Jailer 2 : బడ్జెట్​ నుంచి రజనీకాంత్ రెమ్యూనరేషన్ వరకు- జైలర్ 2 క్రేజీ బజ్..

అనేక మీడియా నివేదికల ప్రకారం జైలర్ 2 బడ్జెట్​ రూ. 240కోట్ల నుంచి రూ. 300కోట్ల వరకు ఉంటుంది. ఇందులో నటుల రెమ్యూనరేషన్​ కూడా ఉంటుంది. ఆసక్తికర విషయం ఏంటంటే.. ఈ సినిమా ప్రొడక్షన్​కు రూ. 100 కోట్ల కన్నా ఎక్కువ ఖర్చు అవ్వలేదట! రూ. 200కోట్లతో రూపొందిన జైలర్ 1 సినిమా రూ. 600కోట్లకుపైగా కలెక్షన్లు రాబట్టిన విషయం తెలిసిందే.

ఇక రజనీకాంత్​కు జైలర్ 2తో రూ. 110కోట్ల రెమ్యూనరేషన్ అందినట్టు సమాచారం. దీనితో పాటు సినిమాలో ఆయనకు షేరున్నట్టు, లాభాలొస్తే అందులో వాటా కూడా పొందుతారని తెలుస్తోంది. ఈ ఒక్క సినిమాతో రజనీకాంత్​కు రూ. 180 కోట్ల వరకు డబ్బులొస్తాయని మీడియా నివేదికలు సూచిస్తున్నాయి.

జైలర్​ 2లో రజనీకాంత్ నెల్సన్ దిలీప్​కుమార్ పాత్ర పోషిస్తున్నారు. ఇదే సినిమాలో మోహన్ లాల్, రమ్యకృష్ణ, శివ రాజ్​కుమార్​ విద్యా బాలన్, ఎస్​జే సూర్య, సూరజ్ వెంజరమూడు, విజయ సేతుపతి వంటి ప్రముఖ నటించారు. అయితే, ఇందులో హృతిక్ రోషన్ కూడా కామియో చేయడం అందరిని ఆశ్చర్యపరిచింది.

ఈ జైలర్ 2 సినిమాకు అడ్వాన్స్​ బుకింగ్స్ దుమ్మురేపాయి. అందుకే దాదాపు రూ. 140కోట్లతో ఈ సినిమా తన బాక్సాఫీస్ జర్నీని ప్రారంభించనుందని ట్రేడ్ పండితులు చెబుతున్నారు. ఒకవేళ ఈ సినిమాకు తొలిరోజే రూ. 140 కోట్లు వస్తే మాత్రం.. రజనీకాంత్ జైలర్ 2.. టాక్సిక్, జవాన్ల ఫస్ట్ డే కలెక్షన్లను దాటేస్తుంది.

ఇక సినిమా స్పెషల్ షోలు, మార్నింగ్ షోలు చూసిన నెటిజన్లు తమ రివ్యూలను ఎక్స్​లో పోస్ట్​ చేస్తున్నారు. ఫస్టాఫ్ కేక అంటున్నారు. ఈ నేపథ్యంలో జైలర్ 2 ట్విట్టర్​ రివ్యూను చూసేందుకు ఇక్కడ క్లిక్ చేయండి.