తెలంగాణ ఎడ్సెట్ - 2026 ఫలితాలు విడుదలయ్యాయి. ఈ ఏడాది పరీక్ష రాసిన అభ్యర్థుల్లో రికార్డు స్థాయిలో 96.95 శాతం మంది ఉత్తీర్ణత సాధించారు.
రాష్ట్రవ్యాప్తంగా వివిధ కేంద్రాల్లో మొత్తం 28,771 మంది అభ్యర్థులు ఈ ప్రవేశ పరీక్షకు హాజరయ్యారు. పరీక్ష రాసిన వారిలో 27,887 మంది అభ్యర్థులు కౌన్సెలింగ్కు అర్హత సాధించారు.
ఓవరాల్గా 96.95 శాతం మంది విద్యార్థులు ఈ పరీక్షలో క్వాలిఫై అయ్యారు.
ఈ ఫలితాలలో మెథడాలజీల వారీగా చూసుకుంటే గణితం, సైన్స్, సోషల్ స్టడీస్, లాంగ్వేజెస్ విభాగాల్లో అభ్యర్థులు మంచి ప్రతిభ కనబరిచారు.
ప్రభుత్వ ఉపాధ్యాయ ఉద్యోగాలకు బీఈడీ తప్పనిసరి కావడంతో… ఈసారి పోటీతో పాటు ఉత్తీర్ణత శాతం కూడా గణనీయంగా పెరగడం గమనార్హం.
మొదటగా అధికారిక కన్వీనర్ వెబ్సైట్ https://edcet.tgche.ac.in/ ను సందర్శించాలి.
హోంపేజీలో కనిపించే 'Download Rank Card' లింక్పై క్లిక్ చేయాలి.
మీ ఎడ్సెట్ హాల్ టికెట్ నంబర్, పుట్టిన తేదీ ఎంటర్ చేయాలి.
స్క్రీన్పై కనిపించే మీ ర్యాంక్ కార్డును ప్రింట్ తీసుకుని, భవిష్యత్తు కౌన్సెలింగ్ అవసరాల కోసం భద్రపరుచుకోవాలి.
టీజీ ఎడ్సెట్ ఫలితాలు విడుదలైన నేపథ్యంలో, రాష్ట్రవ్యాప్తంగా ఉన్న ప్రభుత్వ, ప్రైవేట్ బీఈడీ కళాశాలల్లో సీట్ల భర్తీకి సంబంధించిన వెబ్ కౌన్సెలింగ్ ప్రక్రియను అధికారులు త్వరలోనే ప్రారంభించనున్నారు.
సర్టిఫికెట్ల వెరిఫికేషన్, వెబ్ ఆప్షన్ల నమోదుకు సంబంధించిన సమగ్ర షెడ్యూల్ను ఉన్నత విద్యామండలి అధికారికంగా ప్రకటించనుంది. అభ్యర్థులు కౌన్సెలింగ్ సమయానికి తమ ఒరిజినల్ సర్టిఫికెట్లు, క్యాస్ట్, ఇన్కమ్ సర్టిఫికెట్లను సిద్ధం చేసుకోవాల్సి ఉంటుంది.