కామెడీ సినిమాలకు మంచి ఫ్యాన్ ఫాలోయింగ్ ఉంటుంది. గందరగోళమైన జీవితంలో మనస్సుకు మనశ్శాంతినిచ్చేవి కామెడీ చిత్రాలు. మరి ఈ 2025లో బాాగా నవ్వించిన టాప్ 7 కామెడీ సినిమాలు, వాటిలో ఓటీటీలో అందుబాటులో ఉన్న సినిమాల గురించి తెలుసుకుందాం.
గిచ్ పిచ్- ఆగస్టు 2025లో విడుదలైన గిచ్పిచ్ చిత్రం భారతీయ మధ్యతరగతి తండ్రులు, వారి పిల్లలతో సాగే కథతో ఉంటుంది. ఈ చిత్రానికి ఐఎమ్డీబీ రేటింగ్ 8.5 ఉంది. ఈ సినిమా ఓటీటీ ప్లాట్ఫామ్ ఇంకా కన్ఫర్మ్ కాలేదు.
టూరిస్ట్ ఫ్యామిలీ ఓటీటీ- ఏప్రిల్ 2025లో వచ్చిన 'టూరిస్ట్ ఫ్యామిలీ' చిత్రం తక్కువ బడ్జెట్లో నిర్మించిన చిత్రం కలెక్షన్ల పరంగా అద్భుతాలు చేసింది. శ్రీలంకలో కోవిడ్ తర్వాత ఉద్యోగం కోసం భారతదేశానికి వచ్చిన ఒక కుటుంబం కథ ఇది. ఈ చిత్రం ఐఎమ్డీబీ రేటింగ్ 8.2 ఉంది. ఈ సినిమా తెలుగులో జియో హాట్స్టార్ ఓటీటీలో ఉంది.
అజయ్ దేవగన్, ఆర్ మాధవన్ కాంబినేషన్ లో తెరకెక్కిన కామెడీ చిత్రం 'దే దే ప్యార్ దే 2' థియేటర్లలో చాలా ఆదరణ పొందింది. ఇటీవలే విడుదలైన ఈ చిత్రానికి 8.5 ఐఎండీబీ రేటింగ్ వచ్చింది. ఈ సినిమా ఓటీటీ రైట్స్ను నెట్ఫ్లిక్స్ సొంతం చేసుకుంది. జనవరి 2026లో ఓటీటీలోకి ఈ సినిమా రానుందని సమాచారం.
జాలీ ఎల్ఎల్బి 3 - ఈ ఏడాది విడుదలైన అత్యధిక ఐఎండీబీ రేటింగ్స్ ఉన్న చిత్రాలలో 'జాలీ ఎల్ ఎల్ బీ 3' కూడా నిలిచింది. ఇద్దరు న్యాయవాదుల మధ్య సరదాగా జరిగిన ఈ చిత్రానికి ఐఎండీబీ రేటింగ్ 6.8 ఉంది. ప్రస్తుతం నెట్ఫ్లిక్స్లో ఈ మూవీ ఓటీటీ స్ట్రీమింగ్ అవుతోంది.
థామా- ఆయుష్మాన్ ఖురానా, రష్మిక మందన్నా జంటగా నటించిన చిత్రం 'థామా' కూడా ఈ జాబితాలో ఉంది. ఇది ఐఎండీబీలో 6.4 రేటింగ్ ను కలిగి ఉంది. కామెడీతో పాటు చాలా హర్రర్ సినిమాను కూడా ఈ సినిమాలో చేర్చారు. అమెజాన్ ప్రైమ్లో త్వరలో తెలుగులో కూడా థామా ఓటీటీ రిలీజ్ కానుంది.
నెట్ ఫ్లిక్స్లో డైరెక్ట్ ఓటీటీ రిలీజ్ అయిన యాక్షన్ కామెడీ చిత్రం 'ధూమ్ ధామ్' చిత్రం అద్భుతాలు చేసింది. నూతన వధూవరుల కథతో తెరకెక్కిన ఈ సినిమా కామెడీ, థ్రిల్ రెండింటినీ పంచింది. ఈ చిత్రానికి ఐఎండీబీ రేటింగ్ 6.4 ఉంది. తెలుగులో కూడా ధూమ్ ధామ్ అందుబాటులో ఉంది.
సితారే జమీన్ పర్- అమీర్ ఖాన్ సూపర్ హిట్ సినిమాల్లో ఒకటైన తారే జమీన్ పర్ సినిమాకు చాలా కాలం తర్వాత వచ్చిన సీక్వెల్ మూవీ సితారే జమీన్ పర్. కామెడీతోపాటు మంచి మెస్సేజ్తో ఆకట్టుకున్న ఈ సినిమాకు IMDb లో 6.9 రేటింగ్ వచ్చింది. ఈ సినిమాను యూట్యూబ్లో హిందీలో చూడొచ్చు.