వీసా జాప్యం వేళ శుభవార్త: ప్రాడిజీ ఫైనాన్స్ స్ప్రింగ్ లోన్ దరఖాస్తులు ప్రారంభం

అమెరికా, ఆస్ట్రేలియా వీసాల ఆలస్యంతో విదేశీ విద్యకు దూరమవుతున్న విద్యార్థులకు ప్రాడిజీ ఫైనాన్స్ ఊరటనిచ్చింది. విద్యార్థులు వీసా, ఫండింగ్ సమస్యలు లేకుండా ముందే ప్లాన్ చేసుకునేలా స్ప్రింగ్ ఇన్ టేక్ అప్లికేషన్లను సెప్టెంబరు 1 నుంచే అందుబాటులోకి తీసుకొచ్చింది.

లండన్, సెప్టెంబరు 26: ఉన్నత చదువుల కోసం విదేశాలకు వెళ్లాలనుకునే అంతర్జాతీయ విద్యార్థులకు వీసా జాప్యం పెద్ద నిరాశను మిగులుస్తోంది. ఈ ఏడాది ఫాల్ (Fall) సీజన్‌లో చాలామంది భారతీయ విద్యార్థులు వీసా అపాయింట్‌మెంట్లు లభించక, ప్రాసెసింగ్ ఆలస్యమై తమ చదువులను వాయిదా వేసుకోవాల్సి వచ్చింది. ఈ నేపథ్యంలో విద్యార్థులకు ఊరటనిస్తూ ప్రముఖ విదేశీ విద్యా రుణాల సంస్థ 'ప్రాడిజీ ఫైనాన్స్' (Prodigy Finance) కీలక నిర్ణయం తీసుకుంది. స్ప్రింగ్ (Spring) ఇన్ టేక్ కోసం విద్యా రుణాల దరఖాస్తులను నిర్దేశిత సమయం కంటే ముందే అందుబాటులోకి తీసుకొచ్చింది.

వీసా జాప్యం వేళ శుభవార్త: ప్రాడిజీ ఫైనాన్స్ స్ప్రింగ్ లోన్ దరఖాస్తులు ప్రారంభం

విద్యార్థులకు ముందస్తు అవకాశం

విద్యార్థులు తమ విశ్వవిద్యాలయాల నుంచి అవసరమైన డాక్యుమెంట్లు పొంది, వీసా ప్రక్రియను సకాలంలో పూర్తి చేసుకునేలా ఈ నిర్ణయం తీసుకున్నారు. సెప్టెంబరు 1, 2026 నుంచే స్ప్రింగ్ ఇన్ టేక్ అప్లికేషన్లు ప్రారంభమయ్యాయి. ఫాల్ సీజన్ దరఖాస్తులను వాయిదా (Defer) వేసుకున్న వారికి, అలాగే కొత్తగా స్ప్రింగ్ సీజన్‌కు దరఖాస్తు చేసుకునే వారికి సమాన ప్రాధాన్యం ఇస్తున్నట్లు సంస్థ స్పష్టం చేసింది.

పూచీకత్తు లేకుండానే 2,20,000 డాలర్ల రుణం

ప్రాడిజీ ఫైనాన్స్ ద్వారా అర్హులైన విద్యార్థులు ఎటువంటి పూచీకత్తు (Collateral) లేదా గ్యారెంటర్ (Co-signer) లేకుండానే 2,20,000 అమెరికన్ డాలర్ల (USD) వరకు రుణం పొందవచ్చు. విద్యార్థులు చదివే దేశ మారకద్రవ్యంలోనే నిధులు విడుదల చేస్తారు. రూపాయి విలువ క్షీణిస్తున్న ప్రస్తుత తరుణంలో భారతీయ విద్యార్థులకు ఇది ఆర్థిక స్థిరత్వాన్ని ఇస్తుంది. 2007 నుంచి ఇప్పటివరకు ఈ సంస్థ 150కి పైగా దేశాలకు చెందిన 47,000 మందికి పైగా విద్యార్థులకు 2.6 బిలియన్ డాలర్ల రుణాలను అందించింది.

వీసా ఆలస్యమే ప్రధాన సవాలు

అమెరికన్ కౌన్సిల్ ఆన్ ఎడ్యుకేషన్ నివేదిక ప్రకారం.. వీసా దరఖాస్తుల ప్రాసెసింగ్‌లో ఆలస్యం, నిరాకరణల వల్లే అంతర్జాతీయ విద్యార్థుల చేరికలు తగ్గుతున్నట్లు మెజారిటీ విశ్వవిద్యాలయాలు వెల్లడించాయి. కేవలం అమెరికాలోనే కాకుండా ఆస్ట్రేలియా, ఇతర దేశాల్లోనూ ఇదే పరిస్థితి నెలకొంది. వీసా ప్రాసెసింగ్‌కు కొన్ని కేసుల్లో ఏడాది సమయం పడుతున్నందున విద్యార్థులు ముందస్తుగానే ప్లాన్ చేసుకోవడం అవసరం.

"చివరి నిమిషం వరకు వేచి చూడవద్దు"

"వీసా ప్రాసెసింగ్‌లో ఆలస్యం జరుగుతున్న నేపథ్యంలో విద్యార్థులు వీలైనంత త్వరగా ఆర్థిక సదుపాయం, వీసా ప్రక్రియను పూర్తి చేసుకోవడం మంచిది" అని ప్రాడిజీ ఫైనాన్స్ గ్లోబల్ చీఫ్ బిజినెస్ ఆఫీసర్ సోనాల్ కపూర్ పేర్కొన్నారు. "అమెరికా, ఆస్ట్రేలియా వంటి దేశాల్లో వీసా వ్యవధి పెరుగుతోంది. యూకే వెళ్లే విద్యార్థుల కోసం అడ్వాన్స్ డిపాజిట్ మినహాయింపు ఆప్షన్లను కూడా అందిస్తున్నాం" అని ఆమె వివరించారు. ఎటువంటి మూడో వ్యక్తి ప్రమేయం లేకుండా అధికారిక ఛానెళ్ల ద్వారా మాత్రమే దరఖాస్తు చేసుకోవాలని విద్యార్థులకు సూచించారు.

అర్హత కలిగిన విద్యార్థులు prodigyfinance వెబ్‌సైట్ లేదా info@prodigyfinance.com ద్వారా దరఖాస్తు చేసుకోవచ్చు.