Bathukamma Song 2026 : కొత్త బతుకమ్మ పాట లిరిక్స్.. పూలు తేవడం నుంచి సాగనంపేదాకా

తెలంగాణలో అక్టోబర్ 10వ తేదీ నుంచి 18వ తేదీ వరకు బతుకమ్మ పండుగ సంబరాలు ఉంటాయి. ఈ సమయంలో పల్లెల్లో ఆడపడుచులు పడే బతుకమ్మ పాటలు గుండెను తాకేలా అనిపిస్తాయి. మీకోసం HT Telugu బతుకమ్మ పాటను తీసుకొచ్చింది. లిరిక్స్ చూసుకోండి.

ఓ దేవి గౌరమ్మ.. శ్రీదేవి గౌరమ్మ.. ఉయ్యాలో

బతుకమ్మ పాట

మా ఇంటి ముంగిట్లోకి మళ్లీ వచ్చినావా.. ఉయ్యాలో

రంగురంగుల పూల చీర గట్టి.. ఉయ్యాలో

తెలంగాణ నేలంతా వెలుగులు నింపినావా.. ఉయ్యాలో

వాగుల వంకల్లో వాలిన వానలకు.. ఉయ్యాలో

చేల గట్ల పొంటి పూసిన పూలన్నీ.. ఉయ్యాలో

గునుగు, తంగేడు, సన్నజాజులు తెచ్చి.. ఉయ్యాలో

గుమ్మడి, చామంతులు కోసి.. ఉయ్యాలో

తంబాలంపైన ముచ్చటగ పేర్చి.. ఉయ్యాలో

ఏడు రంగుల హరివిల్లులా తీర్చి.. ఉయ్యాలో

అత్తవారింటి నుంచి వచ్చిన పిల్లలు.. ఉయ్యాలో

పుట్టింటి ఆత్మీయత నెమరేసుకుంటూ.. ఉయ్యాలో

పట్టుకోకలు కట్టి, పసుపు పారాణితో.. ఉయ్యాలో

చేతి గాజుల చప్పుడు ముంగిట నిండంగ.. ఉయ్యాలో

అక్కాచెల్లెళ్లంతా ఒకటై కలసి.. ఉయ్యాలో

వలయంగా తిరుగుతూ పాటలు పాడంగ.. ఉయ్యాలో

పసుపుతో గౌరమ్మ ముద్దను చేసి.. ఉయ్యాలో

కుంకుమ బొట్టు పెట్టి కొలిచెదమమ్మా.. ఉయ్యాలో

సత్తుపిండి, పప్పుబెల్లం నైవేద్యం తెచ్చి.. ఉయ్యాలో

భక్తితో నీ పాద పద్మాలు మొక్కంగ.. ఉయ్యాలో

పంటలు బాగా పండి పైర్లు పచ్చగ ఉండాలి.. ఉయ్యాలో

రైతన్న ఇళ్లల్లో సిరులు నిండాలమ్మా.. ఉయ్యాలో

పొద్దు గుంకే వేళ ఊరంతా కలిసి.. ఉయ్యాలో

తాంబూల బతుకమ్మ నెత్తిన ఎత్తుకొని.. ఉయ్యాలో

చెరువు గట్టుకు చేరి పూజలే చేసి.. ఉయ్యాలో

"పోయిరా గౌరమ్మ.. మళ్లీ ఏటికి రమ్మా".. ఉయ్యాలో

అంటూ సాగనంపే వేళ.. ఉయ్యాలో

మా అందరి చల్లగా కాపాడు గౌరమ్మ.. ఉయ్యాలో!