E-Paper
Teja Sajja: ఓ మర్డర్ మిస్టరీ చూస్తున్నట్లు అనిపిస్తుంది.. ఒక్క రోజులోనే ఓకే చెప్పేశాను: ది ట్రైటర్స్ షోపై తేజ సజ్జా
Teja Sajja Prime Video The Traitors Show: తేజ సజ్జా తన లేటెస్ట్ రియాలిటీ షో ది ట్రైటర్స్ గురించి ఆసక్తికర విషయాలను పంచుకున్నారు. ఈ షో చూస్తుంటే ఓ మర్డర్ మిస్టరీ చూస్తున్న ఫీలింగ్ కలుతుందని చెప్పడం విశేషం.
Prefer HTon Google
Teja Sajja The Traitors Show: పాన్ ఇండియా స్టార్ తేజ సజ్జా హోస్ట్‌గా సరికొత్త అవతారంలో అలరించేందుకు రెడీ అయిపోయారు. అంతర్జాతీయంగా సంచలనం సృష్టించిన పాపులర్ రియాలిటీ ఫార్మాట్ 'ది ట్రైటర్స్ తెలుగు' (The Traitors Telugu) అక్టోబర్ 15 నుంచి ప్రముఖ ఓటీటీ ప్లాట్‌ఫామ్ అమెజాన్ ప్రైమ్ వీడియోలో గ్రాండ్‌గా స్ట్రీమింగ్ కానుంది. ఈ గ్రాండ్ షో ప్రమోషన్స్‌లో భాగంగా తేజ సజ్జా మీడియాతో ముచ్చటించి పలు క్రేజీ విశేషాలను పంచుకున్నారు.
ఒకే ఒక్క రోజులో ఓకే చెప్పిన ప్రాజెక్ట్
'హనుమాన్', 'మిరాయ్' సినిమాలతో బ్యాక్ టు బ్యాక్ గ్లోబల్ హిట్స్ కొట్టిన తేజ సజ్జా.. హోస్టింగ్‌కి సైన్ చేయడం వెనుక ఉన్న సీక్రెట్‌ను రివీల్ చేశారు. హిందీలో కరణ్ జోహార్ హోస్ట్ చేసిన వర్షన్ చూసి కేవలం రెండు రోజుల్లోనే ఆ సీజన్ మొత్తాన్ని పూర్తి చేసినట్లు చెప్పారు.
'మిరాయ్' షూటింగ్ పూర్తయ్యాక ప్రైమ్ వీడియో టీమ్ ఈ కాన్సెప్ట్‌తో తనను అప్రోచ్ అయ్యారని, తన కెరీర్‌లోనే అత్యంత వేగంగా ఓకే చెప్పిన ప్రాజెక్ట్ ఇదేనని తేజ స్పష్టం చేశారు. ఇప్పటివరకు తెలుగులో వచ్చిన ఏ రియాలిటీ షోకి లేనంత బిగ్ స్కేల్‌లో దీనిని డిజైన్ చేశారని వెల్లడించారు.
మర్డర్ మిస్టరీ లాంటి థ్రిల్లింగ్ ఎక్స్‌పీరియన్స్
ఈ షో కంప్లీట్ ఫార్మాట్ గురించి మాట్లాడిన తేజ సజ్జా.. ఇది కేవలం ఒక గేమ్ షో మాత్రమే కాదని చెప్పారు. ప్రతీ ఎపిసోడ్ మైండ్ గేమ్‌లతో, సస్పెన్స్‌తో సాగుతూ ఆడియన్స్‌కి ఒక మైండ్ బ్లోయింగ్ మర్డర్ మిస్టరీ సినిమా చూస్తున్న ఫీలింగ్ ఇస్తుందని ధీమా వ్యక్తం చేశారు.
ఈ సిరీస్ మొత్తం 10 ఎపిసోడ్లుగా రాబోతుండగా, దీని కోసం కేవలం 11 రోజులు మాత్రమే షూటింగ్ చేశామని తెలిపారు. హిందీ వర్షన్ చూస్తున్నప్పుడు అందులోని పార్టిసిపెంట్లతో ఎమోషనల్ కనెక్షన్ లేదని, కానీ తెలుగులో ప్రగతి, హర్షవర్ధన్, చిన్మయి లాంటి తెలిసిన సెలబ్రిటీలు ఉండటంతో వర్క్ చేయడం ఫుల్ ఎంటర్‌టైనింగ్‌గా అనిపించిందని చెప్పారు.
రూల్స్ బుక్, క్రేజీ గేమ్‌ప్లే.. చిన్నపిల్లల నుంచి పెద్దల వరకు..
షో రూల్స్ గురించి చెబుతూ, చెస్ లేదా ఫుట్‌బాల్ ఆటకి ప్రత్యేకమైన నిబంధనలు ఉన్నట్లే 'ది ట్రైటర్స్' కి కూడా కొన్ని రూల్స్ ఉంటాయని తేజ అన్నారు. మొదటి రోజు షూటింగ్‌లోనే ఐదు పేజీల నిబంధనలను కంటెస్టెంట్స్‌కు ఒకే టేక్‌లో వివరించాల్సి రావడం ఒక ఛాలెంజింగ్ టాస్క్‌గా అనిపించిందని గుర్తు చేసుకున్నారు.
లైవ్ ఆడియన్స్, పార్టిసిపెంట్స్ తన ముందే ఉండటంతో ఎలాంటి కట్స్ లేకుండా సింగిల్ షాట్‌లో ప్రెజెంట్ చేయడం కొత్త అనుభవాన్ని ఇచ్చిందని చెప్పారు. మొదట రిలీజ్ చేసే 3 ఎపిసోడ్లు చూస్తేనే ఆడియన్స్‌కి షో కాన్సెప్ట్ ఏంటో పూర్తి క్లారిటీ వస్తుందని స్పష్టం చేశారు.
ఏడేళ్ల చిన్నపిల్లల నుంచి పెద్దల వరకు అందరినీ ఆకట్టుకునేలా ఈ షో ఉంటుందని, గ్లోబల్ లెవెల్లో పిల్లల్లో ఈ ఫ్రాంచైజ్‌కి హ్యూజ్ ఫ్యాన్ బేస్ ఉందని తేజ సజ్జా వివరించారు. ఎస్ఓఎల్ ప్రొడక్షన్ (SOL Production) నిర్మించిన ఈ రియాలిటీ షో అక్టోబర్ 15 నుంచి ప్రతీ గురువారం మధ్యాహ్నం 12 గంటలకు ప్రైమ్ వీడియోలో స్ట్రీమింగ్ కానుంది.
