హైదరాబాద్‌లోని జూబ్లీహిల్స్ లోని ఓ పబ్ లో ఆదివారం రాత్రి రెండు వర్గాల మధ్య జరిగిన గొడవ తీవ్ర ఉద్రిక్తతకు దారితీసింది. మద్యం మత్తులో ఇరువర్గాల వారు పరస్పరం కుర్చీలు, బీరు బాటిళ్లతో దాడులు చేసుకోవడంతో పబ్ వాతావరణం ఒక్కసారిగా భయానకంగా మారింది. ఈ ఘర్షణ ఘటనపై జుబ్లీహిల్స్ పోలీసులు మొత్తం మూడు వేర్వేరు కేసులు నమోదు చేశారు.
ప్రాథమిక సమాచారం ప్రకారం… కాంగ్రెస్ రాజ్యసభ ఎంపీ అనిల్ కుమార్ యాదవ్ సోదరుడు అరవింద్ కుమార్ యాదవ్ కూడా ఈ ఘటన జరిగిన సమయంలో అదే పబ్‌లో ఉన్నారు. ఎంపీ సోదరుడి సమక్షంలోనే ఇరువర్గాలు మాటమాటా పెరిగి భౌతిక దాడులకు దిగడం నగరంలో తీవ్ర కలకలం రేపింది. పబ్‌లో ఉన్న మిగతా కస్టమర్లు భయంతో పరుగులు తీశారు. ఈ దాడులకు సంబంధించిన దృశ్యాలను అక్కడున్న కొందరు తమ ఫోన్లలో చిత్రీకరించగా, ఆ వీడియోలు సోషల్ మీడియాలో విపరీతంగా వైరల్ అవుతున్నాయి.
మూడు కేసులు నమోదు….
ఈ ఘటనపై జుబ్లీహిల్స్ పోలీసులు సమగ్ర విచారణ చేపట్టారు. రచ్చ సృష్టించి శాంతిభద్రతలకు విఘాతం కలిగించినందుకు గాను రెండు వర్గాలపైనా పోలీసులు సుమోటోగా మొదటి కేసు నమోదు చేశారు. బహిరంగ ప్రదేశంలో ఘర్షణకు దిగడం, గొడవ సృష్టించడం వంటి తీవ్రమైన సెక్షన్ల కింద వీరిపై చర్యలు తీసుకుంటున్నారు.
రెండో కేసు ఒక బాధితుడి ఫిర్యాదు ఆధారంగా నమోదైంది. గొడవ జరిగిన అనంతరం వసీమ్ ఖాన్ అనే వ్యక్తి తన స్నేహితుడితో కలిసి కారులో ఇంటికి బయలుదేరుతుండగా, పబ్ పార్కింగ్ ప్రాంతంలో కొంతమంది వారి వాహనాన్ని అడ్డుకున్నారు. వారిపై తీవ్రస్థాయిలో దాడి చేయడమే కాకుండా, కారును ధ్వంసం చేశారని వసీమ్ ఖాన్ పోలీసులకు ఫిర్యాదు చేశారు. బాధితుడి ఫిర్యాదు మేరకు నిందితులపై దాడి, ఆస్తి నష్టం కింద మరో కేసు నమోదు చేశారు.
ఇక మూడో కేసును సదరు పబ్ యాజమాన్యంపై పోలీసులు నమోదు చేశారు. అనుమతించిన వేళల కంటే మించి పబ్ను నిర్వహించడమే కాకుండా, వేళల పొడిగింపునకు ఎలాంటి ముందస్తు అనుమతులు తీసుకోలేదని అధికారులు గుర్తించారు. నిబంధనలను బేఖాతరు చేస్తూ అర్ధరాత్రి దాటిన తర్వాత కూడా వ్యాపారం సాగించిన 'కారా కారా పబ్' (Cara Cara Pub) యాజమాన్యంపై ప్రత్యేకంగా కేసు నమోదు చేసినట్లు స్థానిక పోలీస్ అధికారి వెల్లడించారు.
{{/usCountry}}ఇక మూడో కేసును సదరు పబ్ యాజమాన్యంపై పోలీసులు నమోదు చేశారు. అనుమతించిన వేళల కంటే మించి పబ్ను నిర్వహించడమే కాకుండా, వేళల పొడిగింపునకు ఎలాంటి ముందస్తు అనుమతులు తీసుకోలేదని అధికారులు గుర్తించారు. నిబంధనలను బేఖాతరు చేస్తూ అర్ధరాత్రి దాటిన తర్వాత కూడా వ్యాపారం సాగించిన 'కారా కారా పబ్' (Cara Cara Pub) యాజమాన్యంపై ప్రత్యేకంగా కేసు నమోదు చేసినట్లు స్థానిక పోలీస్ అధికారి వెల్లడించారు.
{{/usCountry}}ఘటనకు సంబంధించిన దృశ్యాలను, సీసీటీవీ ఫుటేజీని సేకరిస్తున్నామని పోలీసులు వెల్లడించారు. చట్టాన్ని చేతుల్లోకి తీసుకున్న వారిపై, నిబంధనలు ఉల్లంఘించిన వారిపై కఠిన చర్యలు తీసుకుంటామని స్పష్టం చేశారు.