E-Paper
Vijay Deverakonda: నా నమ్మకం వాడికి బలుపులా అనిపిస్తే తగ్గాలా.. నేనింట్లో కూసోవాలా: ట్రోల్స్‌కు విజయ్ మార్క్ ఘాటు రిప్లై
Vijay Deverakonda: విజయ్ దేవరకొండ తనపై వస్తున్న ట్రోల్స్ కు తనదైన స్టైల్లో ఘాటు రిప్లై ఇచ్చారు. రణబాలి ట్రైలర్ లాంచ్ ఈవెంట్లో మీడియా అడిగిన ప్రశ్నకు స్పందిస్తూ.. తాను మారనని, ట్రోల్స్ చేసేవాళ్లే మారాలని స్పష్టం చేశారు.
Prefer HTon Google
Vijay Deverakonda: రౌడీ హీరో విజయ్ దేవరకొండ తనపై వస్తున్న డిజిటల్ నెగెటివిటీపై, ఆన్‌లైన్ పేయిడ్ ట్రోల్స్‌పై తీవ్ర స్థాయిలో విరుచుకుపడ్డారు. రాహుల్ సాంకృత్యన్ దర్శకత్వంలో తెరకెక్కిన తన లేటెస్ట్ పీరియాడిక్ మాస్ ఎపిక్ 'రణబాలి' (Ranabaali) ట్రైలర్ లాంచ్ ఈవెంట్లో మాట్లాడిన విజయ్.. సూపర్‌స్టార్ రజనీకాంత్ 'జైలర్ 2' (Jailer 2) సినిమాతో వస్తున్న బాక్సాఫీస్ క్లాష్‌పై, సోషల్ మీడియాలో జరుగుతున్న పేయిడ్ ప్రచారాలపై సంచలన వ్యాఖ్యలు చేశారు.
“నేను మారను.. ట్రోల్స్ చేసేవాళ్లే మారాలి!”
ఆన్‌లైన్‌లో తనపై వస్తున్న హేట్ కామెంట్స్‌పై మీడియా అడిగిన ప్రశ్నకు విజయ్ చాలా ఇంటెన్స్‌గా స్పందించారు. "నా కలలు, నా కష్టం అనవసరం అని ఎవరో అనుకున్నంత మాత్రాన నేను ఆపేయాలా? నా నిజాయితీని పొగరు అని భావిస్తే నేను నటించడం స్టార్ట్ చేయాలా? నా కాన్ఫిడెన్స్‌ను బలుపు అనుకుంటే నేను వెనక్కి తగ్గాలా? నా సక్సెస్ జర్నీని కొందరు జీర్ణించుకోలేకపోతే నేను ఇంట్లో కూర్చోవాలా?" అంటూ ఘాటుగా ప్రశ్నించారు.
తాను ఎవరి కోసమో తన ఆటిట్యూడ్ మార్చుకునే ప్రసక్తే లేదని, మారాల్సింది ట్రోల్స్ చేసే వాళ్లేనని రౌడీ హీరో కుండబద్దలు కొట్టారు. జనాలు ఇతరులను తొక్కేయడానికి టైమ్ వేస్ట్ చేసే బదులు, తమ ఫ్యామిలీస్ బాగుపడటానికి ఆ టైమ్‌ను ఉపయోగిస్తే బాగుంటుందని, తానైతే ఇతరుల సక్సెస్ స్టోరీలను చాలా ఎంజాయ్ చేస్తానని సూచించారు.
"90 శాతం నెగెటివిటీ పేయిడ్ ప్రచారమే!"
సూపర్‌స్టార్ రజనీకాంత్, నెల్సన్ దిలీప్‌కుమార్ కాంబోలో వస్తున్న 'జైలర్ 2' అక్టోబర్ 15న, విజయ్ దేవరకొండ 'రణబాలి' అక్టోబర్ 16న గ్రాండ్‌గా థియేటర్లలోకి రాబోతున్నాయి. ఈ బాక్సాఫీస్ క్లాష్‌ను పాయింట్ అవుట్ చేస్తూ సోషల్ మీడియాలో జరుగుతున్న రచ్చపై విజయ్ సీరియస్ అయ్యారు.
"ఇది నిజమైన ద్వేషం కాదు, 90 శాతం ఫేక్ ప్రచారం. తెలుగు సినిమా అయిన రణబాలిని పక్కన పెట్టి జైలర్ 2 చూస్తామని ఒకే టైమ్‌లో వరుసగా రీల్స్ దించుతున్నారంటే అది కచ్చితంగా పెయిడ్ బ్యాచ్ పనే" అని విజయ్ మండిపడ్డారు. ఈ రోజు డబ్బులు ఇచ్చి చేయిస్తున్న ఈ దాడిని రేపు ఆర్టిఫిషియల్ ఇంటెలిజెన్స్ (AI) చేసేస్తుందని, డబ్బులు ఇచ్చేవాడు ఆపగానే ఈ ట్రోలింగ్ కూడా ఆగిపోతుందని హెచ్చరించారు.
ఇక అంతకుముందు ఇదే ఈవెంట్ లో ప్రొడ్యూసర్ రవిశంకర్ గురించి దీనిపై స్పందించారు. విజయ్ చాలా మంచోడని, ఇప్పటికైనా అలాంటి నెగటివ్ ట్రోల్స్ ఆపేయాలని సూచించారు.
'టాక్సీవాలా' కాంబో రీ-యూనియన్.. బాక్సాఫీస్ దగ్గర దసరా వార్
2018లో వచ్చిన సూపర్ హిట్ 'టాక్సీవాలా' తర్వాత డైరెక్టర్ రాహుల్ సాంకృత్యన్, విజయ్ దేవరకొండ కాంబినేషన్‌లో వస్తున్న రెండో సినిమా 'రణబాలి'. విజయ్ సరసన రష్మిక మందన్న జయమ్మ పాత్రలో నటిస్తుండటంతో ఈ ప్రాజెక్ట్‌పై భారీ అంచనాలు ఉన్నాయి.
మరోవైపు రజనీకాంత్ బ్లాక్‌బస్టర్ సీక్వెల్ 'జైలర్ 2' కూడా కేవలం ఒక్క రోజు తేడాతో వస్తుండటంతో దసరా రేసులో సౌత్ బాక్సాఫీస్ దగ్గర బిగ్గెస్ట్ వార్ నడవనుంది. రెండు సినిమాలు తమిళ, తెలుగుతో పాటు అన్ని దక్షిణాది భాషల్లో, హిందీలో భారీగా రిలీజ్ అవుతుండటంతో థియేటర్ల దగ్గర పోటీ ఆసక్తికరంగా మారనుంది.
