వినాయకుడిని ఆరాధించడం వలన విఘ్నాలు తొలగిపోయి సంతోషంగా ఉండొచ్చు. వినాయకుడిని పూజించడం వలన మనం చేసే ఏ కార్యమైనా కూడా విజయవంతంగా పూర్తి అవుతుందని నమ్మకం. అందుకే ఎలాంటి శుభకార్యాలు చేసినా మొట్టమొదట వినాయకుడిని పూజిస్తాము. పెళ్లిళ్లు జరిపేటప్పుడు కూడా వినాయకుడి పూజ చేసి పెళ్లి పనులు మొదలు పెడతాము.
వినాయకుడిని ఆరాధించడం వలన విఘ్నాలు తొలగి కార్యసిద్ధి కలుగుతుంది. ఆరోగ్యం, సంపద, శాంతి లభిస్తాయి. ఐశ్వర్యం, విద్యాబుద్ధి కూడా పెరుగుతాయి. కుటుంబంలో ఆనందం, ఐక్యత కూడా వినాయకుని ఆరాధించడం వలన పెరుగుతాయి. రోజూ వినాయకుడిని ఆరాధించడం వలన భక్తి, ధైర్యం, విజయాలను పొందడానికి వీలవుతుంది.
వినాయకుడిని ఆరాధించేటప్పుడు ఈ 16 నామాలను జపించండి. ఈ 16 నామాలను చదువుకోవడం వలన వినాయకుని అనుగ్రహం కలుగుతుంది. విఘ్నేశ్వర షోడశనామ స్తోత్రం ద్వారా వినాయకుని ఆశీస్సులు పొందవచ్చు. ఈ 16 నామాలు కూడా అత్యంత శక్తివంతమైనవి. గుర్తు పెట్టుకోండి. ఈసారి ఎప్పుడైనా వినాయకుడిని ఆరాధించేటప్పుడు, పూజ చేసేటప్పుడు, మొట్టమొదట వినాయకుడిని పూజించేటప్పుడు అయినా ఈ నామాలను చదువుకుంటే మంచిది. దీని ద్వారా పైన చెప్పిన లాభాలన్నింటినీ కూడా పొందడానికి వీలవుతుంది.
ఓం సుముఖాయ నమః
ఓం ఏకదంతాయ నమః
ఓం కపిలాయ నమః
ఓం గజకర్ణకాయ నమః
ఓం లంబోదరాయ నమః
ఓం వికటాయ నమః
ఓం విఘ్నరాజాయ నమః
ఓం గణాధిపాయ నమః
ఓం ధూమకేతవే నమః
ఓం గణాధ్యక్షాయ నమః
ఓం ఫాలచంద్రాయ నమః
ఓం గజాననాయ నమః
ఓం వక్రతుండాయ నమః
ఓం శూర్పకర్ణాయ నమః
ఓం హేరంబాయ నమః
ఓం స్కందపూర్వజాయ నమః
వినాయకుడికి ఇష్టమైన ఈ పుష్పాలను సమర్పించండి
ఎర్ర మందారాలు:
గణపతికి ఎర్ర మందారాలు అంటే ఎంతో ఇష్టం. అందుకనే ఎర్రమందార పూలతో వినాయకుడిని పూజించండి. స్వామివారికి పరమానందం కలుగుతుంది. కోరికలు కూడా నెరవేరుతాయి.
జాజి పూలు:
{{/usCountry}}గణపతికి ఎర్ర మందారాలు అంటే ఎంతో ఇష్టం. అందుకనే ఎర్రమందార పూలతో వినాయకుడిని పూజించండి. స్వామివారికి పరమానందం కలుగుతుంది. కోరికలు కూడా నెరవేరుతాయి.
జాజి పూలు:
{{/usCountry}}సుగంధభరితమైన జాజి పువ్వులు అంటే వినాయకుడికి చాలా ఇష్టం. ఈ పూల సువాసన పూజ గదిని పవిత్రంగా మారుస్తుంది. మనసును కూడా ప్రశాంతంగా ఉంచుతుంది.
గరిక:
వినాయకుడి పూజలో గరిక కచ్చితంగా ఉండాలి. వీటిని సమర్పించడం వలన శుభ ఫలితాలు కలుగుతాయి. కోరికలు నెరవేరుతాయి. వినాయకుని ఆశీస్సులతో సంతోషంగా ఉండొచ్చు. కుదిరితే 21 గరికపోచలను సమర్పించండి.
పూజలో గరిక ఎందుకు వాడాలి?
గరిక వినాయకుడికి అత్యంత ప్రీతిపాత్రమైనది. గరిక లేని పూజ వినాయకుడికి అసంపూర్ణమని భావిస్తారు.
వినాయకుడికి పూలతో పూజ చేసేటప్పుడు వాడిపోయిన పూలను, నేల మీద పడిన పూలను సమర్పించకండి. తాజా పూలను మాత్రమే సమర్పించండి. వినాయకుడికి కనకాంబరాలు, మల్లెపూలు కూడా సమర్పించవచ్చు.