ఏపీ, తెలంగాణలోని పాఠశాలలు కాలేజీలకు శనివారం(నేటి) నుంచి దసరా సెలవులు ప్రారంభమయ్యాయి. ఇప్పటికే పునఃప్రారంభ తేదీలను కూడా ప్రభుత్వాలు ప్రకటించాయి.
ఆంధ్రప్రదేశ్ పాఠశాల విద్యాశాఖ 2026-27 విద్యా సంవత్సర క్యాలెండర్ ప్రకారం అక్టోబర్ 12 నుంచి 21 వరకు దసరా సెలవులను ప్రకటించింది. అయితే అక్టోబర్ 10 రెండో శనివారం, అక్టోబర్ 11 ఆదివారం కావడంతో విద్యార్థులకు రెండు రోజులు ముందే సెలవులు లభించాయి. దీంతో శనివారం (అక్టోబర్ 10) నుంచే బడులకు సెలవులు అమల్లోకి వచ్చాయి. దసరా విరామం తర్వాత అక్టోబర్ 22వ తేదీన పాఠశాలలు తిరిగి ప్రారంభమవుతాయి.
తెలంగాణలోనూ ఇవాళ్టి నుంచే దసరా సెలవులు ప్రారంభమయ్యాయి. అయితే విద్యాసంస్థల రకాన్ని బట్టి పునఃప్రారంభ తేదీల్లో వ్యత్యాసం ఉంది:
పాఠశాలలు : అక్టోబర్ 22 వరకు సెలవులు కొనసాగుతాయి. అక్టోబర్ 23న బడులు తెరుచుకుంటాయి.
జూనియర్ కళాశాలలు: ఇంటర్మీడియట్ విద్యార్థులకు అక్టోబర్ 21 వరకు విరామం ఉంటుంది. అక్టోబర్ 22న జూనియర్ కాలేజీలు ప్రారంభమవుతాయి.
డిగ్రీ కళాశాలలు: తెలంగాణలోని డిగ్రీ విద్యార్థులకు అక్టోబర్ 25 వరకు దసరా వెకేషన్ ఇచ్చారు. అక్టోబర్ 26న కళాశాలలు రీఓపెన్ అవుతాయి.
అంగన్వాడీ కేంద్రాలు : అంగన్వాడీలకు కూడా అక్టోబర్ 10 నుంచి 21 వరకు దసరా సెలవులు ఇస్తున్నట్లు స్త్రీ, శిశు సంక్షేమ శాఖ మంత్రి సీతక్క ప్రకటించారు. తిరిగి అక్టోబర్ 22న కేంద్రాలు పనిచేస్తాయి.
ఇక మైనార్టీ విద్యా సంస్థల విషయంలో పలు మార్పులు ఉన్నాయి. సాధారణ పాఠశాలల మాదిరిగా కాకుండా… ఆయా విద్యాసంస్థలకు సెలవులు లేవు.