300 ఎపిసోడ్లు పూర్తి చేసుకున్న టాప్ స్టార్ మా సీరియల్.. తొలి వారం నుంచే టీఆర్పీ రేటింగ్స్‌లో దూకుడు..

స్టార్ మా సీరియల్స్ లో మొదటి నుంచీ మురిపిస్తున్న ఇల్లు ఇల్లాలు పిల్లలు సీరియల్ తాజాగా మరో మైలురాయిని అందుకుంది. సోమవారం (అక్టోబర్ 27)తో ఈ సీరియల్ 300 ఎపిసోడ్లు పూర్తి చేసుకోవడం విశేషం. ఈ విషయాన్ని ఆ ఛానెల్ వెల్లడించింది.

స్టార్ మా సీరియల్స్ లో తనకంటూ ప్రత్యేక స్థానం సంపాదించుకున్న సీరియల్ ఇల్లు ఇల్లాలు పిల్లలు. సీనియర్ నటీనటులు ప్రభాకర్, ఆమని లీడ్ రోల్స్ లో నటిస్తున్న ఈ ఫ్యామిలీ డ్రామా మొదటి నుంచీ ప్రేక్షకులను ఆకట్టుకుంటూనే ఉంది. తాజాగా ఈ సీరియల్ 300 ఎపిసోడ్ల మైలురాయిని అందుకుంది.

300 ఎపిసోడ్లు పూర్తి చేసుకున్న టాప్ స్టార్ మా సీరియల్.. తొలి వారం నుంచే టీఆర్పీ రేటింగ్స్‌లో దూకుడు..

ఇల్లు ఇల్లాలు పిల్లలు@300 ఎపిసోడ్స్

ఆమని, ప్రభాకర్ నటిస్తున్న స్టార్ మా సీరియల్ ఇల్లు ఇల్లాలు పిల్లలు 300 ఎపిసోడ్లు పూర్తి చేసుకుంది. గతేడాది నవంబర్ 12న ఈ సీరియల్ ప్రారంభం కాగా.. తాజాగా సోమవారం (అక్టోబర్ 27)తో ఈ మైలురాయిని అందుకుంది. ఈ విషయాన్ని స్టార్ మా తన ఎక్స్ అకౌంట్ ద్వారా వెల్లడించింది. “కలిసి నవ్వుతూ, ఏడుస్తూ, ఎదుగుతున్న ఓ కుటుంబానికి 300 ఎపిసోడ్లు. మీ ప్రేమ, మద్దతు ప్రతి క్షణాన్ని మధుర జ్ఞాపకం చేసింది.

మరెన్నో జ్ఞాపకాల కోసం సిద్ధమవుతూ.. ఇల్లు ఇల్లాలు పిల్లలు సీరియల్ సోమవారం నుంచి శనివారం వరకు ప్రతి రోజు రాత్రి 7.30 గంటలకు మీ స్టార్ మాలో” అనే క్యాప్షన్ తో ట్వీట్ చేసింది. దీనికి ఆ ఛానెల్ షేర్ చేసిన పోస్టర్ కూడా ఇంట్రెస్టింగా ఉంది. ప్రతి ఇంటి కథగా నిలిచిన ప్రయాణం అనే పదాలు ఆ పోస్టర్ పై ఉండగా.. అందులో సీరియల్లోని లీడ్ క్యారెక్టర్లన్నింటినీ చూడొచ్చు.

ఇల్లు ఇల్లాలు పిల్లలు టీఆర్పీ రేటింగ్

ఇల్లు ఇల్లాలు పిల్లలు సీరియల్ ప్రారంభమైన కొన్నాళ్లకే టీఆర్పీ రేటింగ్స్ లో దూసుకెళ్లింది. దీనికంటే ముందు రాత్రి 7.30 గంటలకు వచ్చిన బ్రహ్మముడి సీరియల్ నంబర్ వన్ కాగా.. అలాంటి సీరియల్ ను తప్పించి ఇల్లు ఇల్లాలు పిల్లలను తీసుకొచ్చారు. అంచనాలకు తగ్గకుండా ఈ సీరియల్ కూడా దూసుకెళ్తూనే ఉంది. టీఆర్పీ రేటింగ్స్ లో నిలకడగా రెండో స్థానంలోనే ఉంటూ వస్తోంది.

తాజాగా 41వ వారం రేటింగ్స్ లోనూ ఈ సీరియల్ 14.02 రేటింగ్ తో కార్తీక దీపం 2 సీరియల్ తర్వాత రెండో స్థానంలో ఉంది. అప్పుడప్పుడూ మూడు, నాలుగు స్థానాల్లోకి పడిపోయినా.. చాలా వరకు తన స్థానాన్ని నిలుపుకోవడంలో సక్సెస్ అయిందనే చెప్పాలి. ప్రభాకర, ఆమినిలాంటి సీనియర్ నటీనటులు ఈ సీరియల్ కు పెద్ద ప్లస్ పాయింట్ గా నిలిచారు.