'తల్లికి వందనం స్కీమ్' కొత్త అప్డేట్ - విద్యార్థి ఆధార్ తో కూడా స్టేటస్ చెక్ చేసుకోవచ్చు, ప్రాసెస్ ఇలా

తల్లికి వందనం స్కీమ్ పై ఏపీ ప్రభుత్వం మరో ప్రకటన చేసింది. డబ్బుల స్టేటస్ తెలుసుకునేందుకు సరికొత్త ఆప్షన్ ను తీసుకొచ్చింది. ఇప్పటి వరకు తల్లి ఆధార్ నెంబర్ తో మాత్రమే తెలుసుకునే అవకాశం ఉండగా… తాజాగా విద్యార్థి ఆధార్ నెంబర్ తో కూడా చెక్ చేసుకోవచ్చని విద్యాశాఖ ప్రకటించింది.

ఇప్పటి వరకు తల్లి / తండ్రి / సంరక్షకుల ఆధార్ తో తల్లికి వందనం స్కీమ్ స్టేటస్ చెక్ చేసుకునే వారు. కొత్తగా అప్లికేషన్ పేమెంట్ స్టేటస్ చెక్ చేసుకోటానికి విద్యార్ధి ఆధార్ తో ఆప్షన్ ఇచ్చారు. ఆ ప్రాసెస్ వివరాలను ఇక్కడ తెలుసుకోండి

తల్లికి వందనం స్కీమ్ స్టేటస్ లో భాగంగా ముందుగా ప్రాథమిక వివరాలు కనిపిస్తాయి. ఇందులో జిల్లా, మండలం, క్లస్టర్ పేరు, లబ్ధిదారు పేరు వంటి వివరాలను డిస్ ప్లే అవుతాయి. ఆ తర్వాత మీ అప్లికేషన్ వివరాలను కనిపిస్తాయి.

ఇక చివరల్లో పేమెంట్ వివరాలు కనిపిస్తాయి. మీ ఖాతాలోకి డబ్బులు పడ్డాయా లేదా అనేది కనిపిస్తుంది. జమ కాకుండా ఉంటే కూడా ఆ వివరాలు డిస్ ప్లే అవుతాయి. ఒకవేళ డబ్బులు జమ కాకపోతే… స్థానికంగా ఉన్న సచివాలయ అధికారులను సంప్రదించవచ్చు.

ముందుగా https://gsws-nbm.ap.gov.in/NBM/#!/ApplicationStatusCheckP వెబ్ సైట్ లోకి వెళ్లాలి. ఆ తర్వాత విద్యా సంవత్సరం (2025- 26) ఎంచుకోవాలి. ఆపై విద్యార్థి ఆధార్ నెంబర్ (UID )ను ఎంట్రీ చేయాలి. క్యాప్చా కోడ్ ను ఎంట్రీ చేసి గెట్ ఓటీపీపై క్లిక్ చేయాలి. లింకింగ్ ఉన్న నెంబర్ ఓటీపీ వస్తుంది. ఆ కోడ్ ను ఎంట్రీ చేస్తే….మీ అప్లికేషన్ స్టేటస్ డిస్ ప్లే అవుతుంది.