Toxic Tickets: టాక్సిక్ టికెట్ల రేట్లు పెంచుకోండి.. కానీ రూ. కోటి ఇవ్వాల్సిందే: తెలంగాణ ప్రభుత్వం జీవో

Toxic Tickets Rate Hike In Telangana: తెలంగాణలోనూ టాక్సిక్ మూవీ టికెట్ల ధరలు భారీగా పెరిగాయి. అంతేకాదు రోజుకు ఐదు షోల పాటు ప్రదర్శించే అవకాశం కూడా కల్పించారు. అయితే మూవీ ప్రొడ్యూసర్స్ కచ్చితంగా కార్మికుల సంక్షేమం కోసం రూ.కోటి ఇవ్వాల్సిందేనన్న నిబంధన విధించారు.

Toxic Tickets Rate Hike In Telangana: రాకింగ్ స్టార్ యశ్ మోస్ట్ ఎవైటెడ్ పాన్ ఇండియా యాక్షన్ థ్రిల్లర్ 'టాక్సిక్: ఎ ఫెయిరీ టేల్ ఫర్ గ్రోన్-అప్స్' (Toxic: A Fairy Tale for Grown-Ups) రిలీజ్‌కు కౌంట్‌డౌన్ స్టార్ట్ అయింది. ఆగస్ట్ 26న ప్రపంచవ్యాప్తంగా గ్రాండ్‌గా థియేటర్లలోకి వస్తున్న ఈ సినిమాకు తెలంగాణ ప్రభుత్వం పెద్ద ఊరట ఇచ్చింది. తెలంగాణలో 'టాక్సిక్' సినిమా టికెట్ ధరలు పెంచుకోవడానికి అనుమతినిస్తూ రేవంత్ రెడ్డి సర్కార్ అఫీషియల్ జీవో జారీ చేసింది.

10 రోజుల పాటు పెరిగిన టికెట్ రేట్లు.. కొత్త ధరల వివరాలు ఇవే

Toxic Tickets: టాక్సిక్ టికెట్ల రేట్లు పెంచుకోండి.. కానీ రూ. కోటి ఇవ్వాల్సిందే: తెలంగాణ ప్రభుత్వం జీవో

తెలంగాణ ప్రభుత్వ జీవో ప్రకారం.. టాక్సిక్ మూవీ కోసం ఆగస్ట్ 26 నుంచి సెప్టెంబర్ 4 వరకు పది రోజుల పాటు పెంచిన టికెట్ ధరలు అమల్లో ఉంటాయి. సింగిల్ స్క్రీన్స్, మల్టీప్లెక్స్‌లు, స్పెషల్ థియేటర్లలో జీఎస్టీతో కలిపి ఈ పెంపు వర్తిస్తుంది.

సింగిల్ స్క్రీన్ థియేటర్లలో టికెట్‌పై రూ. 50 అదనంగా పెంచుకోవడానికి పర్మిషన్ ఇచ్చారు. దీంతో సింగిల్ స్క్రీన్స్ రేటు రూ. 227 కి చేరింది. ఇక మల్టీప్లెక్స్‌లు, స్పెషల్ స్క్రీన్స్‌లలో టికెట్‌పై రూ. 100 వరకు పెంచుకోవచ్చు. దీంతో మల్టీప్లెక్స్ టికెట్ ధర రూ. 395 గా మారింది. హైదరాబాద్ తో పాటు తెలంగాణ వ్యాప్తంగా బుకింగ్స్ త్వరలోనే ఓపెన్ కానున్నాయి.

రోజుకు 5 షోలకు అనుమతి.. సినీ కార్మికుల సంక్షేమానికి రూ. కోటి

టికెట్ రేట్ల పెంపుతో పాటు తెలంగాణలో రోజుకు 5 రెగ్యులర్ షోలు ప్రదర్శించడానికి థియేటర్లకు ప్రభుత్వం గ్రీన్ సిగ్నల్ ఇచ్చింది. దీనివల్ల తొలి రోజు నుంచే భారీగా కలెక్షన్లు రాబట్టే అవకాశం ఈ సినిమాకు దక్కింది.

అలాగే జీవోలో ఒక ప్రత్యేక కండిషన్ కూడా విధించారు. నిర్మాతలు కేవీఎన్ ప్రొడక్షన్స్ (KVN Productions), మాన్‌స్టర్ మైండ్ క్రియేషన్స్ (Monster Mind Creations LLP) కలిసి తెలుగు ఫిలిం ఇండస్ట్రీ ఎంప్లాయీస్ వెల్ఫేర్ కమిటీ అకౌంట్‌కు రూ. కోటి విరాళంగా జమ చేయాలని ఆదేశించారు. సినీ కార్మికుల సంక్షేమానికి ఈ ఫండ్ ఉపయోగపడనుంది.

'కేజీఎఫ్ 2' లాంటి ఆల్-టైమ్ ఇండస్ట్రీ హిట్ తర్వాత యశ్ నటిస్తున్న గ్లోబల్ ప్రాజెక్ట్ కావడంతో 'టాక్సిక్' పై ప్రపంచవ్యాప్తంగా విపరీతమైన అంచనాలు నెలకొన్నాయి. నేషనల్ అవార్డ్ విన్నింగ్ డైరెక్టర్ గీతూ మోహన్‌దాస్ ఈ సినిమాను విభిన్నమైన డార్క్ యాక్షన్ డ్రామాగా తెరకెక్కించారు.

ఈ సినిమాలో సౌత్ అండ్ నార్త్ ఇండస్ట్రీలకు చెందిన స్టార్ హీరోయిన్లు నటిస్తున్నారు. కియారా అద్వానీ, నయనతార, హుమా ఖురేషి, తారా సుతారియా, రుక్మిణి వసంత్ వంటి క్రేజీ కాస్టింగ్ ఈ ప్రాజెక్ట్‌కు ప్రధాన ఆకర్షణగా నిలవనుంది. 'యాక్షన్ థ్రిల్లర్' బ్యాక్‌డ్రాప్‌లో వస్తున్న ఈ సినిమా బాక్సాఫీస్ దగ్గర నయా రికార్డులు సృష్టిస్తుందని ట్రేడ్ వర్గాలు భావిస్తున్నాయి.