ఈ ఏడాది జేఈఈ మెయిన్స్ సెషన్ 2 పరీక్షలు ఏప్రిల్ 2, 4, 5, 6, 7, 8 తేదీల్లో కంప్యూటర్ ఆధారిత పద్ధతిలో జరిగాయి. దేశవ్యాప్తంగా 304 నగరాల్లో, విదేశాల్లోని మరో 14 ప్రాంతాల్లో కలిపి మొత్తం 566 పరీక్షా కేంద్రాల్లో ఎన్టీఏ (నేషనల్ టెస్టింగ్ ఏజెన్సీ) ఈ పరీక్షను నిర్వహించింది.
జేఈఈ మెయిన్ 2026 సెషన్ 2 ఫలితాలను ఎలా చెక్ చేసుకోవాలి? : ముందుగా ఎన్టీఏ జేఈఈ అధికారిక వెబ్సైట్ jeemain.nta.nic.in సందర్శించండి. ఆ తర్వాత హోమ్ పేజీలో కనిపించే 'JEE Mains Result 2026 Session 2' లింక్పై క్లిక్ చేయండి.
అనంతరం మీ అప్లికేషన్ నంబర్, పుట్టిన తేదీ (Login Details) నమోదు చేయండి. సబ్మిట్ బటన్పై క్లిక్ చేయగానే మీ స్కోర్కార్డ్ స్క్రీన్పై కనిపిస్తుంది.
జేఈఈ మెయిన్ 2026 సెషన్ 2 ఫలితాలను డౌన్లోడ్ చేసుకుని, భవిష్యత్తు అవసరాల కోసం ఒక ప్రింటవుట్ తీసుకోవడం మర్చిపోకండి.
జేఈఈ మెయిన్ ఫలితాల్లో టాప్ 2.5 లక్షల లోపు ర్యాంకు సాధించిన విద్యార్థులు ఐఐటీల్లో ఎంట్రీ కోసం నిర్వహించే 'జేఈఈ అడ్వాన్స్డ్' పరీక్షకు అర్హత సాధిస్తారు. అందుకే ఫలితాలు వచ్చిన వెంటనే అడ్వాన్స్డ్ పరీక్షకు సిద్ధమవ్వడం ఉత్తమం. ఎన్ఐటీ, ట్రిపుల్ ఐటీల్లో సీట్లు ఆశించే వారు మాత్రం ఈ మెయిన్ ఫలితాలతో జోసా కౌన్సెలింగ్ ప్రక్రియపై దృష్టి సారించాల్సి ఉంటుంది.