నాగుల చవితి 2025: ఈ ఏడాది నాగుల చవితి ఎప్పుడు వచ్చింది? తేదీ, సమయం, పూజా విధానంతో పాటు చదవల్సిన శ్లోకాలు ఇవిగో

తెలుగు రాష్ట్రాలలో నాగుల చవితిని ఆచరిస్తారు. ప్రకృతి, జంతువుల పట్ల గౌరవ సూచికంగా నాగుల చవితిని జరుపుతారు. ఈ ఏడాది నాగుల చవితి అక్టోబర్ 25న వచ్చింది. నాగుల చవితి నాడు భక్తులు పుట్టలో ఆవు పాలు పోసి గుడ్లు వేస్తారు. చలిమిడి, చిమ్మిలి నైవేద్యంగా పెడతారు. రోజంతా ఉపవాసం ఉండి, రాత్రి చిమ్మిలిని తింటారు.

ప్రతి ఏటా కార్తీక శుద్ధ చవితి నాడు నాగుల చవితిని జరుపుకుంటాము. తెలుగు రాష్ట్రాలలో నాగుల చవితిని ఆచరిస్తారు. ప్రకృతి, జంతువుల పట్ల గౌరవ సూచికంగా నాగుల చవితిని జరుపుతారు. ఈ ఏడాది నాగుల చవితి అక్టోబర్ 25న వచ్చింది. అయితే, ఇప్పుడు శుభ ముహూర్తం, పూజా విధానం తో పాటు పూర్తి వివరాలను తెలుసుకుందాం.

నాగుల చవితి 2025 తేదీ, శుభ ముహూర్తం (pinterest)

నాగుల చవితి 2025 తేదీ, శుభ ముహూర్తం

ఈ ఏడాది నాగుల చవితి అక్టోబర్ 25న వచ్చింది. చవితి తిథి అక్టోబర్ 25న తెల్లవారుజామున 1:19కి ప్రారంభమై, అక్టోబర్ 26న తెల్లవారుజామున 3:48కి ముగుస్తుంది.

నాగుల చవితి 2025 పూజ చేయడానికి శుభ ముహూర్తం

నాగుల చవితి పూజ చేయడానికి శుభ ముహూర్తం అక్టోబర్ 25 ఉదయం 8:09 నుండి 10:25 వరకు. ఈ సమయంలో నాగదేవతకు పూజ చేయడం వలన శుభఫలితాలు ఎదురవుతాయి.

నాగుల చవితి 2025 పూజా విధానం

1. నాగుల చవితి నాడు భక్తులు పుట్టలో ఆవు పాలు పోసి గుడ్లు వేస్తారు. చలిమిడి, చిమ్మిలి నైవేద్యంగా పెడతారు. రోజంతా ఉపవాసం ఉండి, రాత్రి చిమిలిని ప్రసాదంగా తింటారు.
2. నాగుల చవితినాడు జంట నాగుల విగ్రహాలకు అభిషేకం చేస్తే చాలా మంచి ఫలితం ఎదురవుతుంది.
3. పాలు, పసుపు, కుంకుమలతో అభిషేకం చేయాలి. పుట్ట దగ్గర టపాసులు కూడా పేలుస్తారు.
4. సౌభాగ్యం, సంతానం కలగాలని మహిళలు నాగుల చవితి నాడు సర్పపూజ చేస్తారు.
5. నాగుల చవితి నాడు నాగదేవతను ఆరాధిస్తే రాహువు దుష్ప్రభావాల నుండి బయటపడొచ్చు. సర్పదోషాలు ఏమైనా ఉన్నా తొలగిపోతాయి.
6. నాగుల చవితి నాడు నాగేంద్రుడు పరమేశ్వరుడికి వాసుకిగా, విష్ణువు ఆదిశేషుగా మారతారని చెబుతారు. అందుకనే భక్తులు నాగదేవతను ఆరాధిస్తారు. సంతానం లేని వారు నాగదేవుని ఆరాధిస్తే సంతానప్రాప్తి కలుగుతుంది.

రైతులకు ప్రత్యేకం

శీతాకాలంలో పాములు గుంటల నుండి బయటకు వస్తూ ఉంటాయి. దీనితో పంటలు నాశనం చేసే ఎలుకలను అవి తింటాయి. అలాగే హానికరమైన సూక్ష్మజీవులను కూడా పాములు చంపుతాయి. నేలను సారవంతం చేస్తాయి. ఇలా పాములు రైతులకు సహాయం చేయడంతో వాటికి కృతజ్ఞతను చెప్పడానికి నాగుల చవితిని జరుపుతారు.

నాగుల చవితి నాడు ఈ శ్లోకాలను చదువుకోండి

1. ఓం భుజంగేశాయ విద్మహే సర్పరాజాయ ధీమహి తన్నో ముక్తి నాగః ప్రచోదయాత్.
2. సర్వే నాగాః ప్రియన్తాం మే యే కేచిత్ పృథ్వీతలే.. విషాణి తస్య నశ్యంతి నటాం హింసంతి పన్నగాః న తేషా సర్పతో వీర భయం భవతి కుత్రచిత్..