E-Paper
ఈవారం ఓటీటీల్లో మిస్ కాకుండా చూడాల్సిన టాప్ 6 మూవీస్ ఇవే.. రెండు బ్లాక్బస్టర్ హారర్ థ్రిల్లర్ సినిమాలు కూడా..
ఈవారం ఓటీటీల్లోకి ఎన్నో ఇంట్రెస్టింగ్ మూవీస్ వస్తున్నాయి. వీటిలో మిస్ కాకుండా చూడాల్సిన టాప్ 6 సినిమాలేవో ఇక్కడ తెలుసుకోండి. వీటిలో రెండు బ్లాక్బస్టర్ హారర్ థ్రిల్లర్ సినిమాలు కూడా ఉన్నాయి. మరి అవేంటో తెలుసుకోండి.
ఓటీటీలోకి ఈ వారం కూడా చాలా సినిమాలే వస్తున్నాయి. ఈ దీపావళి లాంగ్ వీకెండ్ చూడటానికి చాలా మూవీసే అందుబాటులోకి రానున్నాయి. అయితే వీటిలో కొన్ని సినిమాలు మాత్రం చాలా ఆసక్తి రేపుతున్నాయి. జియోహాట్స్టార్, జీ5, ఆహా వీడియో ఓటీటీ ప్లాట్ఫామ్స్ లోకి ఈ మూవీస్ రానున్నాయి.
కిష్కింధపురి - జీ5 ఓటీటీ
తెలుగు హారర్ థ్రిల్లర్ మూవీ కిష్కింధపురి ఈవారమే ఓటీటీలోకి వస్తోంది. జీ5 ఓటీటీలోకి ఈ సినిమా అక్టోబర్ 17న అడుగుపెట్టనుంది. బెల్లంకొండ సాయి శ్రీనివాస్, అనుపమ పరమేశ్వరన్ లీడ్ రోల్స్ లో నటించిన మూవీ ఇది. బాక్సాఫీస్ దగ్గర సుమారు రూ.30 కోట్ల వరకూ వసూలు చేసింది.
ఫైనల్ డెస్టినేషన్ బ్లడ్లైన్స్ - జియోహాట్స్టార్
ఫైనల్ డెస్టినేషన్ హారర్ థ్రిల్లర్ ఫ్రాంఛైజీ నుంచి వచ్చిన ఆరో సినిమా ఇది. ఈ సినిమా అక్టోబర్ 16 నుంచి జియోహాట్స్టార్ లోకి రానుంది. ప్రపంచవ్యాప్తంగా సుమారు రూ.2700 కోట్లు వసూలు చేసింది. దీంతో ఈ సినిమా డిజిటల్ ప్రీమియర్ పై ఆసక్తి నెలకొంది.
లోకా ఛాప్టర్ 1 - జియోహాట్స్టార్
అత్యధిక వసూళ్లు సాధించిన మలయాళం మూవీ లోకా ఛాప్టర్ 1 కూడా అక్టోబర్ 17నే జియోహాట్స్టార్ లోకి అడుగుపెట్టనుంది. దుల్కర్ సల్మాన్ నిర్మించిన ఈ ఫిమేల్ సూపర్ హీరో సినిమాలో కల్యాణి ప్రియదర్శన్ లీడ్ రోల్లో నటించింది. బాక్సాఫీస్ దగ్గర రూ.300 కోట్ల మార్క్ దాటగానే మేకర్స్ ఈ సినిమాను ఓటీటీలోకి తీసుకొస్తున్నారు. ఈ సినిమా తెలుగులోనూ స్ట్రీమింగ్ కానుంది.
ఆనందలహరి - ఆహా వీడియో ఓటీటీ
ఆహా వీడియో ఓటీటీలోకి అక్టోబర్ 17న అడుగుపెడుతున్న సినిమా ఆనందలహరి. ఇదొక రొమాంటిక్ కామెడీ ఎంటర్టైనర్. సురేష్ ప్రొడక్షన్స్ ఈ సినిమాను నిర్మించింది. ఈస్ట్ గోదావరి అబ్బాయి, వెస్ట్ గోదావరి అమ్మాయి పెళ్లితో ఒకటైతే ఎలా ఉంటుందన్న కాన్సెప్ట్ తో తెరకెక్కిన సినిమా ఇది. అభిషేక్, భ్రమరాంబిక ఈ సినిమాలో నటించారు.
సంతోష్ - లయన్స్గేట్ ప్లే ఓటీటీ
బ్రిటీష్ ఇండియన్ ఫిల్మ్ మేకర్ సంధ్య సూరి డైరెక్ట్ చేసిన సినిమా సంతోష్. ఇదొక క్రైమ్ డ్రామా. ఇండియాలో థియేటర్లలో రిలీజ్ కు సెన్సార్ బోర్డు నిరాకరించింది. అయితే ఇప్పుడు లయన్స్గేట్ ప్లే ద్వారా ఓటీటీలోకి వస్తోంది. కేన్స్ ఫిల్మ్ ఫెస్టివల్లో ఈ సినిమాను ప్రదర్శించారు. అక్టోబర్ 17న ఓటీటీలో స్ట్రీమింగ్ కానుంది.
భగవత్ ఛాప్టర్ 1 - జీ5 ఓటీటీ
హిందీ క్రైమ్ థ్రిల్లర్ మూవీ భగవత్ ఛాప్టర్ 1 మూవీ జీ5 ఓటీటీలోకి అక్టోబర్ 17న వస్తోంది. కనిపించకుండాపోయిన ఓ బాలిక కేసును పరిష్కరించే క్రమంలో ఓ వ్యభిచార రాకెట్ ను బయటపెట్టే పోలీస్ ఆఫీసర్ చుట్టూ తిరిగే కథ ఇది.
