తెలుగు, హిందీ వెండితెరతో పాటు బుల్లితెరపై తనదైన ముద్ర వేసిన అనిత హస్సానందని, ప్రస్తుతం తన కెరీర్, వ్యక్తిగత జీవితంలో కీలక నిర్ణయాలతో వార్తల్లో నిలుస్తున్నారు. త్వరలో తన కుటుంబంలోకి మరో కొత్త సభ్యుడిని ఆహ్వానించేందుకు సిద్ధమవుతున్నట్లు సోషల్ మీడియా వేదికగా హింట్స్ ఇస్తున్నారు.
తేజ దర్శకత్వంలో వచ్చిన 'నువ్వు నేను' సినిమాతో తెలుగు ప్రేక్షకుల గుండెల్లో చెరగని ముద్ర వేసుకున్నారు అనిత. ఆ తర్వాత 'శ్రీరామ్', 'నిన్నే ఇష్టపడ్డాను' వంటి సినిమాలతో ఇక్కడ స్టార్ హీరోయిన్గా ఎదిగారు.
అనంతరం బాలీవుడ్ వైపు మళ్లిన అనిత హస్సానందని ప్రముఖ లేడి నిర్మాత ఏక్తా కపూర్ నిర్మించిన 'యే హై మొహబ్బతేన్', 'నాగిని' వంటి సీరియల్స్తో దేశవ్యాప్తంగా గుర్తింపు తెచ్చుకున్నారు. కేవలం నటిగానే కాకుండా, తన గ్లామర్తో నేటికీ కుర్రకారును ఆకట్టుకుంటూనే ఉన్నారు.
ఇటీవల అనిత తన ఇన్స్టాగ్రామ్ ఖాతాలో షేర్ చేసిన ఒక పోస్ట్ నెట్టింట వైరల్గా మారింది. "2026లో హాట్గా కనిపించాలా లేక ప్రెగ్నెంట్ అవ్వాలా అని ఆలోచిస్తున్నాను" అంటూ సరదాగా చేసిన కామెంట్, ఆమె రెండోసారి తల్లి కాబోతున్నారనే ఊహాగానాలకు తెరలేపింది.
ఇప్పటికే ఆమెకు 'ఆరవ్' అనే కుమారుడు ఉన్న సంగతి తెలిసిందే. తన భర్త రోహిత్ రెడ్డితో కలిసి దిగిన ఫోటోలను షేర్ చేస్తూ, "2026లో మరిన్ని ఆశీర్వాదాలతో తిరిగి వస్తాను" అని పేర్కొనడం ఆమె వ్యక్తిగత జీవితంలో కొత్త మార్పులను సూచిస్తోంది.
ఇక తాజాగా అనిత హస్సానందని చీరలో కనిపించి గ్లామర్ షో ఒలికించారు. డిఫరెంట్ టైప్స్ బ్లౌజ్ల్లో అందాలతో మెస్మరైజ్ చేసింది బ్యూటిఫుల్ హస్సానందని. అనిత గ్లామర్ ఫొటోలు నెట్టింట్లో చక్కర్లు కొడుతున్నాయి.
అయితే, అనిత హస్సానందని విభిన్న బ్లౌజుల్లో కనిపించడం యువతులను ఆకర్షిస్తోంది. ఆమె వేసుకున్న డిజైనర్ జాకెట్స్, చీరలు వివిధ వేడుకలకు బాగా నప్పేలా ఉన్నాయి. ఈ డిజైన్స్ మహిళలు కూడా ట్రై చేసేలా ఉన్నాయి.
కాగా, అనిత హస్సానందని అంటే కేవలం ఒక నటి మాత్రమే కాదు, ఒక తరం ఆడియెన్స్ ఫేవరెట్. అటు పర్సనల్ లైఫ్లో ఎంజాయ్ చేస్తూనే, ఇటు కెరీర్ను బ్యాలెన్స్ చేయడంలో ఆమె అందరికీ ఆదర్శంగా నిలుస్తున్నారు.