E-Paper
ఓటీటీలోకి తమిళ కామెడీ మూవీ.. ఐఎండీబీలో 9.3 రేటింగ్.. ఓ బట్టతల అబ్బాయి.. ఇద్దరు అమ్మాయిలు
తమిళ కామెడీ మూవీ ఒకటి ఓటీటీలోకి స్ట్రీమింగ్ కు వస్తోంది. ఓ బట్టతల అబ్బాయి, ఇద్దరు అమ్మాయిల చుట్టూ తిరిగే స్టోరీ ఇది. రెండు నెలల కిందట థియేటర్లలో రిలీజైన ఈ సినిమాకు ఐఎండీబీలో ఏకంగా 9.3 రేటింగ్ ఉండటం విశేషం.
ఓటీటీలోకి ఈవారం రానున్న ఇంట్రెస్టింగ్ సినిమాల్లో ఓ తమిళ కామెడీ మూవీ కూడా ఉంది. ఈ సినిమా పేరు సొట్ట సొట్ట ననైయుతు (Sotta Sotta Nanaiyuthu). బట్ట తలతో బాధపడే ఓ యువకుడు ఎదుర్కొనే కష్టాలు, ఆత్యన్యూనత, బాడీ షేమింగ్ లాంటి అంశాల చుట్టూ తిరిగే మూవీ ఇది. దీని గురించి మరిన్ని వివరాలు తెలుసుకుందాం.
సొట్ట సొట్ట ననైయుతు ఓటీటీ రిలీజ్ డేట్
తమిళ కామెడీ మూవీ సొట్ట సొట్ట ననైయుతు మూవీ ఆగస్టు 29న థియేటర్లలో రిలీజైంది. ఈ సినిమా ఇప్పుడు అక్టోబర్ 31 నుంచి ఆహా తమిళం ఓటీటీలో స్ట్రీమింగ్ కానుంది. “అందరికీ సంబంధించిన మరో కథ వచ్చేస్తోంది ఫ్రెండ్స్.. సొట్ట సొట్ట ననైయుతు అక్టోబర్ 31న ఆహా తమిళంలో ప్రీమియర్ కానుంది” అనే క్యాప్షన్ తో ట్వీట్ చేసింది. రెండు నెలల తర్వాత ఓటీటీలోకి వస్తున్న ఈ సినిమా గురించి ప్రేక్షకులు ఆసక్తిగా ఎదురు చూస్తున్నారు.
సొట్ట సొట్ట ననైయుతు మూవీ గురించి..
సొట్ట సొట్ట ననైయుతు ఓ తమిళ కామెడీ సినిమా. దీనికి నవీద్ ఎస్ ఫరీద్ కథ అందించి, డైరెక్ట్ చేశాడు. ఇందులో నిశాంత్ రుసో, రాజా ఎలంగోవన్, షాలిని, రోబో శంకర్, పుగళ్, వర్షిణి వెంకట్ లాంటి వాళ్లు నటించారు. ఈ సినిమా బట్టతలతో బాధపడే ఓ యువకుడి చుట్టూ తిరుగుతుంది. రాజా అనే ఆ ధనవంతుడైన వ్యక్తి.. ఓ మంచి మనసున్న ప్రియ అనే అమ్మాయిని ప్రేమిస్తాడు.
అయితే అతని కుటుంబం మాత్రం ఈ కాలం మైండ్సెట్ ఉన్న శృతి అనే అమ్మాయిని పెళ్లి చేసుకోవాలని ఒత్తిడి తెస్తారు. ఇలాంటి పరిస్థితుల్లో రాజా ఎవరి వైపు మొగ్గు చూపుతాడు? ఆ తర్వాత ఏం జరిగింది అన్నది ఈ సినిమాలో చూడొచ్చు. ఈ మూవీకి ఐఎండీబీలో ఏకంగా 9.3 రేటింగ్ ఉండటం విశేషం.
బట్టతలతో బాధపడుతున్న వారు సమాజంలో రోజురోజుకూ పెరిగిపోతున్నారు. అలాంటి వాళ్లందరూ ఈ మూవీలోని లీడ్ క్యారెక్టర్ తో తమను తాము పోల్చి చూసుకుంటూ మూవీని ఎంజాయ్ చేశారు. బట్టతల అనేది ఎంత పెద్ద సమస్య అన్నది కూడా కామెడీని జోడించి ఈ మూవీని తెరకెక్కించారు.
