E-Paper
Vijay Deverakonda: పాత ఫోన్ పని చేస్తున్నప్పుడు కొత్త ఐఫోన్ అవసరమా.. ఎవరినో మెప్పించడానికి ఈఎంఐలపై కొనొద్దు: విజయ్ సూచన
Vijay Deverakonda: ఐఫోన్ లేటెస్ట్ మోడల్స్ ను కొనడంపై విజయ్ దేవరకొండ చేసిన కామెంట్స్ వైరల్ అవుతున్నాయి. ఎవరినో మెప్పించడానికి ఈఎంఐలపై కొత్త మోడల్స్ కొనడాన్ని విజయ్ తప్పుబట్టారు. యువతకు ఓ మంచి మెసేజ్ ఇచ్చారు.
Prefer HTon Google
Vijay Deverakonda: రౌడీ హీరో విజయ్ దేవరకొండ లేటెస్ట్‌గా చేసిన కొన్ని ఇంట్రెస్టింగ్ కామెంట్స్ ఇప్పుడు సోషల్ మీడియాలో విపరీతంగా వైరల్ అవుతున్నాయి. మార్కెట్‌లోకి కొత్తగా వచ్చిన 'ఐఫోన్ 18 ప్రో' (iPhone 18 Pro) కొనకుండా, ఇప్పటికీ పాత ఐఫోన్ మోడల్‌నే వాడుతున్నట్లు విజయ్ రివీల్ చేశారు. కేవలం ఇతరులను ఇంప్రెస్ చేయడం కోసం ఈఎంఐలు (EMIs) పెట్టి మరీ కొత్త ఫోన్లు కొనే ట్రెండ్‌పై ఆయన స్పందిస్తూ యూత్‌కు గట్టి మెసేజ్ ఇచ్చారు.
ఐఫోన్ 18 ప్రో అక్కర్లేదు.. పాత ఫోనే బెస్ట్
ఇటీవల ఒక ఇంటర్వ్యూలో మాట్లాడిన విజయ్ దేవరకొండ.. ఫోన్ల టెక్నాలజీ పిచ్చిపై ఓపెన్‌గా మాట్లాడారు. మార్కెట్‌లో ప్రతీ ఏటా కొత్త ఆపిల్ మోడల్స్ వస్తూనే ఉంటాయని, అయితే పాత ఫోన్ పర్ఫెక్ట్‌గా పనిచేస్తున్నప్పుడు లక్షలు పోసి కొత్తది కొనాల్సిన అవసరం లేదని తేల్చి చెప్పారు.
క్రికెట్ లెజెండ్ విరాట్ కోహ్లీ (Virat Kohli) కూడా పాత ఐఫోన్ మోడల్స్‌నే చాలా కాలం పాటు వాడటం మనం చూశాం. సేమ్ అలాగే తను కూడా టెక్నాలజీ విషయంలో అనవసరమైన హంగామా చేయనని, ఇప్పటికీ పాత మోడల్ ఐఫోన్‌తోనే మేనేజ్ చేస్తున్నట్లు విజయ్ క్లారిటీ ఇచ్చారు.
ఈఎంఐల సంస్కృతిపై విజయ్ సంచలన వ్యాఖ్యలు
సొసైటీలో కొందరు కేవలం షోఆఫ్ కోసం, అందరి ముందు గొప్పలకు పోయి క్రెడిట్ కార్డులు, ఈఎంఐల ద్వారా లేటెస్ట్ ఐఫోన్లు కొంటున్నారని విజయ్ అసహనం వ్యక్తం చేశారు. "మన దగ్గర ఉన్న పాత వర్షన్ ఫోన్ చాలా బాగా పనిచేస్తున్నప్పుడు, కేవలం పక్కవారిని మెప్పించడానికి అప్పులు చేసి కొత్త మోడల్ కొనడం ఏంటి?" అని ఆయన ప్రశ్నించారు.
డబ్బును సరిగ్గా మేనేజ్ చేయడం, అవసరాలకు మాత్రమే ఖర్చు పెట్టడం ఎంత ముఖ్యమో యూత్ తెలుసుకోవాలని విజయ్ హితవు పలికారు. రియల్ లైఫ్‌లో ప్రాక్టికల్‌గా ఆలోచించడం అలవాటు చేసుకోవాలని, అనవసరమైన క్రేజ్ కోసం జేబులు ఖాళీ చేసుకోవద్దని సలహా ఇచ్చారు.
విజయ్ దేవరకొండ లైనప్.. నెక్స్ట్ బాక్సాఫీస్ టార్గెట్!
'అర్జున్ రెడ్డి', 'గీత గోవిందం' సినిమాలతో యూత్‌లో విపరీతమైన క్రేజ్ సొంతం చేసుకున్న విజయ్ దేవరకొండ.. ప్రస్తుతం డిఫరెంట్ కాన్సెప్ట్ సినిమాలతో బిజీగా ఉన్నారు. ప్రస్తుతం రణబాలి మూవీ రిలీజ్ కోసం వేచి చూస్తున్నారు. ఈ సినిమా అక్టోబర్ 16న ప్రపంచవ్యాప్తంగా రిలీజ్ కానుంది.
ఈ పీరియాడిక్ యాక్షన్ థ్రిల్లర్ మూవీలో తన భార్య రష్మికతో కలిసి విజయ్ నటించాడు. భారీ అంచనాల మధ్య రిలీజైన కింగ్డమ్ బాక్సాఫీస్ దగ్గర బోల్తా పడటంతో ఈ రణబాలిపై విజయ్ భారీ ఆశలే పెట్టుకున్నారు. అయితే ఈ సినిమాకు రజనీకాంత్ జైలర్ 2 నుంచి గట్టి పోటీ ఎదురు కానుంది. మరి పెళ్లి తర్వాత విజయ్, రష్మిక కలిసి నటించిన ఈ తొలి సినిమా ఎంత వరకూ సక్సెస్ అవుతుందో చూడాలి.
