Cars discounts : జీఎస్టీ తగ్గింపుతో పాటు పండుగ డిస్కౌంట్లు- అతి తక్కువ ధరకు కియా బెస్ట్​ సెల్లింగ్​ కార్లు..

కార్ల కొనుగోలుకు ఇదే సరైన సమయం! తమ కార్లపై భారీ తగ్గింపులను ప్రకటించింది ఆటోమొబైల్​ సంస్థ. రూ. 1.60 లక్షల వరకు ఆఫర్లు లభిస్తున్నాయి. పూర్తి వివరాలను ఇక్కడ తెలుసుకోండి..

దేశంలో పండుగ సీజన్​ సందడి కొనసాగుతోంది. మరీ ముఖ్యంగా ఆటోమొబైల్​ రంగంలో ఇది స్పష్టంగా కనిపిస్తోంది. భారతీయులు సొంత వాహనాలను కొనేందుకు ఎగబడుతున్నారు. అదే సమయంలో ఈ సీజన్‌ను సొమ్ము చేసుకోవడానికి, కార్ల తయారీదారులు తమ అమ్మకాలను పెంచుకునేందుకు చురుకుగా పనిచేస్తున్నారు. జీఎస్టీ తగ్గింపుతో పాటు తమ బెస్ట్​ సెల్లింగ్​ వాహనాలపై వివిధ ఆఫర్లు, డిస్కౌంట్లను ప్రకటిస్తున్నాయి. తాజాగా ఈ జాబితాలోకి కియా మోటార్స్​ సైతం చేసింది. తన ప్రసిద్ధ మోడళ్లైన సైరోస్, సోనెట్, సెల్టోస్ సహా ఇతర కార్లపై రూ. 1.60 లక్షల వరకు ప్రయోజనాలను ప్రకటించింది. ఆ వివరాలను ఇక్కడ తెలుసుకుందాము..

ఈ కియా వాహనాలపై పండుగ డిస్కౌంట్లు..

కియా సోనెట్..

కియా సైరోస్​..

కియా సోనెట్ కారుపై దీపావళి ఆఫర్ల కింద మొత్తం రూ. 1,02,700 వరకు ప్రయోజనాలు అందుబాటులో ఉన్నాయి. సోనెట్ ధరలు రూ. 7,30,138 నుంచి ప్రారంభమవుతాయి.

కియా సైరోస్​..

కియా సైరోస్ ఎస్​యూవీలో 1.0-లీటర్ టర్బో పెట్రోల్ ఇంజిన్ ఉంది. ఇది 118 బీహెచ్‌పీ పవర్​ని, 172 ఎన్ఎమ్ గరిష్ట టార్క్‌ను ఉత్పత్తి చేస్తుంది. అలాగే, ఇందులో 1.5-లీటర్ డీజిల్ ఇంజిన్ ఆప్షన్​ కూడా ఉంది. ఈ డీజిల్ ఇంజిన్ 113 హెచ్‌పీ పవర్​ని, 250 ఎన్ఎమ్ గరిష్ట టార్క్‌ను అందిస్తుంది. ఇక ట్రాన్స్‌మిషన్ ఎంపికల విషయానికి వస్తే, ఇందులో 6-స్పీడ్ మాన్యువల్ ట్రాన్స్‌మిషన్, 7-స్పీడ్ డీసీటీ, 6-స్పీడ్ టార్క్ కన్వర్టర్ ఆటోమేటిక్ గేర్‌బాక్స్ వంటివి ఉన్నాయి.

ఈ పండుగ సీజన్ ఆఫర్‌లో, కియా సైరోస్ కొనుగోలు చేయాలనుకునే కస్టమర్‌లు రూ. 1,60,400 వరకు ప్రయోజనాలను పొందవచ్చు! సైరోస్ ధరలు రూ. 8.67 లక్షలు (ఎక్స్-షోరూమ్) నుంచి మొదలవుతాయి.

కియా సెల్టోస్..

హుండాయ్ క్రెటాకు గట్టి పోటీ ఇచ్చే కియా సెల్టోస్ కారు, ఈ పండుగ ఆఫర్‌తో మరింత ఆకర్షణీయంగా మారింది. సెల్టోస్ కొనుగోలుపై రూ. 1.47 లక్షల వరకు ప్రయోజనాలను కంపెనీ అందిస్తోంది. కియా సెల్టోస్ ధరలు రూ. 10.79 లక్షలు (ఎక్స్-షోరూమ్) నుంచి ప్రారంభమవుతాయి.

కియా క్యారెన్స్..

ఇటీవల విడుదలైన కియా క్యారెన్స్ క్లావిస్ కారు ప్రారంభ ధర రూ. 11.18 లక్షలు (ఎక్స్-షోరూమ్)గా ఉంది. అయితే, రూ. 1,41,800 వరకు లభించే పండుగ ప్రయోజనాలతో, ఈ ఎస్‌యూవీ ధర కొంచెం తగ్గుతుంది, కొనుగోలుదారులకు మరింత తక్కువ ధరకే అందుబాటులోకి వస్తుంది.

మరింత సమాచారం కోసం, ఈ ఆఫర్లు, ధరల వివరాలను తెలుసుకోవడానికి మీరు నేరుగా కియా డీలర్‌షిప్‌ను సంప్రదించవచ్చు.