హిందూ ధర్మశాస్త్రాల ప్రకారం శని దేవుడిని న్యాయాధికారిగా భావిస్తారు. మనం చేసే కర్మలను బట్టి ఫలితాలను ఇచ్చే శని దేవుడు జన్మించిన రోజే శని జయంతి. 2026 మే 16న ఈ పండుగను జరుపుకోనున్నాం. అయితే ఈ ఏడాది ఒక ప్రత్యేకత ఉంది.
శని జయంతి శనివారం నాడు రావడం, అదే రోజున అమావాస్య తిథి కూడా ఉండటంతో దీనిని 'శనిశ్చరి అమావాస్య'గా పిలుస్తారు. 13 ఏళ్ల తర్వాత వస్తున్న ఇటువంటి శుభ సంయోగం కొన్ని రాశుల వారికి అపారమైన ధన లాభాన్ని, కెరీర్లో ఊహించని విజయాలను అందించనుంది.
వృషభం: ఈ వృషభ రాశి వారికి ఈ శని జయంతి కొత్త ఆశలను మోసుకొస్తుంది. గత కొంతకాలంగా మిమ్మల్ని వేధిస్తున్న సమస్యలు తొలగిపోతాయి. ముఖ్యంగా ఉద్యోగస్తులకు ఆఫీసులో అనుకూల పరిస్థితులు ఏర్పడతాయి. మీరు ఎప్పటి నుంచో పూర్తి చేయాలనుకుంటున్న పనులు ఈ సమయంలో ఒక కొలిక్కి వస్తాయి. శని దేవుడి అనుగ్రహంతో మీలో ఆత్మవిశ్వాసం పెరుగుతుంది.
మిథున రాశి: మిథున రాశి వారికి ఈ సమయం ఒక టర్నింగ్ పాయింట్ అని చెప్పవచ్చు. మీ ఆర్థిక పరిస్థితి గణనీయంగా మెరుగుపడుతుంది. ఒకటికి మించిన ఆదాయ మార్గాలు కనిపిస్తాయి. వ్యాపారస్తులు పెట్టిన పెట్టుబడులకు మంచి లాభాలు వచ్చే అవకాశం ఉంది. ఉద్యోగంలో ప్రమోషన్ లేదా జీతాల పెంపు కోసం చూస్తున్న వారికి శుభవార్త అందుతుంది. సమాజంలో మీ గౌరవ మర్యాదలు పెరుగుతాయి.
తులా రాశి: ఈ రాశి జాతకులకు శని జయంతి తర్వాత అంతా శుభమే జరుగుతుంది. మీపై కుట్రలు చేసే ప్రత్యర్థులు లేదా శత్రువుల పప్పులు ఇక ఉడకవు. సమాజంలో పలుకుబడి ఉన్న వ్యక్తులతో పరిచయాలు ఏర్పడతాయి. కుటుంబంలో ఆహ్లాదకరమైన వాతావరణం నెలకొంటుంది. ముఖ్యంగా తల్లి వైపు బంధువుల నుంచి ఆస్తి లాభం లేదా ఆర్థిక సహాయం అందే సూచనలు ఉన్నాయి.
ధనుస్సు రాశి: ధనుస్సు రాశి వారికి శని దేవుడి విశేష ఆశీస్సులు లభించనున్నాయి. మీరు ఎప్పటి నుంచో కలలు కంటున్న కొత్త ఉద్యోగం లేదా విదేశీ ప్రయాణాలకు మార్గం సుగమం అవుతుంది. మీ సామర్థ్యాన్ని మీరు గుర్తించి లక్ష్యాల దిశగా అడుగులు వేస్తారు. ఆరోగ్యం విషయంలో కూడా సానుకూల మార్పులు కనిపిస్తాయి. కుటుంబ సభ్యులతో కలిసి తీర్థయాత్రలు చేసే అవకాశం ఉంది.
కుంభ రాశి: కుంభ రాశికి శని దేవుడే అధిపతి కావడం వల్ల ఈ శని జయంతి వీరికి అత్యంత కీలకం. మే నెల తర్వాత మీ జీవితంలో సానుకూల మార్పులు మొదలవుతాయి. పోటీ పరీక్షలకు సిద్ధమవుతున్న విద్యార్థులకు, నిరుద్యోగులకు అద్భుతమైన అవకాశాలు వస్తాయి. మీ సామాజిక హోదా పెరగడంతో పాటు పాత బాకీలు వసూలవుతాయి. శని దేవుడి అనుగ్రహం వల్ల తలపెట్టిన ప్రతి పనిలో విజయం సాధిస్తారు.