సౌత్ ఇండియన్ మూవీస్ ఈ ఏడాది ఇండియన్ సినిమా ఇండస్ట్రీలో సంచలన విజయాలు సాధించాయి. కాంతార ఛాప్టర్ 1 ఓ ప్రీక్వెల్ కాగా.. లోకా ప్రాంఛైజీలో తొలి సినిమా. రెండూ పూర్తిగా వేర్వేరు జానర్లకు చెందిన మూవీస్. అయితే ఇవి రెండూ బాక్సాఫీస్ దుమ్ము దులిపాయి.

ఈ రెండు సినిమాలూ తెలుగులోనూ థియేటర్లలో రిలీజై.. ఇక్కడా వసూళ్ల వర్షం కురిపించాయి. దీంతో ఈ రెండు మూవీస్ డిజిటల్ ప్రీమియర్ పై ఎంతగానో ఆసక్తి నెలకొంది. అయితే ఒకే రోజు ఇవి రెండూ రానుండటం మాత్రం సినిమా లవర్స్ కు ఓ పండగలాంటి వార్తే అని చెప్పొచ్చు.