15 ఏళ్ల కుర్రాడు వైభవ్ సూర్యవంశీ అవార్డుల మోత మోగించాడు. ఆరెంజ్ క్యాప్ (అత్యధిక పరుగులు), ఎమర్జింగ్ ప్లేయర్, సూపర్ స్ట్రైకర్ ఆఫ్ ది సీజన్ (స్ట్రైక్ రేట్), సూపర్ సిక్సెస్ (అత్యధిక సిక్సర్లు), మోస్ట్ వాల్యూబుల్ ప్లేయర్ అవార్డులు అందుకున్నాడు. వీటితో పాటు రూ.55 లక్షల ప్రైజ్ మనీ, టాటా సియోరా కారు కూడా దక్కించుకున్నాడు.
అత్యధిక వికెట్ల వీరుడికి ఇచ్చే పర్పుల్ క్యాప్ ను గుజరాత్ టైటాన్స్ బౌలర్ రబాడ దక్కించుకున్నాడు.
క్యాచ్ ఆఫ్ ది సీజన్ అవార్డును కేకేఆర్ ప్లేయర్ మనీష్ పాండే సొంతం చేసుకున్నాడు. ఆర్సీబీ బ్యాటర్ టిమ్ డేవిడ్ క్యాచ్ ను అద్భుతంగా పట్టినందుకు ఈ అవార్డు దక్కింది.
గుజరాత్ టైటాన్స్ మరో పేసర్ సిరాజ్ కూడా ఓ అవార్డు అందుకున్నాడు. ఈ సీజన్ లో అత్యధిక డాట్ బాల్స్ (172) వేసినందుకు గ్రీన్ డాట్ బాల్ అవార్డు అతని ఖాతాలో చేరింది.
గుజరాత్ టైటాన్స్ ఓపెనర్ సాయి సుదర్శన్ ఏమో అత్యధిక ఫోర్లు బాదిన ఆటగాడిగా నిలిచాడు. ఫైనల్లో ప్లేయర్ ఆఫ్ ది మ్యాచ్ అవార్డు కింగ్ కోహ్లికి దక్కింది.