రేపే ధన త్రయోదశి. ధన త్రయోదశి అంటే మనకి మొదట గుర్తొచ్చేది బంగారం, వెండి. ధన త్రయోదశి నాడు బంగారం, వెండి కొనుగోలు చేస్తే సకల శుభాలు కలుగుతాయని, లక్ష్మీదేవి అనుగ్రహాన్ని పొందవచ్చని నమ్ముతారు. ధన త్రయోదశి నాడు ఆయుర్వేదం కూడా పుట్టిందని అంటారు. ఎంతో విశిష్టంగా ధనవంతుని పూజను ఆ రోజు నిర్వహిస్తారు. ఈ ఏడాది ధన త్రయోదశి అక్టోబర్ 18, శనివారం నాడు వచ్చింది. ఆ రోజు ధనవంతునికి జయంతిగా, లక్ష్మీదేవి ఆవిర్భవించిన రోజుగా భావించి లక్ష్మీదేవిని ఆరాధిస్తారు.
లక్ష్మీదేవి
లక్ష్మీదేవి అనుగ్రహం కలగడానికి బంగారం, వెండి కొనుగోలు చేస్తారు. అదే విధంగా ఆ రోజు లక్ష్మీదేవికి ప్రత్యేక పూజలు కూడా చేస్తారు. వినాయకుడిని, లక్ష్మీదేవిని, కుబేరుని పూజిస్తే సిరిసంపదలు కలుగుతాయని నమ్మకం. సాయంత్రం యమ దీపాన్ని వెలిగిస్తారు. అలా చేయడం వలన అపవిత్ర దోషం తొలగిపోతుందని విశ్వాసం.
అలాగే ధన త్రయోదశి నాడు కొన్ని పొరపాట్లు కూడా చేయకుండా చూసుకుంటారు. ధన త్రయోదశి నాడు మర్చిపోకుండా యమదీపాన్ని వెలిగించడం, లక్ష్మీదేవిని పూజించడం వంటివి చేస్తారు. అలాగే తులసి కోట ముందు నేతితో దీపారాధన చేస్తారు. తులసి కోట చుట్టూ ప్రదక్షిణలు చేసి తులసమ్మను పూజిస్తారు. అలా చేయడం వలన లక్ష్మీ కటాక్షం కలుగుతుందని నమ్ముతారు.
లక్ష్మీ అనుగ్రహం కలగడానికి ఈ శుభాకాంక్షలు తెలపండి
లక్ష్మీదేవిని ప్రసన్నం చేయడానికి ధన త్రయోదశి నాడు తామర పూలమాలను సమర్పిస్తారు. గడపలకు పసుపు, కుంకుమలు రాసి, వరి పిండితో గడపపై ముగ్గులు వేస్తారు. ఈ విధంగా చేస్తే లక్ష్మీదేవి ఇంట్లోకి వస్తుందని భావిస్తారు. ఇక ధన త్రయోదశి నాడు అందరికీ సకల శుభాలు కలగాలని అనుకుంటున్నారా? మరి ధన త్రయోదశి నాడు మీ స్నేహితులు, బంధువులు బాగుండాలని, వారికి కూడా లక్ష్మీ అనుగ్రహం కలగడానికి ఈ శుభాకాంక్షలు తెలపండి. మామూలుగా కాకుండా శ్లోకాలతో ఈ విషెస్ ని మీ స్నేహితులకి, బంధువులకు చెప్పండి.
ధన త్రయోదశి విషెస్ 2025
ఓం నమో భగవతే వాసుదేవాయ ధన్వంతరయే అమృత కలశహస్తాయ, సర్వామయవినాశనాయ త్రైలోక్యనాథాయ శ్రీమహావిష్ణవే స్వాహా.. ధన త్రయోదశి శుభాకాంక్షలు..
ధన్వంతరేరిమం శ్లోకం భక్త్యా నిత్యం పఠంతి యే, అనారోగ్యం న తేషాం స్యాత్ సుఖం జీవంతి తే చిరమ్.. ధన త్రయోదశి శుభాకాంక్షలు..
ఓం వాసుదేవాయ విద్మహే సుధాహస్తాయ ధీమహి.. తన్నో ధన్వంతరిః ప్రచోదయాత్.. మీకు, మీ కుటుంబ సభ్యులకు ధన త్రయోదశి శుభాకాంక్షలు..
ఓం ధం ధన్వంతరయే నమః.. ఆ భగవంతుని ఆశీస్సులు మీకు, మీ కుటుంబ సభ్యులకు ఎల్లవేళలా ఉండాలని కోరుతూ.. ధన త్రయోదశి శుభాకాంక్షలు..
అచ్యుతానంత గోవింద విష్ణో నారాయణామృత
రోగాన్మే నాశయా శేషానాశు ధన్వంతరే హరే..
ఆరోగ్యం దీర్ఘమాయుష్యం బలం తేజో ధియం శ్రియం
స్వభక్తేభ్యోనుగృహ్ణంతం వందే ధన్వంతరిం హరిమ్..
మీకు, మీ కుటుంబ సభ్యులకు ధన త్రయోదశి శుభాకాంక్షలు...
'ఓం హ్రీం శ్రీం క్రీం శ్రీం కుబేరాయ అష్టలక్ష్మి మమ గ్రిహి ధనం పూరయ పూరయ నమః' ఆ లక్ష్మీ, కుబేరుల అనుగ్రహంతో ఎల్లప్పుడూ సంతోషంగా ఉండాలని కోరుతూ ధన త్రయోదశి శుభాకాంక్షలు