బతుకమ్మ, దసరా పండుగల వేళ స్వగ్రామాలకు వెళ్లే సామాన్య, మధ్యతరగతి ప్రజలపై తెలంగాణ ప్రభుత్వం, ఆర్టీసీ తీవ్ర భారం మోపుతున్నాయని మాజీ మంత్రి హరీశ్ రావు ఆరోపించారు. పండుగ పూట ప్రజలకు ఉపశమనం కలిగించే కానుకలు ఇవ్వాల్సింది పోయి…. టికెట్ ధరలను ఏకంగా రెట్టింపు చేసి నిలువుదోపిడీకి పాల్పడుతుండటం సిగ్గుచేటని ఆయన మండిపడ్డారు.
ఈ మేరకు సామాజిక మాధ్యమం 'ఎక్స్' (ట్విట్టర్) వేదికగా సీఎం రేవంత్ రెడ్డి ప్రభుత్వాన్ని నిలదీస్తూ హరీశ్ రావు పోస్ట్ చేశారు. పండుగల వేళ సాధారణంగా నడిచే రెగ్యులర్ బస్సుల సంఖ్యను కావాలనే తగ్గించి… వాటికే 'స్పెషల్' బోర్డులు తగిలించి ప్రయాణికుల నుంచి అదనపు ఛార్జీలు వసూలు చేస్తున్నారని ఆవేదన వ్యక్తం చేశారు. ఇది స్పష్టంగా జేబులకు చిల్లులు పెట్టే దుర్మార్గమైన చర్య అని దుయ్యబట్టారు.
“జేబీఎస్ (JBS) నుంచి కరీంనగర్‌కు సాధారణంగా రూ. 230 ఉండే టికెట్ ధరను ఏకంగా రూ. 400కు పెంచేశారు. మహబూబ్‌నగర్ నుంచి ఎంజీబీఎస్ (MGBS) వరకు మొన్నటివరకు రూ. 220 ఉన్న టికెట్ ధరను ఇప్పుడు రూ. 290కి పైగా వసూలు చేస్తున్నారు. రాష్ట్ర వ్యాప్తంగా అన్ని ప్రధాన రూట్లలోనూ ఇదే రీతిలో అదనపు ఛార్జీలు వసూలు చేస్తూ పండుగ సంబరం లేకుండా చేస్తున్నారు” అని హరీశ్ రావ్ ఆగ్రహం వ్యక్తం చేశారు.
ఉచిత ప్రయాణం పేరుతో మోసం - హరీశ్ రావ్
కాంగ్రెస్ ప్రభుత్వం మహిళలకు అమలు చేస్తున్న ఉచిత బస్సు ప్రయాణం పథకాన్ని కూడా హరీశ్ రావు ఈ సందర్భంగా విమర్శించారు. "ఒకవైపు మహిళలకు ఉచిత ప్రయాణం అని చెబుతూనే, మరోవైపు పురుషుల నుంచి డబుల్ ఛార్జీలు వసూలు చేస్తున్నారు. భార్యకు ఫ్రీ టికెట్ ఇచ్చి, భర్త నుంచి డబుల్ టికెట్ రుసుము వసూలు చేస్తే దాన్ని మహిళలకు ఇచ్చిన రాయితీ అంటారా? లేక అదే కుటుంబంపై అదనపు భారాన్ని మోపడం అంటారా? ఒక చేత్తో ఉచిత ప్రయాణమని ఇస్తూ మరో చేత్తో రెట్టింపు దోపిడీకి పాల్పడటమేనా మీ ప్రజాపాలన?" అని ఆయన రేవంత్ ప్రభుత్వాన్ని నిలదీశారు.
{{/usCountry}}కాంగ్రెస్ ప్రభుత్వం మహిళలకు అమలు చేస్తున్న ఉచిత బస్సు ప్రయాణం పథకాన్ని కూడా హరీశ్ రావు ఈ సందర్భంగా విమర్శించారు. "ఒకవైపు మహిళలకు ఉచిత ప్రయాణం అని చెబుతూనే, మరోవైపు పురుషుల నుంచి డబుల్ ఛార్జీలు వసూలు చేస్తున్నారు. భార్యకు ఫ్రీ టికెట్ ఇచ్చి, భర్త నుంచి డబుల్ టికెట్ రుసుము వసూలు చేస్తే దాన్ని మహిళలకు ఇచ్చిన రాయితీ అంటారా? లేక అదే కుటుంబంపై అదనపు భారాన్ని మోపడం అంటారా? ఒక చేత్తో ఉచిత ప్రయాణమని ఇస్తూ మరో చేత్తో రెట్టింపు దోపిడీకి పాల్పడటమేనా మీ ప్రజాపాలన?" అని ఆయన రేవంత్ ప్రభుత్వాన్ని నిలదీశారు.
{{/usCountry}}గడిచిన మూడేళ్ల కాంగ్రెస్ పాలనలోనే ఆర్టీసీ టికెట్ ఛార్జీలను దాదాపు 5 సార్లు పెంచారని…. ఇప్పుడు పండుగల సాకుతో మళ్లీ బాదుడు మొదలుపెట్టి పేదల నడ్డి విరుస్తున్నారని హరీశ్ రావు ధ్వజమెత్తారు. రేవంత్ ప్రభుత్వ తీరుతో సొంతూర్లకు వెళ్లాలంటేనే సామాన్యులు భయపడే పరిస్థితి దాపురించిందని విమర్శించారు.
వెంటనే స్పందించి పండుగల పేరుతో పెంచిన అడ్డగోలు ఛార్జీలను ఉపసంహరించుకోవాలని హరీశ్ రావ్ డిమాండ్ చేశారు. రెగ్యూలర్ బస్సులను యథావిధిగా నడిపి ప్రజలపై అదనపు భారం పడకుండా చూడాలని కోరారు.