మౌని అమావాస్య 2026: ఆత్మశుద్ధికి, పితృ దోష నివారణకు సమయం.. ముహూర్తం, పూజా విధానం

మౌని అమావాస్యకు ఆధ్యాత్మికంగా ఎంతో ప్రాముఖ్యత ఉంది. 2026 జనవరి 18న ఈ పర్వదినం సందర్భంగా పుణ్యస్నానాలు, మౌన వ్రతం, దానధర్మాలకు సంబంధించిన శుభ ముహూర్తాలు, విశేషాల గురించి ఈ కథనంలో తెలుసుకుందాం.

హిందూ సంప్రదాయంలో అమావాస్య తిథికి ప్రత్యేక స్థానం ఉంది. నేటి అమావాస్యను 'మౌని అమావాస్య' అని పిలుస్తారు. దీనినే చొల్లంగి అమావాస్యగా కూడా పిలుస్తారు. దీనికి ఆధ్యాత్మికంగా కొన్ని రెట్ల అధిక ప్రాధాన్యత ఉంటుంది. ఈ రోజున చేసే స్నానం, దానం, జపం, మౌన వ్రతం మనిషి మనస్సును, ఆత్మను శుద్ధి చేస్తాయని భక్తుల నమ్మకం. ఈ పవిత్ర పర్వదినం వల్ల పాపాలు తొలగిపోయి, మోక్షం లభిస్తుందని పురాణాలు చెబుతున్నాయి.

మౌని అమావాస్య 2026: ఆత్మశుద్ధికి, పితృ దోష నివారణకు సమయం.. ముహూర్తం, పూజా విధానం

ఈ ఏడాది 2026, జనవరి 18, ఆదివారం నాడు మౌని అమావాస్య వస్తోంది.

తిథి, సమయం

• అమావాస్య తిథి ప్రారంభం: జనవరి 18, అర్థరాత్రి 12:03 గంటలకు.
• అమావాస్య తిథి ముగింపు: జనవరి 19, తెల్లవారుజామున 01:21 గంటలకు.

శుభ ముహూర్తాలు (జనవరి 18, 2026)

• ఈ రోజున పలు శుభ గడియలు ఉన్నాయి. మీరు పూజలు లేదా దానధర్మాలు చేయడానికి వీటిని అనుసరించవచ్చు:
• బ్రహ్మ ముహూర్తం: ఉదయం 05:27 నుండి 06:21 వరకు.
• అభిజిత్ ముహూర్తం: మధ్యాహ్నం 12:10 నుండి 12:53 వరకు.
• విజయ ముహూర్తం: మధ్యాహ్నం 02:17 నుండి 03:00 వరకు.
• గోధూళి ముహూర్తం: సాయంత్రం 05:46 నుండి 06:13 వరకు.
• సర్వార్థ సిద్ధి యోగం: జనవరి 18 ఉదయం 10:14 నుండి జనవరి 19 ఉదయం 07:31 వరకు.

ఈ రోజున హర్షణ యోగం, శివ వాస యోగంతో పాటు పూర్వాషాఢ, ఉత్తరాషాఢ నక్షత్రాల కలయిక ఉండటం వల్ల ఈ పర్వదినం మరింత శక్తివంతంగా మారింది.

మౌని అమావాస్య విశిష్టత

ఈ రోజుకు 'మౌన వ్రతం'తో విడదీయలేని సంబంధం ఉంది. శాస్త్రాల ప్రకారం, ఈ రోజున మౌనంగా ఉండటం వల్ల వాక్కు శుద్ధి అవడమే కాకుండా, ఆలోచనల్లో స్పష్టత వస్తుంది. మౌనం మనిషిని ఆత్మచింతన వైపు నడిపిస్తుంది. అలాగే, అమావాస్య పితృ దేవతలకు ప్రీతికరమైన రోజు. ఈ రోజున తర్పణాలు వదలడం వల్ల పితృ దోషాలు తొలగి, కుటుంబంలో సుఖశాంతులు వెల్లివిరుస్తాయని నిపుణులు వివరిస్తున్నారు.

పుణ్యస్నానం ఎలా చేయాలి?

సంకల్పం: తెల్లవారుజామునే స్నానం ముగించి, రోజంతా మౌనంగా ఉంటానని మనసులో సంకల్పం చేసుకోండి. సాధ్యమైనంత వరకు తక్కువగా మాట్లాడండి.

అర్ఘ్యం: సూర్య భగవానుడికి అర్ఘ్యం సమర్పించండి. పితృ దేవతలను స్మరిస్తూ నీటిలో నల్ల నువ్వులు కలిపి తర్పణం వదలండి.

దీపారాధన: ఇంట్లోని దేవతార్చన గదిలో దీపం వెలిగించి విష్ణువు, శివుడు, హనుమంతుడిని ధ్యానించండి.

దానధర్మాలు: ఈ రోజున పేదలకు అన్నం, వస్త్రాలు, గొడుగులు లేదా దుప్పట్లు దానం చేయడం చాలా శుభప్రదం.

సాయంకాలం: సాయంత్రం వేళ ఇంటికి దక్షిణ దిశలో నాలుగు ముఖాల దీపాన్ని (చౌముఖి దీపం) వెలిగించండి. ఇది పితృ దేవతలకు దారి చూపుతుందని నమ్మకం.

ఈ రోజు పాటించాల్సిన కొన్ని పరిహారాలు:

• ఆవులకు గ్రాసం తినిపించండి. పక్షులకు ఆహారం, నీరు అందించండి.
• శక్తి మేరకు అవసరంలో ఉన్నవారికి సహాయం చేయండి.
• రోజంతా ప్రశాంతంగా ఉంటూ పితృ స్మరణ చేయండి.