భారతదేశంలో ఎక్కువ మంది కొనుగోలు చేసే కాంపాక్ట్ ఎస్యూవీలలో హ్యుందాయ్ వెన్యూ టాప్లో ఉంటుంది. ఇప్పుడు ఈ మోడల్ ఒక పెద్ద అప్డేట్కు సిద్ధమైంది. రాబోయే 2026 హ్యుందాయ్ వెన్యూ ఫేస్లిఫ్ట్ ఎలాంటి కవర్ లేకుండా రోడ్లపై కనిపించింది. ఈ స్పై షాట్స్లో దాని కొత్త డిజైన్, ఇంటీరియర్ మార్పులు స్పష్టంగా కనిపించాయి. ఇది కేవలం చిన్న మార్పు కాదు, సరికొత్త డిజైన్ (ఫుల్-బ్లోన్ రీడిజైన్) అని చెప్పవచ్చు. ఈ మార్పులతో హ్యుందాయ్ మళ్లీ కాంపాక్ట్ ఎస్యూవీ సెగ్మెంట్లో సవాలు విసరడానికి రెడీ అవుతోంది. ఇప్పటివరకు మనం గమనించిన వివరాలు ఇక్కడ చూద్దాం.
మరింత బోల్డ్ ఎక్స్టీరియర్ డిజైన్
2026 వెన్యూలో హ్యుందాయ్ లేటెస్ట్ డిజైన్ స్పష్టంగా కనిపిస్తోంది.
ముందు భాగం: కారు ముందు వైపు ఇప్పుడు మరింత బోల్డ్గా, చతురస్రాకారంలో మారింది. ఇందులో నిలువు చారలతో కూడిన విశాలమైన గ్రిల్ను ఏర్పాటు చేశారు.
లైటింగ్: నిలువుగా అమర్చిన LED హెడ్లైట్లు, ఆకర్షణీయమైన C- ఆకారపు DRLలు (డేటైమ్ రన్నింగ్ లైట్లు) కొత్త వెన్యూకు ప్రీమియం లుక్ ఇస్తున్నాయి.
రగ్గెడ్ అప్పీల్: సిల్వర్ ఫినిషింగ్తో ఉన్న కొత్త స్కిడ్ ప్లేట్ కారుకు మరింత రగ్గెడ్ (ధృఢమైన) లుక్ను జోడించింది. వెన్యూకు ఉన్న కాంపాక్ట్ బాక్సీ ఆకృతిని అలాగే ఉంచుతూ, పట్టణ, హైవే ప్రయాణాలకు అనువుగా దీనిని డిజైన్ చేశారు.
వెనుక భాగం: ఎస్యూవీ వెనుక భాగంలో సన్నటి LED టెయిల్-ల్యాంప్లు ఉన్నాయి. టెయిల్-గేట్ను కలిపే ఒక స్లీక్ లైట్ బార్ను కూడా ఇచ్చారు. ఇది వెనుక నుంచి చూసినప్పుడు కారు మరింత వెడల్పుగా కనిపిస్తుంది.
ఇతర మార్పులు: కొత్త అల్లాయ్ వీల్స్ డిజైన్లు, కొత్త కలర్ ఆప్షన్లు కూడా వస్తాయి. ఇది కారుకు మరింత ఆధునిక రూపాన్ని ఇస్తుంది.
ఇంటీరియర్, టెక్నాలజీలో పెద్ద అప్గ్రేడ్లు
వెన్యూ ఫేస్లిఫ్ట్లో లోపలి భాగం (ఇంటీరియర్) పూర్తిగా మారిపోయినట్లు కనిపిస్తోంది. టెక్నాలజీ విషయంలో పెద్ద అడుగు ముందుకు వేసింది.
{{/usCountry}}వెన్యూ ఫేస్లిఫ్ట్లో లోపలి భాగం (ఇంటీరియర్) పూర్తిగా మారిపోయినట్లు కనిపిస్తోంది. టెక్నాలజీ విషయంలో పెద్ద అడుగు ముందుకు వేసింది.
