Telangana Weather : తెలంగాణకు ఐఎండీ అలర్ట్ - మరికొన్ని గంటల్లో ఈ జిల్లాల్లో వర్షాలు..!

తెలంగాణకు వాతావరణశాఖ అలర్ట్ ఇచ్చింది. మరికొన్ని గంటల్లో పలు జిల్లాల్లో వర్షాలు పడే సూచనలున్నాయి.

ఇవాళ మధ్యాహ్నం 3.30 గంటల తర్వాత సంగారెడ్డి, రంగారెడ్డి, కామారెడ్డి, వికారాబాద్, నారాయణపేట, మహబూబ్ నగర్, మెదక్, సిద్దిపేట, జగిత్యాల, సిరిసిల్ల జిల్లాల్లో అక్కడక్కడా ఉరుములు, మెరుపులతో కూడిన వర్షాలు కురిసే సూచనలున్నాయని తెలంగాణ వెదర్ మ్యాన్ ఓ ప్రకటనలో తెలిపింది.

కొన్ని చోట్ల వడగళ్లతో పాటు తీవ్రమైన వర్షాలు కురుసే సూచనలున్నాయి, హైదరాబాద్ లో కూడా మధ్యాహ్నం 3.30 గంటల తర్వాత చెల్లాచెదురుగా తీవ్రమైన ఉరుములతో కూడిన వర్షాలు పడే సూచనలున్నాయి.

ఉరుములు, మెరుపులు, ఈదురుగాలులతో కూడిన వర్షాలు ఈ నెల 16 నుంచి 21వ తేదీ వరకు కురుస్తాయని ఐఎండీ వాతావరణ శాఖ హెచ్చరించింది. మంగళ, బుధవారాల్లో ఉత్తర తెలంగాణ జిల్లాల్లో వర్షాలు పడనున్నాయి. రాష్ట్రంలో ఎల్లో అలర్ట్ జారీ చేసింది వాతావరణ శాఖ.

IMD ప్రకారం, కొన్ని జిల్లాల్లో ముఖ్యంగా మధ్యాహ్నం లేదా సాయంత్రం వేళల్లో బలమైన గాలులతో పాటు భారీ వర్షాలు కూడా కురిసే అవకాశం ఉంది. మార్చి 21 వరకు వర్షాలు కొనసాగే అవకాశం ఉన్నందున, అనేక జిల్లాల్లో ఉరుములు, ఈదురుగాలులు వీచే అవకాశం ఉందని వాతావరణ శాఖ హెచ్చరిక జారీ చేసింది. చెట్ల కింద, బహిరంగ ప్రదేశాల్లో నిల్చోకూడదని ఐఎండీ హెచ్చరించింది.

వర్షాలు ఉండటంతో రాష్ట్రంలో ఉష్ణోగ్రతలు తగ్గే అవకాశం ఉంది. ఎండలు కూడా తగ్గొచ్చని ఐఎండీ అంచనా వేసింది.