E-Paper
TV Actor: తమన్నాను పెళ్లి చేసుకున్న టీవీ సీరియల్ నటుడు.. రూమర్లకు చెక్.. ఇన్‌స్టాగ్రామ్‌లో ఫొటోలు వైరల్
TV Actor: టీవీ సీరియల్ నటుడు మోహ్‌సిన్ ఖాన్, తమన్నా పెళ్లి ఇప్పుడు హాట్ టాపిక్ గా మారింది. వీళ్ల పెళ్లి ఫొటోలు ఇంటర్నెట్ లో వైరల్ అవుతున్నాయి. ఇద్దరూ కలిసి డ్యాన్స్ చేసిన వీడియోలు కూడా ఉన్నాయి.
Prefer HTon Google
TV Actor: పాపులర్ హిందీ టీవీ యాక్టర్, 'యే రిష్తా క్యా కెహలాతా హై' ఫేమ్ మోహ్‌సిన్ ఖాన్ (Mohsin Khan) ఫ్యాన్స్‌కి బిగ్ సర్ ప్రైజ్ ఇచ్చారు. తన లాంగ్‌టైమ్ లవర్ తమన్నా (Tamanna) తో సైలెంట్‌గా ఏడడుగులు వేసి ఒకటయ్యారు. సోషల్ మీడియాలో తన వెడ్డింగ్ పిక్స్ షేర్ చేయడంతో నెటిజన్స్, అభిమానులు ఈ కొత్త జంటకి పెద్ద ఎత్తున విషెస్ తెలియజేస్తున్నారు.
మోహ్‌సిన్ ఖాన్ సీక్రెట్ వెడ్డింగ్.. ‘ది డే మాషా అల్లా’
ఆగస్టు నెలలోనే ఈ క్యూట్ కపుల్ నిశ్చితార్థం చాలా సింపుల్‌గా జరిగింది. ఇప్పుడు రీసెంట్‌గా కుటుంబ సభ్యులు, అత్యంత సన్నిహితుల సమక్షంలో వీరి వివాహ వేడుక అత్యంత గ్రాండ్‌గా ముగిసింది. ఇన్‌స్టాగ్రామ్ వేదికగా తన పెళ్లికి సంబంధించిన ఒక కలర్‌ఫుల్ పిక్‌ను మోహ్‌సిన్ పోస్ట్ చేశారు.
ఈ పిక్‌కి “ది డే, మాషా అల్లా” అంటూ క్యాప్షన్ ఇచ్చి హంజా మాలిక్, జైన్ జోహైబ్ పాడిన పాకిస్థానీ ఫేమస్ సాంగ్ 'అల్ఫాజ్'ను బ్యాక్‌గ్రౌండ్ మ్యూజిక్‌గా యాడ్ చేశారు. ఇందులో మోహ్‌సిన్ వైట్ అండ్ బ్లాక్ టక్సేడోలో రాయల్ లుక్‌లో కనిపిస్తే, తమన్నా పీచ్ కలర్ అనార్కలీ సూట్ అండ్ మ్యాచింగ్ స్కర్ట్‌లో పిచ్ కలర్‌ఫుల్‌గా మెరిసిపోయారు.
బాలీవుడ్ పాటలకి క్రేజీ డ్యాన్సులు.. వీడియోలు వైరల్
పెళ్లి వేడుకకు సంబంధించిన కొన్ని క్యూట్ వీడియోలు సోషల్ మీడియాలో ప్రస్తుతం తెగ ట్రెండ్ అవుతున్నాయి. భార్యాభర్తలుగా మారిన తర్వాత మోహ్‌సిన్, తమన్నా కలిసి చేసిన ఫస్ట్ డ్యాన్స్ వేడుకకే ప్రత్యేక ఆకర్షణగా నిలిచింది.
షారుఖ్ ఖాన్ లీడ్ రోల్లో వచ్చిన సూపర్ హిట్ మూవీ 'రా వన్'లోని "ఛమ్మక్ ఛల్లో", 'దిల్‌వాలే' లోని "జనమ్ జనమ్" పాటలకు ఈ జంట ఎంతో రొమాంటిక్‌గా డ్యాన్స్ చేశారు. ఒకరి కళ్లలోకి ఒకరు చూసుకుంటూ వీరు చేసిన ఈ డ్యాన్స్ వీడియోలు ఫ్యాన్స్ మనసులను దోచుకుంటున్నాయి.
'కార్తీక్' పాత్రతో ఇంటింటికీ పరిచయమైన మోహ్‌సిన్
2014లో 'లవ్ బై ఛాన్స్' అనే టీవీ షో ద్వారా మోహ్‌సిన్ ఖాన్ తన యాక్టింగ్ కెరీర్ స్టార్ట్ చేశారు. ఆ తర్వాత 'నిషా ఉస్కే కజిన్స్', 'డ్రీమ్ గర్ల్' లాంటి సీరియల్స్ చేసి మంచి గుర్తింపు తెచ్చుకున్నారు.
అయితే ఆయన కెరీర్‌ను మలుపు తిప్పిన ప్రాజెక్ట్ మాత్రం స్టార్ ప్లస్ హిట్ సీరియల్ 'యే రిష్తా క్యా కెహలాతా హై'. ఇందులో కార్తీక్ గోయెంకా క్యారెక్టర్‌లో మోహ్‌సిన్ అద్భుతంగా నటించారు. నటి శివాంగి జోషి (నైరా) తో ఆయన ఆన్-స్క్రీన్ కెమిస్ట్రీ దేశవ్యాప్తంగా విపరీతమైన పాపులారిటీ సంపాదించిపెట్టింది.
2021లో ఈ షో నుంచి బయటకు వచ్చిన తర్వాత, ఈషా సింగ్‌తో కలిసి 'జబ్ మిలా తూ' అనే హిట్ వెబ్ సిరీస్‌లో మెరిశారు. ఇప్పుడు సడన్‌గా పెళ్లి పిక్స్ వదలడంతో బుల్లితెర సెలబ్రిటీలు, ఫ్యాన్స్ ఈ కొత్త జంటకు సోషల్ మీడియాలో శుభాకాంక్షలు తెలుపుతున్నారు.