{{/usCountry}}డ్యూయల్ స్క్రీన్: డ్యాష్బోర్డ్లో కొత్త డ్యూయల్-స్క్రీన్ సెటప్ ఉండే అవకాశం ఉంది. ఇది 10.2 అంగుళాల ఇన్ఫోటైన్మెంట్ యూనిట్, పూర్తి డిజిటల్ డ్రైవర్ డిస్ప్లే (ఇన్స్ట్రుమెంట్ క్లస్టర్)ను కలిపి ఒకే వంపు తిరిగిన డిస్ప్లేలా ఉండొచ్చు.
ప్రీమియం లుక్: క్యాబిన్లో సాఫ్ట్-టచ్ మెటీరియల్స్, యాంబియంట్ లైటింగ్ వాడకంతో మరింత ప్రీమియం ఫీలింగ్ లభిస్తుంది.
కీలక ఫీచర్లు: వెంటిలేటెడ్ ఫ్రంట్ సీట్లు (చల్లటి గాలి ఇచ్చే సీట్లు), వైర్లెస్ ఫోన్ ఛార్జర్, డ్యూయల్-జోన్ క్లైమేట్ కంట్రోల్ వంటి అధునాతన ఫీచర్లు ఉండే అవకాశం ఉంది.
ADAS భద్రత: అత్యంత ముఖ్యంగా, లెవెల్ 2 ADAS (అడ్వాన్స్డ్ డ్రైవర్ అసిస్టెన్స్ సిస్టమ్) ఫీచర్లు ఇందులో ఉండొచ్చు. అడాప్టివ్ క్రూయిజ్ కంట్రోల్, లేన్-కీప్ అసిస్ట్, అటానమస్ ఎమర్జెన్సీ బ్రేకింగ్ వంటి ఫీచర్లు భద్రతతో పాటు, డ్రైవింగ్ అనుభవాన్ని కూడా మెరుగుపరుస్తాయి.
ఇంజిన్, పనితీరు (పవర్ట్రైన్)
మెకానికల్గా చూస్తే, 2026 వెన్యూ ప్రస్తుతమున్న ఇంజిన్ ఆప్షన్లనే కొనసాగించే అవకాశం ఉంది:
- 1.2-లీటర్ పెట్రోల్ ఇంజిన్ (నాచురల్లీ ఆస్పిరేటెడ్).
- 1.0-లీటర్ టర్బో-పెట్రోల్ ఇంజిన్.
- 1.5-లీటర్ డీజిల్ ఇంజిన్.
అయితే, హ్యుందాయ్ ఈ ఇంజిన్లను మరింత స్మూత్ పెర్ఫార్మెన్స్, మెరుగైన మైలేజ్, తక్కువ శబ్దాలు (NVH) వచ్చేలా ట్యూన్ చేయవచ్చు. ట్రాన్స్మిషన్ ఆప్షన్లలో మాన్యువల్, DCT (డైరెక్ట్-షిఫ్ట్ గేర్బాక్స్) ఉండే అవకాశం ఉంది. ఇది డ్రైవింగ్ ప్రిఫరెన్స్లను బట్టి వినియోగదారులకు ఎంపిక చేసుకునే అవకాశం ఇస్తుంది. పూర్తి వివరాలు అధికారిక లాంచ్ తర్వాత తెలుస్తాయి.
లాంచ్, ధర వివరాలు
రీడిజైన్ చేసిన వెన్యూ నవంబర్ 4న భారత మార్కెట్లో విడుదలయ్యే అవకాశం ఉంది. ధరలు సుమారు ₹8 లక్షలు (ఎక్స్-షోరూమ్) నుంచి మొదలయ్యే అవకాశం ఉంది. ఫీచర్లను బట్టి టాప్ వేరియంట్ల ధర ₹13 లక్షల వరకు ఉండవచ్చు.
ప్రస్తుతం మార్కెట్లో టాటా నెక్సన్, మారుతి బ్రెజ్జా, కియా సోనెట్ వంటి ప్రత్యర్థులు ఇప్పటికే అప్డేట్ అయ్యాయి. కాబట్టి, హ్యుందాయ్ వెన్యూ ఫేస్లిఫ్ట్ తన కొత్త డిజైన్, అత్యాధునిక టెక్నాలజీ, బ్రాండ్పై ఉన్న నమ్మకంతోనే ఈ పోటీని తట్టుకుని నిలబడాల్సి ఉంటుంది.