మీరు కొత్త ఐఫోన్ కొనాలని ప్లాన్ చేస్తున్నారా? అయితే మీకు ఇది మీకోసమే! ప్రముఖ రిటైల్ నెట్వర్క్ విజయ్ సేల్స్ తన ప్రతిష్టాత్మక 'యాపిల్ డేస్' సేల్ని ఈ రోజు ప్రారంభించనుంది. ఏప్రిల్ 11న మొదలైన ఈ సేల్ ఏప్రిల్ 16 వరకు కొనసాగనుంది. దేశవ్యాప్తంగా ఉన్న 160కి పైగా విజయ్ సేల్స్ స్టోర్లతో పాటు వారి అధికారిక వెబ్సైట్లోనూ ఈ ఆఫర్లు అందుబాటులో ఉన్నాయి. ఈ నేపథ్యంలో ఐఫోన్స్, వాటి ధరలు, వాటిపై డిస్కౌంట్లు- ఆఫర్ల వివరాలను ఇక్కడ చూసేయండి..
ఐఫోన్ 17 ప్రారంభ ధర రూ. 78,790 గా ఉంది. యాక్సిస్, ఐసీఐసీఐ, ఎస్బీఐ బ్యాంకు కార్డుల ద్వారా కొనుగోలు చేస్తే రూ. 3,000 వరకు ఇన్స్టంట్ డిస్కౌంట్ లభిస్తుంది. ఇటీవలే విడుదలైన ఈ బడ్జెట్ ఫ్రెండ్లీ మోడల్ ఐఫోన్ 17ఈ లాంచ్ ధర రూ. 64,900 కాగా, సేల్లో కేవలం రూ. 60,490 కే లభిస్తోంది.
ఇక ఈ విజయ్ సేల్స్ యాపిల్ డేస్లో ఐఫోన్ 17 ప్రో ప్రారంభ ధర రూ. 1,24,190 (బ్యాంకు ఆఫర్ కలిపి)గా ఉది. కాగా ఐఫోన్ 17 ప్రో మాక్స్ రూ. 1,38,390 వద్ద ప్రారంభమవుతోంది. యాపిల్ నుంచి వచ్చిన సన్నని, తేలికపాటి మోడల్ ఐఫోన్ ఎయిర్ ఇప్పుడు రూ. 90,990 కే సొంతం చేసుకోవచ్చు.
కేవలం లేటెస్ట్ ఫోన్లే కాకుండా, గతేడాది మోడల్స్పై కూడా విజయ్ సేల్స్ భారీ డిస్కౌంట్లు ఇస్తోంది. ఐఫోన్ 16 అసలు ధర తగ్గడమే కాకుండా, రూ. 2,000 బ్యాంకు డిస్కౌంట్ కలిపి రూ. 64,990 కే అందుబాటులో ఉంది. ఐఫోన్ 16 ప్లస్ ఎఫెక్టివ్ ధర రూ. 71,490 గా నిర్ణయించారు. ఐఫోన్ 16 ప్లస్ స్మార్ట్ఫోన్ ఎఫెక్టివ్ ధర రూ. 71,490 గా నిర్ణయించారు.
"వినియోగదారులకు మరింత లబ్ధి చేకూర్చాలనే ఉద్దేశంతో ఎంపిక చేసిన మోడల్స్పై రూ. 10,000 వరకు ఎక్స్ఛేంజ్ బోనస్ను అందిస్తున్నాము," అని విజయ్ సేల్స్ ప్రతినిధులు తెలిపారు. దీనితో పాటు ‘యాపిల్ కేర్+’ లేదా ప్రొటెక్ట్ ప్లాన్లపై 20% వరకు తగ్గింపు లభిస్తుంది. అలాగే విజయ్ సేల్స్ వారి 'MyVS' లాయల్టీ ప్రోగ్రామ్ ద్వారా ప్రతి కొనుగోలుపై 0.75% లాయల్టీ పాయింట్లను పొందవచ్చు. ఒక్కో పాయింట్ ఒక రూపాయికి సమానం, వీటిని తదుపరి కొనుగోళ్లలో వాడుకోవచ్చు.