జీవితంలో మోసాలు, నష్టాల బారిన పడకుండా ఉండాలంటే కొందరితో ఎప్పుడూ అప్రమత్తంగా ఉండాలని ఆచార్య చాణక్యుడు హెచ్చరిస్తున్నారు. ఎలాంటి స్వభావం గల వ్యక్తులకు దూరం పెట్టాలో ఇక్కడ తెలుసుకోండి.
భారతీయ చరిత్రలో ఆచార్య చాణక్యుడిని గొప్ప రాజకీయవేత్తగా, అసాధారణ ఆర్థికవేత్తగా, అపారమైన దూరదృష్టి గల తత్వవేత్తగా కీర్తిస్తారు. ఆయన అందించిన నీతి సూత్రాలు కేవలం ప్రాచీన కాలానికే పరిమితం కాకుండా, నేటి ఆధునిక మానవ జీవితాన్ని సరైన మార్గంలో నడిపించడానికి దిశానిర్దేశం చేస్తున్నాయి.
చాణక్య నీతిని ఆచరించిన ప్రతి ఒక్కరూ జీవితంలో ఉన్నత శిఖరాలను అధిరోహించవచ్చని పెద్దలు చెబుతుంటారు. అయితే ఈ విధానాలు కొంచెం కఠినంగా అనిపించినప్పటికీ, వాటి అంతరార్థం మాత్రం మనిషిని కష్టాల నుంచి కాపాడటమే. మనిషి తన జీవితంలో ఎదురయ్యే నష్టాలు, వెన్నుపోట్లను తప్పించుకోవాలంటే కొందరి సావాసానికి దూరంగా ఉండాలని చాణక్యుడు స్పష్టం చేశారు.
ఎదుట ఎంతో మధురంగా..
ఎవరైతే మీ ముఖం ఎదుట ఎంతో మధురంగా మాట్లాడుతూ వెనుక మాత్రం మీ పనులను చెడగొట్టడానికి కుట్రలు పన్నుతుంటారో, అటువంటి వారిని వెంటనే వదిలేయాలి. పైకి పాలు నింపినట్లు కనిపించి లోపల విషం నిండిన కుండను ఎలా విసిరికొడతామో, అలాంటి కపట మిత్రులను కూడా అలాగే త్యజించాలి. కేవలం స్వార్థం కోసం మాత్రమే మాట్లాడేవారు కష్టకాలంలో ఎప్పుడూ వెనకడుగు వేస్తారు.
జీవితంలో ఎవరికి దూరంగా ఉండాలి?
స్వార్థపరులు, దుష్ట స్వభావం గలవారు: కేవలం తమ స్వలాభం కోసమే చూసే మిత్రులను ఏమాత్రం సంకోచించకుండా వదిలేయాలి. ఇలాంటి వారు ఆపద సమయంలో ముందుగా మీ చేయి వదిలేస్తారు.
మూర్ఖులు, అజ్ఞానులు: ఎలాంటి పరిజ్ఞానం లేని మూర్ఖులకు సలహాలు ఇవ్వడం లేదా వారి సావాసం చేయడం అంటే కొని తెచ్చుకున్న తలపోటే. వీరికి గోప్యమైన విషయాలు చెబితే వాటి విలువ తెలియక మీకే ఇబ్బంది తెచ్చిపెడతారు.
అహంకారులు, కోపిష్ఠులు: కోపంలో ఉన్నప్పుడు మంచీ చెడుల విచక్షణ కోల్పోతారు. అలాంటి వారు తమతో పాటు ఇతరుల జీవితాలను కూడా ప్రమాదంలో పడేస్తారు. వీరితో సావాసం ఎప్పుడూ ప్రమాదకరమే.
{{/usCountry}}అహంకారులు, కోపిష్ఠులు: కోపంలో ఉన్నప్పుడు మంచీ చెడుల విచక్షణ కోల్పోతారు. అలాంటి వారు తమతో పాటు ఇతరుల జీవితాలను కూడా ప్రమాదంలో పడేస్తారు. వీరితో సావాసం ఎప్పుడూ ప్రమాదకరమే.
{{/usCountry}}సోమరిపోతులు: ఎలాంటి ప్రయత్నం చేయకుండా ఇతరుల విజయాలను చూసి ఈర్ష్యపడే స్వభావం గలవారు మీ లక్ష్యాలను పక్కదారి పట్టించే అవకాశం ఉంది.
జీవితంలో ప్రశాంతతను కోరుకునేవారు ఈ ఐదు రకాల మనుషులకు ఎంత దూరంగా ఉంటే అంత మంచిదని చాణక్య నీతి స్పష్టం చేస్తోంది.