TG TET Exams 2026 : తెలంగాణ టెట్ పరీక్షలు ప్రారంభం - ఫలితాలు ఎప్పుడంటే..?

తెలంగాణలో ఇవాళ్టి నుంచి టెట్ పరీక్షలు ప్రారంభమయ్యాయి. ఈసారి మొత్తం 2.37 లక్షల మంది దరఖాస్తు చేసుకున్నారు. జనవరి 20వ తేదీతో అన్ని సబ్జెక్టులు పూర్తవుతాయి.

జనవరి 3 నుంచి 6వ తేదీ వరకు కొన్ని పరీక్షలుంటాయి. జనవరి 8, 9, 11, 19, 20 తేదీల్లో మిగతా పరీక్షలను నిర్వహిస్తారు. మొత్తం 18 జిల్లాల్లో 97 పరీక్ష కేంద్రాలను ఏర్పాటు చేశారు. పరీక్షా కేంద్రాల వద్ద పటిష్టమైన చర్యలు చేపట్టారు.

మొదటి సెషన్ ఉదయం 9 గంటల నుంచి 11:30 గంటల వరకు, రెండో సెషన్ మధ్యాహ్నం 2 గంటల నుంచి 4:30 గంటల వరకు నిర్వహిస్తారు. ఈసారి గతంతో పోల్చితే టీజీ టెట్ - 2026కు భారీగానే దరఖాస్తులు వచ్చాయి. పేపర్‌1, 2, కలిపి మొత్తం 2,37,754 దరఖాస్తులు అందాయి. ఇందులో 71,670 మంది ఇన్‌ సర్వీస్‌ ఉపాధ్యాయులున్నారు.

మొత్తం 9 రోజుల్లో 15 సెషన్లలో తెలంగాణ టెట్ - 2026 పరీక్షలను పూర్తి చేస్తారు. ఇప్పటికే అభ్యర్థుల హాల్ టికెట్లు కూడా అందుబాటులోకి వచ్చాయి. https://tgtet.aptonline.in/tgtet/ వెబ్ సైట్ నుంచి హాల్ టికెట్లను డౌన్లోడ్ చేసుకోవచ్చు.

టీజీ టెట్ - 2026 ఫలితాలు ఫిబ్రవరి 10 నుంచి ఫిబ్రవరి 16వ తేదీల మధ్య విడుదలవుతాయని విద్యాశాఖ పేర్కొంది.ఈ ఫలితాలను కూడా https://tgtet.aptonline.in/tgtet/ వెబ్ సైట్ లోనే ప్రకటిస్తారు.