E-Paper
418 Trailer: ఆ 418 గదిలో ఏం జరిగింది? వెన్నులో వణుకు పుట్టిస్తున్న ప్రశాంత్ నీల్, మైత్రీ హారర్ థ్రిల్లర్ మూవీ ట్రైలర్
418 Trailer: తెలుగులో మరో హారర్ థ్రిల్లర్ మూవీ రిలీజ్ కాబోతోంది. 418 ద మూవీ అనే ఈ సినిమాను ప్రముఖ డైరెక్టర్ ప్రశాంత్ నీల్ సమర్పిస్తుండగా.. మైత్రీ మూవీ మేకర్స్ తెరకెక్కింది. తాజాగా రిలీజైన ట్రైలర్ వెన్నులో వణుకు పుట్టిస్తోంది.
Prefer HTon Google
418 Trailer: 'కేజీఎఫ్', 'సలార్' సినిమాలతో ఇండియన్ బాక్సాఫీస్ను షేక్ చేసిన దర్శకుడు ప్రశాంత్ నీల్ ఈసారి ఊహించని హారర్ షాక్ ఇచ్చారు. మైత్రి మూవీ మేకర్స్ కాంబినేషన్లో ఆయన సమర్పిస్తున్న లేటెస్ట్ ఆర్గానిక్ హారర్ థ్రిల్లర్ '418 ది మూవీ' ట్రైలర్ బయటకు వచ్చి సోషల్ మీడియాలో సంచలనం సృష్టిస్తోంది. 15 ఏళ్లుగా మూతపడిన ఒక బిల్డింగ్ వెనుక ఉన్న భయంకరమైన మిస్టరీ చుట్టూ ఈ సినిమా సాగనుంది.
రూమ్ నంబర్ 418 సీక్రెట్.. మూడున్నర నిమిషాల వణుకు పుట్టించే ట్రైలర్
నయా దర్శకుడు కీర్తన్ నాడగౌడ తెరకెక్కించిన ఈ సినిమాలో సూర్య రాజ్, చరణ్ లక్కరాజు, చైత్ర జె ఆచార్, ప్రీతి పగడాల కీలక పాత్రల్లో నటించారు. తాజాగా విడుదలైన 418 మూవీ ట్రైలర్ ఆరంభం నుంచే తీవ్రమైన భయాందోళనలకు గురిచేసేలా విజువల్స్ డిజైన్ చేశారు.
15 సంవత్సరాలుగా పాడుబడిపోయిన ఒక కట్టడాన్ని రీ-ఓపెన్ చేయడంతో అక్కడికి అనూహ్యమైన దుష్ట శక్తులు ప్రవేశిస్తాయి. ముఖ్యంగా ఆ బిల్డింగ్లోని 'రూమ్ నంబర్ 418' లో జరిగే అతీత శక్తుల కదలికలు ప్రతీ ఒక్కరి వెన్నులో వణుకు పుట్టిస్తోంది.
ప్రశాంత్ నీల్ మార్క్ కట్.. గర్భవతులకు మేకర్స్ వార్నింగ్
ట్రైలర్ ఎడిటింగ్ చేసిన తీరు చూస్తే ప్రశాంత్ నీల్ మార్క్ స్పష్టంగా కనిపిస్తోంది. చివరి ఒక నిమిషంలో చూపించిన విజువల్స్, విచిత్రమైన సౌండ్ డిజైన్ హారర్ లవర్స్కు మైండ్ బ్లాక్ అయ్యే ఎక్స్పీరియన్స్ ఇస్తాయి. "దెయ్యాల కంటే మనుషుల ఊహే చాలా ప్రమాదకరమైనది" అంటూ ట్రైలర్లో చెప్పే డైలాగ్ సినిమా కాన్సెప్ట్ ఏంటో సాంకేతికంగా తెలియజేస్తోంది.
భయంకరమైన సీన్లు, రక్తపాతం ఎక్కువగా ఉండటంతో ఈ సినిమాను చూడటానికి ముందు మేకర్స్ ఒక ప్రత్యేక హెచ్చరిక కూడా జారీ చేశారు. గర్భవతులు, మానసిక ఆరోగ్య సమస్యలు ఉన్నవారు ఈ సినిమాకు దూరంగా ఉండాలని సూచించడం టాలీవుడ్ వర్గాల్లో పెద్ద ఎత్తున చర్చనీయాంశంగా మారింది.
మైత్రీ మూవీ మేకర్స్ అరుదైన ప్రయోగం
టాప్ ప్రొడక్షన్ హౌస్ మైత్రీ మూవీ మేకర్స్ సాధారణంగా బిగ్ స్టార్స్ తో మాస్ కమర్షియల్ సినిమాలు తీస్తుంటుంది. అయితే ప్రశాంత్ నీల్ తో కలిసి ఇలాంటి డిఫరెంట్ ఆర్గానిక్ హారర్ కాన్సెప్ట్ ఉన్న సినిమాను ప్రమోట్ చేయడం విశేషం. పక్కా కన్నడ, తెలుగు నేటివిటీ నటులతో తెరకెక్కించిన ఈ ప్రాజెక్ట్ లో సప్త సాగరాలు దాటి ఫేమ్ చైత్ర జె ఆచార్ నటన హైలైట్ కానుందని తెలుస్తోంది.
ఇప్పటికే సెన్సార్ బోర్డు నుంచి 'A' సర్టిఫికేట్ పొందిన '418 ది మూవీ' థియేటర్లలోకి వచ్చేందుకు సిద్ధంగా ఉంది. నిజమైన హారర్ మూవీ అనుభవాన్ని కోరుకునే ఆడియన్స్కు ఈ చిత్రం ఖచ్చితంగా ఒక కొత్త రకమైన థ్రిల్ ఇస్తుందని ట్రేడ్ విశ్లేషకులు భావిస్తున్నారు.
