ప్రస్తుత పాయింట్ల పట్టిక ప్రకారం టాప్-3 స్థానాల్లో ఉన్న జట్లు సేఫ్ జోన్లోకి వెళ్లాయి. మిగిలిన జట్లు గరిష్టంగా 16 పాయింట్లకు మించి సాధించే అవకాశం లేకపోవడంతో ఈ మూడు జట్ల బెర్త్ కన్ఫర్మ్ అయింది. అవి.. ఆర్సీబీ, జీటీ, ఎస్ఆర్హెచ్.
మాజీ ఛాంపియన్ ముంబై ఇండియన్స్ (ఎంఐ)తో పాటు లక్నో సూపర్ జెయింట్స్ (ఎల్ఎస్జీ) జట్లు ప్లేఆఫ్స్ రేసు నుంచి అధికారికంగా నిష్క్రమించాయి. ఇక మిగిలిన ఐదు జట్లు, ఒక బెర్త్ కోసం పోటీపడుతున్నాయి.
రాజస్థాన్ రాయల్స్ (ఆర్ఆర్): ప్రస్తుతం 12 మ్యాచ్ల్లో 12 పాయింట్లతో ఉన్న రాజస్థాన్కు ఇంకా రెండు మ్యాచ్లు మిగిలి ఉన్నాయి. ఈ రెండూ గెలిస్తే ఈ జట్టు గరిష్టంగా 16 పాయింట్లకు చేరుకుని నాలుగో జట్టుగా సులభంగా క్వాలిఫై అవ్వొచ్చు!
పంజాబ్ కింగ్స్ (పీబీకేఎస్): 13 మ్యాచ్ల్లో 13 పాయింట్లతో ఉన్న పంజాబ్కు ఒకే ఒక్క మ్యాచ్ మిగిలి ఉంది. చివరి మ్యాచ్ గెలిచి 15 పాయింట్లతో నిలిచి, మిగిలిన జట్ల ఫలితాలపై ఆధారపడాల్సి ఉంటుంది.
సీఎస్కే, డీసీ- ఈ రెండు జట్లు తలో 13 మ్యాచ్లు ఆడి 12 పాయింట్లతో ఉన్నాయి. వీరికి చెరో మ్యాచ్ మాత్రమే మిగిలి ఉంది. చివరి మ్యాచ్ గెలిచినా ఇవి గరిష్టంగా 14 పాయింట్లకు మాత్రమే చేరుకోగలవు. కాబట్టి వీరు తమ మ్యాచ్లు భారీ రన్ రేట్తో గెలవడమే కాకుండా.. పంజాబ్, రాజస్థాన్, కోల్కతా జట్లు తమ తదుపరి మ్యాచ్ల్లో ఓడిపోవాలని ప్రార్థించాలి! అప్పుడు వీటిల్లో ఏదో ఒకటి ప్లేఆఫ్స్కి వెళుతుంది.
కేకేఆర్- 12 మ్యాచ్ల్లో 11 పాయింట్లతో ఉన్న కేకేఆర్కు రెండు మ్యాచ్లు ఉన్నాయి. ఈ రెండూ గెలిస్తే వారు 15 పాయింట్లకు చేరుకుంటారు. అప్పుడు నెట్ రన్ రేట్ ఆధారంగా ప్లేఆఫ్స్ రేసు మారుతుంది.