హరియాణాలోని గురుగ్రామ్లో రాష్ట్రస్థాయి టెన్నిస్ క్రీడాకారిణి, 25 ఏళ్ల రాధికా యాదవ్ దారుణ హత్యకు గురైన వార్త సర్వత్రా సంచలనం సృష్టిస్తోంది. గురువారం తమ నివాసంలోనే ఆమె తండ్రి ఈ ఘాతుకానికి పాల్పడినట్లు పోలీసులు తెలిపారు. నిందితుడు దీపక్ యాదవ్ తన కూతురిపై మూడు రౌండ్లు కాల్పులు జరిపినట్లు తెలుస్తోంది. కుటుంబ సభ్యుల వాంగ్మూలాల ఆధారంగా పోలీసులు అతడిని అరెస్ట్ చేశారు. ఈ సంఘటన గురువారం ఉదయం 10:30 గంటలకు కుటుంబం నివాసముంటున్న సెక్టార్ 57లోని ఇంట్లో, వంటగదిలో జరిగింది. దర్యాప్తులో పలు సంచలన విషయాలు వెలువడ్డాయి.
టెన్నిస్ ప్లేయర్ హత్యకు దారితీసిన కారణాలు ఏంటి?
పోలీసుల దర్యాప్తులో వెల్లడైన వివరాల ప్రకారం.. 51ఏళ్ల దీపక్ యాదవ్ తన కుమార్తె రాధిక టెన్నిస్ అకాడమీ నడపడం పట్ల గత కొంతకాలంగా తీవ్ర అసంతృప్తితో ఉన్నాడు. వారి స్వగ్రామమైన వజీరాబాద్లోని చాలా మంది.. రాధిక టెన్నిస్ అకాడమీ ఆదాయంపై దీపక్ ఆధారపడి జీవిస్తున్నాడని ఎగతాళి చేసేవారట. ఈ అవమానమే అతడి కోపాన్ని పెంచిందని దర్యాప్తు అధికారులు తెలిపారు. రాధిక తన టెన్నిస్ అకాడమీని మూసివేయాలని తండ్రి కోరాడు. కానీ ఆమె అందుకు నిరాకరించింది.
"ఆమె అకాడమీని మూసివేయాలని తండ్రి కోరాడు, కానీ ఆమె నిరాకరించింది. ఈ వివాదం కారణంగానే అతను ఆమెను కాల్చి చంపాడు," అని అసిస్టెంట్ కమిషనర్ ఆఫ్ పోలీస్ యశ్వంత్ యాదవ్ తెలిపారు.
పోలీసుల ప్రకారం.. తన కుమార్తె కెరీర్, సంపాదనపై సమాజం నుంచి వస్తున్న విమర్శల కారణంగా తాను గత 15 రోజులుగా తీవ్ర నిరాశతో బాధపడుతున్నానని తండ్రి పేర్కొన్నాడు. తన నేరాన్ని అంగీకరిస్తూ, (హిందుస్థాన్ టైమ్స్కి అందిన ఎఫ్ఐఆర్ ప్రకారం) తనకు కలిగిన 'గౌరవభంగం' కారణంగా, అవమానాన్ని తట్టుకోలేక ఈ పని చేసినట్టు వివరించాడు.
ఎఫ్ఐఆర్ ప్రకారం, రాధిక తల్లి మంజు యాదవ్, జ్వరంతో పడుకున్నానని, ఏమీ చూడలేదని చెబుతూ పోలీసులకు వాంగ్మూలం ఇవ్వడానికి నిరాకరించింది.
గురుగ్రామ్ సెక్టార్ 56 పోలీస్ స్టేషన్లో ఎఫ్ఐఆర్ నమోదు చేశారు. కేసులో ఇతర కోణాలను కూడా పోలీసులు దర్యాప్తు చేస్తున్నారు. ఇందులో తండ్రికి ఓ ప్రేమ వ్యవహారం లేదా ఇన్స్టాగ్రామ్ రీల్పై అభ్యంతరం ఉండటం వంటివి కూడా ఉన్నాయి.
ప్రతిభావంతురాలైన క్రీడాకారిణి రాధిక..
{{/usCountry}}గురుగ్రామ్ సెక్టార్ 56 పోలీస్ స్టేషన్లో ఎఫ్ఐఆర్ నమోదు చేశారు. కేసులో ఇతర కోణాలను కూడా పోలీసులు దర్యాప్తు చేస్తున్నారు. ఇందులో తండ్రికి ఓ ప్రేమ వ్యవహారం లేదా ఇన్స్టాగ్రామ్ రీల్పై అభ్యంతరం ఉండటం వంటివి కూడా ఉన్నాయి.
ప్రతిభావంతురాలైన క్రీడాకారిణి రాధిక..
{{/usCountry}}రాధిక యాదవ్ ప్రతిభావంతురాలైన, ఆశాజనకమైన క్రీడాకారిణి. స్కాటిష్ హై ఇంటర్నేషనల్ స్కూల్ నుంచి గ్రాడ్యుయేట్ అయిన ఆమె, 2018లో కామర్స్లో 12వ తరగతి పరీక్షలు పూర్తి చేసింది. పాఠశాల వయస్సులోనే ఆమె టెన్నిస్పై ఆసక్తి పెంచుకుంది. ఇటీవల ఆమె భుజానికి గాయం కావడంతో ఫిజియోథెరపీ చేయించుకుంటోంది. అయితే, ఇది ఆమెను తన అకాడమీని నడపకుండా లేదా యువ క్రీడాకారులకు స్ఫూర్తినిస్తూ ఉండకుండా అడ్డుకోలేకపోయింది.
రాధిక ఎప్పుడూ ఉత్సాహంగా ఉండేదని, ట్రోఫీలు గెలిచిన తర్వాత తన తండ్రితో కలిసి నృత్యం చేస్తూ సంతోషకరమైన రీల్స్ చిత్రీకరిస్తూ ఉండేదని పోలీసులు తెలిపారు.