మీ సేవ వాట్సాప్‌లో డీఈఈసెట్ హాల్ టికెట్లు ఎలా పొందాలి? ఈ స్టెప్స్ ఫాలో అవ్వండి

మీ సేవ వాట్సాప్‌లో డీఈఈసెట్ హాల్ టికెట్లు అందుబాటులోకి వచ్చాయి. వీటిని పొందేందుకు కొన్ని స్టెప్స్ ఫాలో కావాలి.

తెలంగాణ ప్రభుత్వ ఎలక్ట్రానిక్ సర్వీస్ డెలివరీ విభాగం, డీఈఈసెట్ (Diploma in Elementary Education Common Entrance Test) హాల్ టికెట్లను మీ సేవ వాట్సాప్/చాట్‌బాట్‌లో అందుబాటులోకి తీసుకువచ్చింది. రాష్ట్ర వ్యాప్తంగా విద్యార్థులు 15 మే 2026 ఉదయం 10:00 గంటల నుంచి వాట్సాప్ ద్వారా తమ హాల్ టికెట్లను వెంటనే పొందవచ్చు. డీఈఈసెట్ పరీక్ష ఈ నెల 21, 22 తేదీల్లో జరగనుంది.

వాట్సాప్ మీసేవ

డీఈఈసెట్ హాల్ టికెట్ పొందే విధానం

• అధికారిక మీ సేవ వాట్సాప్ నంబర్ 8096958096 ను “MeeSeva Telangana” పేరుతో సేవ్ చేసుకోవాలి.
• వాట్సాప్ ఓపెన్ చేసి “Hi” అని మెసేజ్ పంపాలి.
• “DEECET Hall Ticket” అని టైప్ చేయాలి.
• మెనూలో కనిపించే “Open Service” ఎంపికపై క్లిక్ చేయాలి.
• అవసరమైన వివరాలు నమోదు చేయాలి: Payment ID, Application Number, Mobile Number Date of Birth (DOB).

వివరాలు సమర్పించిన వెంటనే డీఈఈసెట్ హాల్ టికెట్ వాట్సాప్‌లో అందుతుంది. ఈ సేవ ద్వారా విద్యార్థులు, తల్లిదండ్రులకు పరీక్షలకు సంబంధించిన సేవలు వేగంగా, పారదర్శకంగా అందుబాటులోకి వస్తాయి.

తెలంగాణ రాష్ట్ర ప్రజలకు, సౌకర్యవంతమైన, పారదర్శకంగా, సులభమైన డిజిటల్ సేవలను అందించాలనే లక్ష్యంతో ప్రభుత్వం ముందుకు వెళ్తోంది. ఐటీ మంత్రి దుద్దిళ్ల శ్రీధర్ బాబు నేతృత్వంలో మీ సేవ ద్వారా పౌర సేవలను మరింతగా విస్తరిస్తోంది.

రాష్ట్ర ప్రభుత్వ ప్రధాన డిజిటల్ సేవల వేదిక అయిన మీ సేవ, 18 నవంబర్ 2025న ప్రారంభించిన మీ సేవ వాట్సాప్/చాట్‌బాట్ సేవల ద్వారా ప్రజలకు మరింత సులభంగా ప్రభుత్వ సేవలను అందిస్తోంది. 18 నవంబర్ 2025న ప్రారంభమైన మీ సేవ వాట్సాప్/చాట్‌బాట్ సేవలకు రాష్ట్రవ్యాప్తంగా ప్రజల నుంచి విశేష స్పందన లభిస్తోంది. ప్రారంభమైన కొద్ది రోజుల్లోనే ఈ వేదిక తెలంగాణలో అత్యంత వేగంగా ప్రజాదరణ పొందిన డిజిటల్ పౌర సేవా వేదికలలో ఒకటిగా నిలిచింది.

ఈ సేవల ద్వారా పలు సర్టిఫికేట్లను ప్రజలు పొందుతున్నారు. జనన ధృవపత్రం, ఆదాయ ధృవపత్రం, పోలీస్ చలాన్ సేవలు, విద్యుత్ బిల్లు సేవలు, బీఐఈ ఫలితాల సేవలు వంటివి పొందవచ్చు. వాట్సాప్ ఆధారిత ప్రభుత్వ సేవలపై ప్రజల్లో పెరుగుతున్న నమ్మకాన్ని ఇది ప్రతిబింబిస్తోందని ప్రభుత్వం చెబుతోంది. తెలంగాణ ప్రభుత్వం, మీ సేవ వేదికల ద్వారా మరిన్ని డిజిటల్ సేవలను విస్తరించేందుకు ప్రయత్నాలు చేస్తోంది.