రెండు రోజుల ముందే ప్రీమియర్ షోలు.. పెద్ద రిస్కే చేస్తున్న ఆంధ్రా కింగ్ తాలూకా.. అమెరికా ప్రమోషన్లలో రామ్ బిజీబిజీ
రామ్ పోతినేని తన ఆంధ్రా కింగ్ తాలూకా సినిమాతో పెద్ద రిస్కే చేస్తున్నాడు. అసలు రిలీజ్ కంటే రెండు రోజుల ముందే అమెరికాలో ప్రీమియర్ షోలు వేస్తుండటం విశేషం. ఈ విషయాన్ని మైత్రీ మూవీ మేకర్స్ వెల్లడించింది.
ఎనర్జిక్ స్టార్ రామ్ పోతినేని తన నెక్ట్స్ మూవీ ఆంధ్రా కింగ్ తాలూకా కోసం రెడీ అవుతున్నాడు. ఈ సినిమా నవంబర్ 28న థియేటర్లలో రిలీజ్ కానుంది. ఈ మూవీలో నటించడమే కాదు రామ్ ఓ పాట రాసి, పాడటం విశేషం. అంతేకాదు ఇప్పుడీ సినిమా ప్రమోషన్లను కూడా వినూత్నంగా చేయాలని నిర్ణయించారు.
ఆంధ్రా కింగ్ తాలూకా ప్రీమియర్స్
రామ్ పోతినేని, భాగ్యశ్రీ బోర్సే లీడ్ రోల్స్ లో నటించిన మూవీ ఆంధ్రా కింగ్ తాలూకా. ఈ సినిమాను మైత్రీ మూవీ మేకర్స్ నిర్మిస్తుండగా.. మహేష్ బాబు పీ డైరెక్ట్ చేస్తున్నాడు. ఈ సినిమా నవంబర్ 28న థియేటర్లలో రిలీజ్ కానుండగా.. తొలిసారి రెండు రోజుల ముందే అమెరికాలో ప్రీమియర్ షోలు వేస్తున్నారు. అంటే నవంబర్ 26నే ఈ షోలు చూసే వీలు కలగనుంది.
ఈ విషయాన్ని మైత్రీ మూవీ మేకర్స్ సోమవారం (నవంబర్ 3) సోషల్ మీడియాలో పోస్ట్ చేసింది. “గతంలో ఎప్పుడూ లేని విధంగా తొలిసారి యూఎస్ఏ ఎలక్ట్రిక్ ఎనర్జీని ఫీల్ కానుంది. మనలో ఒకడిగా, మనతో ఒకడిగా ఆంధ్రా కింగ్ తాలూకా కోసం రామ్ పోతినేని అమెరికా వస్తున్నాడు. నవంబర్ 26న ఎర్లీ ప్రీమియర్స్ లో ఎనర్జిటిక్ స్టార్ ను కలుసుకోండి.” అనే క్యాప్షన్ తో ట్వీట్ చేసింది.
తొలిసారి రామ్ ఇలా..
ఎనర్జిటిక్ స్టార్ రామ్ పోతినేని తన సినిమా ప్రమోషన్ కోసం అమెరికా వెళ్తుండటం ఇదే తొలిసారి కావడం విశేషం. నవంబర్ 26న ప్రీమియర్ల కోసం వెళ్లనున్న అతడు.. మళ్లీ నవంబర్ 30న ఇండియాకు తిరిగి వచ్చిన మూవీ రిలీజ్ తర్వాత ప్రమోషన్లలో పాల్గొననున్నాడు. అమెరికాలో ఈ ఆంధ్రా కింగ్ తాలూకా మూవీ డాలస్, అట్లాంటా, వర్జీనియాతోపాటు మరికొన్ని ఎంపిక చేసిన ప్రదేశాల్లో ప్రీమియర్ షోలు వేయనున్నారు.
అయితే రెండు రోజుల ముందే ప్రీమియర్ షోలు అనేది పెద్ద రిస్కే అని చెప్పొచ్చు. అమెరికాలో మూవీ టాక్ ఇక్కడ తెలుగు రాష్ట్రాల్లో ఎలాంటి ప్రభావం చూపిస్తుందో చూడాలి. ఈ ఆంధ్రా కింగ్ తాలూకా మూవీలో రామ్ నటించడమే కాదు.. పాట రాసి, పాడాడు కూడా. కెరీర్లో ఓ మంచి హిట్ కోసం ఎదురు చూస్తున్న రామ్.. ఈ సినిమాపై భారీ ఆశలే పెట్టుకున్నాడు. మరి ఈ ఆంధ్రా కింగ్ తాలూకా ఎలాంటి ఫలితం ఇస్తుందో చూడాలి.
