తమిళ సస్పెన్స్ థ్రిల్లర్ మూవీ.. రెండున్నర నెలల తర్వాత ఓటీటీలోకి.. ఈవారమే స్ట్రీమింగ్.. వరుస హత్యలను ఛేదించే ఆ ఒక్కడు

తమిళ సస్పెన్స్ థ్రిల్లర్ మూవీ రెండున్నర నెలల తర్వాత ఈవారం ఓటీటీలోకి వస్తోంది. వరుస హత్యలను ఛేదించడంలో పోలీసులకు ఓ వ్యక్తి చేసే సాయం చుట్టూ తిరిగే కథ ఇది. ఐఎండీబీలో 8.1 రేటింగ్ నమోదైంది.

తమిళ సస్పెన్స్ థ్రిల్లర్ మూవీ ముదల్ పక్కమ్ (Muthal pakkam). ఆగస్టు 1న థియేటర్లలో రిలీజైంది. ఇప్పుడు రెండున్నర నెలల తర్వాత ఈ సినిమా డిజిటల్ ప్రీమియర్ కానుంది. మరి ఈ సినిమా ఎప్పుడు, ఎక్కడ చూడాలి? అసలు ఈ థ్రిల్లర్ మూవీ స్టోరీ ఏంటో తెలుసుకోండి.

తమిళ సస్పెన్స్ థ్రిల్లర్ మూవీ.. రెండున్నర నెలల తర్వాత ఓటీటీలోకి.. ఈవారమే స్ట్రీమింగ్.. వరుస హత్యలను ఛేదించే ఆ ఒక్కడు

ముదల్ పక్కమ్ ఓటీటీ రిలీజ్ డేట్

తమిళ సస్పెన్స్ థ్రిల్లర్ మూవీ చెన్నై ఫైల్స్: ముదల్ పక్కమ్ ఈవారం ఓటీటీలోకి వస్తోంది. ఈ సినిమాను ఆహా తమిళం ఓటీటీ స్ట్రీమింగ్ చేయనుంది. వచ్చే శుక్రవారం (అక్టోబర్ 17) నుంచి ఈ సినిమాను చూడొచ్చు. ఈ సినిమా స్ట్రీమింగ్ విషయాన్ని ఆహా తమిళం ఓటీటీ మంగళవారం (అక్టోబర్ 14) వెల్లడించింది.

“త్వరలోనే మొదటి పేజీ చూసే సమయం దగ్గరపడింది.. ముదల్ పక్కమ్ ఆహా తమిళంలో అక్టోబర్ 17న ప్రీమియర్ కానుంది” అనే క్యాప్షన్ తో ట్వీట్ చేసింది. వరల్డ్ డిజిటల్ ప్రీమియర్ అంటూ ఓ పోస్టర్ షేర్ చేసింది.

ముదల్ పక్కమ్ మూవీ గురించి..

చెన్నై ఫైల్స్: ముదల్ పక్కమ్ మూవీ ఆగస్టు 1న థియేటర్లలో రిలీజైంది. ఈ సినిమాను అనీష్ అష్రఫ్ డైరెక్ట్ చేశాడు. కథ కూడా అతడే అందించాడు. ఇందులో వెట్రి, శిల్పా మంజునాథ్, తంబి రామయ్య, రెడిన్ కింగ్స్‌లే, కన్నా రవిలాంటి వాళ్లు నటించారు. ఈ సినిమా వరుస హత్యలను ఛేదించే ఓ పోలీస్ టీమ్ చుట్టూ తిరుగుతుంది. హంతకుడు సుత్తితో హత్యలు చేస్తూ వాటికి ఓ మాస్క్ తగిలిస్తూ ఉంటాడు.

ఆ హత్యలకు సంబంధించి ఓ వ్యక్తి ఇచ్చే సమాచారంతో కేసు మలుపు తిరుగుతుంది. ఆ తర్వాత ఏం జరిగింది? ఆ వరుస హత్యల వెనుక అసలు కారణం ఏంటన్నది ఈ ముదల్ పక్కమ్ సినిమాలో చూడొచ్చు. ఈ సినిమాకు థియేటర్లలో పెద్దగా రెస్పాన్స్ రాలేదు. రివ్యూలు కూడా చాలా వరకు నెగటివ్ గానే వచ్చాయి. మరి ఈ మూవీ ఇప్పుడు ఓటీటీలో ఎలా రాణిస్తుందో చూడాలి.