Messi Live Updates: ప్రశాంతంగా ముగిసిన మెస్సి ఈవెంట్-ఊపిరి పీల్చుకున్న పోలీసులు

శనివారం ఉదయం కోల్ కతాలో ఈవెంట్ లో రచ్చ తర్వాత హైదరాబాద్ లో మెస్సి టూర్ ప్రశాంతంగా ముగిసింది. ఈ ఈవెంట్ సక్సెస్ ఫుల్ అయింది.

హైదరాబాద్ కు రావడం చాలా సంతోషంగా ఉందన్న మెస్సి. ఈ ప్రేమ చూస్తే ఎంతో ఆనందమేస్తోందని పేర్కొన్నాడు.

తెలంగాణ ముఖ్యమంత్రి రేవంత్ రెడ్డి మాట్లాడుతూ.. మెస్సీకి వెల్ కమ్ చెప్పారు.

మెస్సి వర్సెస్ రేవంత్ టీమ్ మ్యాచ్ లో రేవంత్ టీమ్ విజేతగా నిలిచింది. ఈ టీమ్ కు మెస్సి ట్రోఫీ అందించాడు.

మెస్సీతో రేవంత్ రెడ్డి మనవడు ఫుట్ బాల్ ఆడాడు. అది చూసి రేవంత్ మురిసిపోయాడు. ఆ తర్వాత మెస్సీతో ఫొటో కూడా దిగాడు.

గ్రౌండ్ లో చిన్నారులకు మెస్సి ట్రైనింగ్ ఇస్తున్నాడు. బంతిని కిక్ చేస్తూ ఎంటర్ టైన్ చేస్తున్నాడు.

ఉప్పల్ స్టేడియంలో మెస్సి ఈవెంట్ స్ట్రీమింగ్ టెక్నికల్ సమస్య కారణంగా కాసేపు ఆగిపోయింది. ఈ ఈవెంట్ ను సోనీ లివ్ స్ట్రీమింగ్ చేస్తోంది.

స్టాండ్స్ లో ఉన్న ఫ్యాన్స్ కోసం మెస్సి బాల్స్ కిక్ చేశాడు. ఆ బంతులను అందుకునేందుకు ఫ్యాన్స్ పోటీపడ్డారు.

ఫుట్ బాల్ లెజెండ్ మెస్సి గ్రౌండ్లోకి వచ్చాడు.

తెలంగాణ ముఖ్యమంత్రి రేవంత్ రెడ్డి గ్రౌండ్ లోకి రాగానే గోల్ కొట్టాడు.

ఫుట్ బాల్ దిగ్గజం మెస్సీ రాకతో ఉప్పల్ స్టేడియంలో మెస్సీ.. మెస్సీ నామ జపం వినిపిస్తోంది.

సాకర్ మాంత్రికుడు మెస్సి ఉప్పల్ స్టేడియానికి వచ్చాడు. మరోవైపు మెస్సి, రేవంత్ టీమ్స్ మధ్య ఫ్రెండ్లీ మ్యాచ్ సాగుతోంది.

ఫుట్ బాల్ మ్యాచ్ కోసం మెస్సి, సింగరేణి టీమ్స్ గ్రౌండ్ లోకి అడుగుపెట్టాయి. త్వరలోనే మ్యాచ్ స్టార్ట్ కానుంది.

బాయిలోనా బల్లి పలికే, రారా రక్కమ్మ లాంటి సాంగ్స్ తో ఉప్పల్ స్టేడియాన్ని ఉపేసింది మంగ్లీ.

తెలంగాణ పాపులర్ సింగర్ మంగ్లీ తన పాటలతో ఉప్పల్ స్టేడియంలో జోష్ తెచ్చింది. రేలారే రేలారే, ఎల్లమ్మ పాటలతో అదరగొట్టింది.

మెస్సి కోసం సాంగ్ ను డెడికేట్ చేసింది తెలంగాణ ప్రభుత్వం. ఆ సాంగ్ కు స్టేడియంలోని ఫ్యాన్స్ స్టెప్పులేశారు.

తాజ్ ఫలక్ నూమా ప్యాలెస్ లో ఫుట్ బాల్ స్టార్ లియొనెల్ మెస్సీని తెలంగాణ సీఎం రేవంత్ రెడ్డి కలిశారు.

హైదరాబాద్ చేరుకున్న మెస్సి ఇప్పుడు తాజ్ ఫలక్ నూమా ప్యాలెస్ లో ఉన్నాడు. అక్కడ ఫ్యాన్స్ తో మాట్లాడుతున్నాడు. రూ.10 లక్షలు పెట్టి మెస్సీతో ఫొటో దిగే అవకాశం దక్కించుకున్న ఫ్యాన్స్ అక్కడున్నారు.

గోట్ టూర్ లో భాగంగా హైదరాబాద్ లో మెస్సీ ఈవెంట్ కోసం కాంగ్రెస్ అగ్రనేత రాహుల్ గాంధీ ఇక్కడికి చేరుకున్నారు. సీఎం రేవంత్ వెళ్లి ఆహ్వానం పలికారు.

కోల్ కతాలో ఘటన నేపథ్యంలో హైదరాబాద్ లో మెస్సి టూర్ కోసం ఇక్కడి పోలీసులు కట్టుదిట్టమైన చర్యలు చేపట్టారు. 4 వేల మంది పోలీసులను మోహరించినట్లు రాచకొండ పోలీస్ కమీషనర్ సుధీర్ బాబు తెలిపారు.

ఫుట్ బాల్ స్టార్ లియోనెల్ మెస్సి హైదరాబాద్ చేరుకున్నాడు. ప్రత్యేక విమానంలో అతను శంషాబాద్ ఎయిర్ పోర్ట్ కు వచ్చాడు.